Готови мешавини за колачи

Зарем не би било прекрасно кога би можеле да направите колачиња за само неколку минути? Овие мешавини можат да ви помогнат во тоа. Смесата секогаш ќе биде подготвена - само додадете путер и јајца во неа, обликувајте ги колачите и ставете ги во рерната.

0
232

Ако сакате да заштедите време и ако имате деца и семејства кои секогаш сакаат да каснат нешто слатко или се обожаватели на колачиња со чаша млеко, тогаш ова се вистинските рецепти за вас.

Мешавините можете да ги чувате на темно и ладно место или во фрижидер. Кога ви требаат брзи колачиња, само измешајте ги путерот и јајцата и додадете ги во една од овие мешавини. Потоа треба да ги обликувате колачите како сакате и да ги испечете во рерната.

Со парченца чоколадо

Состојки:

3/4 чаша (250 ml) кафеав шеќер

1/2 чаша бел шеќер

1/4 чаша какао во прав

1/2 чаша грубо сечкани ореви

1 чаша мали парчиња чоколадо

1 ¾ чаша брашно

1 лажичка сода бикарбона

1 лажичка прашок за пециво

Прстофат сол

Тегла од 950 ml

Приготвување:

Измешајте го брашното со сода бикарбона, прашок за пециво и сол. Ставете ги сите состојки по редоследот како што се наведени во слоеви, во теглата, затворете ја и чувајте ја додека не дојде време да ги направите колачите.

А тогаш само измешајте ја со 170 гр путер, 1 јајце и 1 ванилин шеќер (по желба). Измешајте ја содржината на теглата во еден сад, па додадете ги путерот и јајцето. Измешајте сè (малку со миксер, малку со вашите раце) додека не се соединат состојките. Обликувајте ги топчињата и наредете ги во подмачкана тава на растојание од околу 5 см. Печете ги на 180С 10-15 минути.

Суво грозје и житарки

Состојки:

1 чаша брашно

1 лажичка цимет

1/2 лажичка морско оревче (по избор)

1 лажичка сода бикарбона

1/2 лажичка сол

3/4 чаша суво грозје

2 чаши овесни снегулки

3/4 чаша кафеав шеќер

1/2 чаша бел шеќер

Тегла од 950 ml

Приготвување:

Брашното измешајте го со цимет, морско оревче, сода бикарбона и сол. Ова ќе биде првиот слој во теглата – на дното. Следно ставате, во слоеви, суво грозје, овесни снегулки, кафеав шеќер и бел шеќер. (Доколку е потребно, притиснете малку за да ја собере мешавината во теглата).

Подготвувате исто како и претходните колачиња со 170 гр путер, јајце и ванила.

Колачи од кокос и какао

Состојки:

150 грама брашно

2/3 чаша кафеав шеќер

1/3 чаша какао во прав

1/2 чаша парчиња чоколадо)

Малку сол

2/3 чаша бел шеќер

1/2 чаша кокос

1/2 чаша сечкани ореви, лешници или сушена брусница

Тегла од 950 ml

Приготвување:

Наполнете ја теглата со состојките во слоеви по наведениот редослед. За да ги направите колачињата, изматете 3 јајца со 2/3 чаша масло и 1 ванилин шеќер. Додадете ја смесата од теглата на ова. Добро измешајте и ставете ја смесата во подмачкан плех со димензии од 23 × 23 см и печете половина час. Кога ќе се олади исечете ги на коцки.

Микс со житарки

Состојки:

1/2 чаша кафеав шеќер

1/2 чаша бел шеќер

3/4 чаша пченични никулци

1/3 чаша овесни снегулки

1 чаша суво грозје

1/3 чаша брашно од кокос

1/2 чаша сечкани ореви

3/4 чаша брашно измешано со 1 лажичка прашок за пециво

Приготвување:

Наредете ги сите состојки во тегла од 950 ml како што се наведени. За колачите, прво треба да измешате пола чаша омекнат путер и 1 јајце и додадете во смесата како во првите два рецепти.

Фото: Pixabey