Тајната на витката линија е во два ручеци на ден?!

За да се избегне бескорисното „грицкање“ помеѓу оброците, познатата диететичарка од Австралија Сузи Барел, советува два помали ручеци: еден околу пладне, а другиот околу 14-15 часот.

0
755

Со денешниот начин на живот на луѓето сѐ потешко им паѓа да си организираат правилна и редовна исхрана. Така најчесто се појавува и вишокот на килограми, проследен со различни здравствени проблеми. Познатата диететичарка од Австралија Сузи Барел неодамна објави текст на оваа тема и даде корисни совети за сите кои ги интересира како да ги загубат килограмите и да го избегнат дебелеењето.

Појадокот секогаш треба да биде помеѓу 7 и 8 часот

Сузи вели дека луѓето треба да појадуваат набргу по станувањето за природно да го активираат метаболизмот. Таа препорачува да го почнете денот со пробиотици, а појадокот да го зваршите со зелен чај. Протеините се клучни за овој оброк и Сузи препорачува јајца со зеленчук, густ јогурт со овошје или некои интегрални житарки.

„Ова ќе ве држи сити цело утро, но и ќе ви помогне во стабилизирањето на инсулинот“, вели таа. Инсулинот ја регулира гликозата и метаболизмот на мастите во телото, што е клуч за долгорочно одржување на телесната тежина“, наведува Сузи.

Ручек: помеѓу 11 и 12 и помеѓу 14 и 15 часот

Според Сузи, ручекот е подеднакво важен како и појадокот. Таа вели дека овој оброк треба да се зема три до четири часа после појадокот, односно тогаш кога ќе огладнете. За да се избегне бескорисното „грицкање“ помеѓу оброците, таа советува два помали ручеци: еден околу пладне, а другиот околу 14-15 часот.

„Ако го започнете денот рано, доцна ви е да чекате да дојде 15 часот за да ручате“, вели таа.

Сузи вели дека ручекот треба да претставува здрава мешавина од јаглени хидрати, салати и протеини.

„Неодамнешната студија објавена во Nutrition Journal покажала дека луѓето кои земале пола авокадо со ручекот, останувале подолго сити и имале пониско ниво глукоза од испитаниците кои не го јаделе овој плод“, објаснува таа и препорачува после ручек да се подготвите психички за вечера, затоа што после 16 часот, мотивираноста за придржување до здравите принципи на исхраната, почнува да опаѓа.

„Подоцна попладне може да дојде до прејадување и до желба за шеќери и затоа е потребно околу 16 часот да осмислите некоја паметна ужина. Добра опција е некоја интегрална тортилја со сирење или немасно месо, интегрални крекери со кашкавал и малку краставици и домати или замена за оброк во вид на протеински шејк со овошје и семки“, вели таа.

Вечера до 20 часот, не подоцна

Доцната вечера и раниот појадок не се поклопуваат, затоа што секоја ноќ е потребно да поминеме помеѓу 10 и 12 часа без храна. Смета дека последниот оброк треба да го изедете до 20 часот – колку порано толку подобро. За вечера би било пожелно да одбирате полесни оброци како чорба или супа.

loading...