Најдобрите рецепти за бело и црно варено вино

Ова е добар начин предновогодишно да се загреете и одлична причина да повикате друштво во својот дом исполнет со неодоливи мириси на зачини.

0
681

Вареното вино може да има значајна енергетска вредност па ви советуваме белиот рафиниран шеќер да го замените со кафеав.

Бело варено вино

Состојки:

2 литри бело вино

3 портокали

7 лажици шеќер

Стапче цимет

8 каранфилчиња

Приготвување:

Исцедете ги портокалите. Додадете го во виното со шеќерот, циметот и каранфилчињата. Полека загревајте до зовривање па намалете ја температурата и оставете го да врие на тивко уште 15 минути. Послужете го врело.

Црно варено вино

Состојки:

1 литар црно вино

Лимон

2 стапчиња цимет

8 каранфилчиња

3 лажици шеќер

Приготвување:

Исечете го лимонот на кришки. Загрејте го виното со шеќерот и зачините, додадете го лимонот па оставете се заедно да се вари полека 5 минути. Тргнете го од рингла, покријте го тенџерето и оставете го да отстои 1 час. Пред послужување повторно загрејте го.