Прв летен фестивал на овошјето во Скопје

Под мотото „Вкуси го летото“ Дистрикт бар и ресторан организира Летен фестивал на овошјето кој ќе се одржува секоја сабота од 5. до 31. август.

0
81

Од 5.август во Скопје почнува првиот летен фестивал на овошјето – „Вкуси го летото“. Станува збор за прв фестивал од ваков вид организиран кај нас, а ќе се случува на летната тераса на Дистрикт, кадешто посетителите ќе имаат можност да вкусат најразновидни специјалитети во кои овошјето е главната состојка, но и повеќе видови летни коктели, освежителни пијалаци и десерти.

Свинско филе со кајсии, лосос со портокал или чизкејк со праска, апетисани и маслиново масло? Можеби за некого звучи невообичаено, но гурманите и хедонистите знаат дека за врвен вкус е неопходна добра имагинација. А токму имагинацијата е императивот на мајсторите од Дистрикт бар и ресторан кои својата исклучителна инспирација и експертиза ќе ја преточат во уникатно летно мени, специјално направено да ги задоволи сите вкусови.

На Летниот фестивал на овошјето нема да бидат запоставени ниту најмалите, за кои ќе се понуди креативно детско мени, неодоливо за нивната искрена љубопитност.

„Сакавме да понудиме сеопфатно мени инспирирано од овошјето, кое ќе биде атрактивно за сите генерации и сите вкусови, но пред сѐ еден уникатен настан, каков што посетителите немале можност да видат досега. Во период на одмори, кога градот е практично празен, подготвивме интересна содржина во пријатна и опуштена атмосфера, каде нашите гости ќе можат да се разладат и да уживаат во специјалната овошна понуда“, изјави Питер Татар, главен готвач на Дистрикт бар и ресторан.

Летниот фестивал на овошјето ќе ги отвори своите врати во периодот од 12 до 18 часот за сите посетители, а ветува неповторливо искуство и вистинско уживање во долгите и топли летни денови.

LEAVE A REPLY

Please enter your comment!
Please enter your name here

four + 9 =