Три едноставни летни десерти

0
1320

Кога жештините надвор се неподносливи, последното нешто што сакаме да го направиме е да пуштиме рерна и да испечеме мафини кога ни се јаде некој домашен десерт. Има решение и за тоа, летни десерти кои не се печат. Дозволете си го заслужениот одмор во жешките летни денови, преку овие здрави и вкусни десерти за кои не треба да го вклучите шпоретот.

Тропски шербет

Состојки:
(4 порции, време 12 минути)
2 1/2 шолји смрзнато манго на парчиња
1 шолја парчиња смрзнат ананас
3/4 шолја јогурт од лимон
1 лажичка рендана кора од лимон

Приготвување:
1. Извадете ги мангото и ананасот од фрижидер и оставете ги на собна температура около 10 минути. Во блендер ставете ги мангото, ананасот, јогуртот и блендирајте додека да добиете изедначена смеса. Послужете веднаш или оставете го во кутија и во замрзнувач околу час и половина за да добиете поцврста структура.

Портокали со марокански зачини
порток

Едноставна за подготовка, оваа овошна салата е одличен и освежителен начин да се
заврши оброкот. Комбинацијата на портокал и цимет е одлична, а можете да го послужите и како додаток на сладолед или смрзнат јогурт.

Состојки:
2 1/2 шолји портокал, сечкан на мали парчиња
1/4 шолја бадеми
2 1/2 лажици урми, сечкани
1 лажица шеќер во прав
1 лажица свеж сок од лимон
1/4 лажичка мелен цимет (по желба)
рендана кора од портокал (по желба)

Приготвување:
1. Ставете ги состојките во сад со средна големина и промешајте ги заедно. Покријте го садот и ставете го во замрзнувач околу 20 минути, па гарнирајте со цимет и кора од портокал, по желба.

Едноставна пена од јагоди
јагоди

Состојки:
(6 порции, време 2 часа и 25 минути)

1 шолја јагоди, ситно сечкани
1/2 шолја шеќер
5 лажици вода
3/4 од лажичка желатин
малку сол
2 белки од поголеми јајца
1/4 лажичка ванилин екстракт
1/2 шолја шлаг пена

Приготвување:
1. Измешајте ги сечканите јагоди со лажичката шеќер и ставете ги во блендер. Нека отстојат десетина минути, па изблендирајте ги за да добиете мазна смеса.

2. Ставете 2 лажици вода во голем сад, посипете ги со желатин и оставете ги да отстојат 2 минути.

3. Ставете 6 лажици шеќер, преостанатите 3 лажици вода и малку сол во малечко тавче на средна температура и почекајте да зоврие, со повремено промешување за да се стопи шеќерот. Потоа варете без промешување уште 4 минути.

4. Додајте ги јајцата во мешавината со желатин и измешајте ги со миксер со голема брзина, додека добиете пенаста структура. Постепено додавајте ја преостанатата лажичка шеќер и ванилата додека миксирате.

5. Ставете го кремот во голем сад и миксирајте на голема брзина додека не се појават цврсти врвчиња.

6. Внимателно ставете четвртина од мешавината со белки од јајца во шлаг пената. Додајте го остатокот од мешавината со белки а потоа и мешавината со јагодите. Со лажица наполнете 6 чаши за десерт до половина со мешавината. Ставете ги во фрижидер околу два часа и готови се за јадење.

ОСТАВЕТЕ ОДГОВОР

Please enter your comment!
Please enter your name here