Салата од цвекло со сок од портокал

Ова може да биде прилог кон некој оброк со месо, но во овие летни горештини може да биде и самостоен оброк. Свежо и супер вкусно.

0
180

Салатата од цвекло е супер здрав оброк одличен и ако сакате да изгубите некој килограм пред да заминете на одмор.

Се разбира, едноставно е и да се направи но задолжително употребете сок од портокал или од лимон бидејќи токму тоа му дава убав и свеж цитрусен вкус.

Состојки:

Варено цвекло

1 лажица ситно сечкан магдонос

Маслиново масло

Сол, црн пипер

1 портокал

Фета или козјо сирење за поросување

Приготвување:

  1. Ставете го цвеклото во ладна вода и откако ќе проврие оставете го да се вари 40-45 минути, во зависност од големината на цвеклото. Откако ќе се свари, излупете го и исечете го на колку што можете потенки тркалца.
  2. Наредете ги на чинијата за сервирање и прелијте ги со исцеден сок од портокал, сол и црн пипер, прелијте со маслиново масло и ситно сечкан магдонос и оставете ја чинијата покриена со проѕирна фолија барем еден час во фрижидер.
  3. Пред да ја послужите наросете со сирење.

ОСТАВЕТЕ ОДГОВОР

Please enter your comment!
Please enter your name here