Еден мафин, мисли рој

Еден мафин, залци рој еден гриз безброј вкусови мојте желби немаат број штом ме плени нахрани ме ти... Нема тајни во оваа мала среќа да те гризнам зар тоа не е се...

0
219

Калапите за мафини се вистинско чудо. Што и да печеме во нив никогаш не можеме да ги искористиме максимално. Обично правиме во нив слатки мафини, но и мали проички.

Овие нашиве се по стариот добар рецепт, но со нови додатоци. Во едните додадовме сечкана жива туршија (краставички, карфиол, морковчиња), а во другите – младо лукче и магдонос.

Но во мафин-калапите можат да се направат и многу други нешта. Според некои записи, првите калапи за мафини ги направил Хари Пан уште во далечната 1770. година. Веруваме дека и самиот би се шокирал кога би видел за што сѐ денеска се користат овие калапи. 

На пример, во калапите за мафини можете да испечете јајца.

Во секоја „мафин-дупка“ ставете по едно јајце и во рерна загреана на 200 степени печете ги 10-15 минути. Можете да направите и кајгана такашто ќе ги измешате јајцата со своите омилени комбинации – со спанаќ, пиперки, печурки, младо кромитче, шунка, сланина…Ја ставата смесата во местата за мафини, до пола, и ставате да се пече во рерна 15 минути.

Ќофтенца

Вашите ќофтенца можете да ги направите многу поедноставно. Само измешајте ја вашата смеса за ќофтиња и распоредете ја во калапите. Печете на 200 степени околу 30 минути. Украсете ги со пире од компири.

Фото: foodnetwork.com

Гнезда од шпагети

Сервирајте ги вашите шпагети со сирење на нов начин. Направете ги како и инаку (само внимавајте да останат цели) и со вилушка завиткајте ги во гнезда, ставете ги во калапите и печете околу 10 минути.

Наопаку

Свртете ја мафин-тавата наопаку и нанесете на калапите смеса за кекси. Печете на 180 степени 10-15 минути и користете ги како јадливи корпички во кој ќе сервирате сладолед или овошје.

Фото: wilton.com

Сосови и салати

За помалку неред при правењето скара, послужете ги сосовите и салатите во калапите за мафини.

white chocolate cashew berry cups

Фото: redbookmag.com

Замрзнати деликатеси

Во мафин-тепсија можете да замрзнете и сладолед или чоколадо со овошје, кремови.

loading...