Го намалува притисокот, ги штити срцето и коските, го регулира варењето…

Наутот е еден од најдобрите извори на протеини, растителни влакна, витамин Б6, железо и магнезиум и е богат со есенцијални аминокиселини кои организмот не е во состојба сам да ги создаде.

0
829

Една чаша наут ви обезбедува и 50% од дневната потреба на вашето тело за калиум, 2% за витамин А, 13% за витамин Ц, 69% за железо, 55% за витамин Б6 и 57% за магнезиум. Покрај тоа, наутот содржи и витамин К, фолат, фосфор, цинк, бакар, манган, холин и селен.

Наутот е еден од најдобрите извори на протеини, растителни влакна, витамин Б6, железо и магнезиум и е богат со есенцијални аминокиселини кои организмот не е во состојба сам да ги создаде.

Лековити својства на наутот

Во борбата против дијабетес

Студиите покажаа дека дијабетичарите од тип 1 кои често консумираат храна богата со растителни влакна, го намалуваат нивото на гликоза, а дијабетичарите од типот 2 можат да го подобрат нивото на шеќер, липиди и инсулин во крвта.

Експертите препорачуваат 21-25 г диетални влакна на ден за жени и 30-38 г за мажи.

Го чува здравјето на коските

Железото, фосфатите, калциумот, магнезиумот, манганот, цинкот и витаминот К, кои се наоѓаат во наутот, придонесуваат за здравјето и јачината на коските.

Сепак, треба да се биде внимателен кога станува збор за овие минерали бидејќи премногу фосфор и премногу малку калциум можат да резултираат со слабеење на коските.

Го намалува крвниот притисок

Една од најважните промени што треба да ги направите за да го намалите крвниот притисок – треба да јадете храна која е сиромашна со натриум, а токму таков е наутот.

Покрај тоа, содржи и калиум, што е подеднакво важно за нормализација на крвниот притисок.

Го чува нашето срце

Комбинацијата на растителни влакна, калиум, витамини Ц и Б6 и недостатокот на холестерол е одлична за одржување на здравјето на срцето.

Го регулира варењето на храната

Наутот го подобрува варењето на храната и е одличен природен лек за лекување на запек и подобрување на целокупното здравје на дигестивниот тракт.

Го одржува холестеролот под контрола

Бројни студии покажаа дека редовното консумирање на наут природно го намалува лошиот холестерол.

Го чисти организмот

Наутот има едно многу корисно својство, ги исфрла сулфатите, штетните материи што се наоѓаат во конзервираната и преработената храна.

Фото: Pixabey