Основен рецепт за вистински сладолед од млеко, путер и јајца

Вака се прави оној сладолед што ни го правеа бабите дома, а чиј вкус речиси и го заборавивме. Во оваа основна верзија можете да додавате се што ќе посакате и ќе имате сладолед каков што заслужувате

0
503

Состојки:

4 жолчки

2 лажици шеќер во прав

1 лажичка пченкарен скроб

570 мл свежо млеко

50 г путер

Неколку капки екстракт од ванила

Приготвување:

  1. Изматете ги жолчките и шеќерот, па додадете го брашното.
  2. За тоа време загрејте го млекото во кое сте го додале путерот и кога ќе зоврие тргнете го од оган. Додавајте го млекото во смесата од жолчки и шеќер постојано мешајќи.
  3. Вратете ја целата смеса повторно во тенџерето на тивок оган постојано мешајќи со дрвена лажица додека не се направи крем. Во тој крем можете да додавате по желба стопено чоколадо, јагоди, малини.
  4. Ставете ја смесата во замрзнувач и кога е делумно замрзната извадете ја од замрзнувачот, измешајте ја добро со миксер и повторно вратете ја во замрзнувачот. Можете ова да го повторите неколку пати за да добиете колку што е можно поубав мазен сладолед без замрзнати грутчиња.

ОСТАВЕТЕ ОДГОВОР

Please enter your comment!
Please enter your name here