Колку калциум ни е потребен против остеопорозата

За да се апсорбира калциумот во организмот, потребен ви е витамин Д.

0
1990

Нормална појава е коските да слабеат како што старееме. Но, доколку развиете остеопороза, ризикот за скршеници на коските се зголемува. При појавата на остеопороза, не само што вашите коски го губат калциумот и минералите, туку и самото коскено ткиво дегенерира. За среќа, со правилна исхрана и вежбање можете да ги држите под контрола овие процеси.

Колку калциум, всушност, ни е потребен?

Помалку од колку што мислите. Иако препорачаната дневна доза на калциум е 1.000 милиграми дневно за млади, а 1.200 милиграми за жени над 50 и мажи над 70 години, истражувањата покажуваат нешто друго. Истражување објавено во „Бритиш медикал журнал“ изведено на 61.433 жени, покажува дека нема некој значителен бенефит од консумирањето на повеќе од 750 милиграми калциум дневно.

Помеѓу најздравите природни извори на калциум се гравот и зелјестите растенија, бидејќи содржат и многу други здрави, хранливи состојки. Од зелјестите растенија, најголеми извори на калциум се брокулите, кељот и прокељот. Спанаќот, пак, од друга страна, не спаѓа овде бидејќи калциумот кој го содржи не се апсорбира лесно во организмот, како кај другите од оваа фамилија на растенија.

Улогата, пак, на млечните производи во борбата против остеопорозата е контроверзна уште од едно истражување кое следејќи над 72.000 жени во текот на 18 години, покажало дека оние кои што пиеле три или повеќе чаши млеко дневно, имале исто толку скршеници на коските колку и оние кои што не пиеле. Така што, докажано е дека млекото не ги превенира повредите на коските.

За да се апсорбира калциумот во организмот, потребен ви е витамин Д. Потребните количества од овој витамин ќе ги добиете со околу 15 минути изложеност на сонце на лицето и рацете. Доколку го избегнувате сонцето или користите креми со заштитен фактор ќе треба да земате витамински суплементи во исхраната. Препорачаната дневна доза на витамин Д е 15 микрограми за возрасни и 30 микрограми за луѓе над 70 години. Со оглед на тоа што витаминот Д има и превентивна улога во борбата со ракот, многу лекари препорачуваат и поголем внес на овој витамин, од околу 50 микрограми дневно.

Дали нешто од она што го јадам може да ми ги ослаби коските?

Да. Доколку консумирате многу пилешко, риба, телешко или кој било друг извор на протеини од животинско потекло, вашите бубрези ќе почнат да ви го трошат калциумот. Протеините од животинско потекло го спроведуваат калциумот од крвотокот во урината. Во екстремни случаи, исхрана која содржи големи количини месо, може да ви го зголеми трошењето на калциум и до 50 отсто. Ова би можело да даде објаснување и на тоа зошто млекото не ги спречува повредите на коските. Иако млекото содржи калциум, исто така содржи и протеини од животинско потекло, кои пак го трошат калциумот.

Солената храна исто така го троши калциумот. Колку повеќе содиум содржи храната која што ја консумирате, толку повеќе калциум вашите бубрези ќе исфрлат од вашиот организам. Свежиот грав, карфиолот, и доматите скоро воопшто не содржат содиум, доколку ги консумирате свежи или само смрзнати. Но, конзервираниот зеленчук, готовите супи и сосовите од друга страна, се најчесто преполни со содиум. Така што, ако веќе морате да ги јадете, одберете некои без сол. Чипсот, крекерите и грицките се исто така преполни со сол, како и најголемиот дел од процесираното сирење и сувомесни производи, сланината, колбасите, шунката… Внесот на содиум треба да го држите под границата од 1.500 милиграми дневно.

Што се однесува пак до кофеинот, кафето нема да ви го зголеми ризикот од скршеници на коските, освен ако не пиете по три или повеќе шолји дневно. Така што, намалете со кафето за да ја избегнете загубата на калциум.

Подготви: Јана Колева

ОСТАВЕТЕ ОДГОВОР

Please enter your comment!
Please enter your name here