Далматинска класика: Паштицада со домашни њоки

Паштицадата е едно од хрватските автохтони јадења, а наводно, корените ги влече уште од Римското царство. Има безброј нијанси, разликата е во зачините и во зависност од делот на Далмација кадешто се подготвува. Не е комплицирано, само бара време и трпение.

0
128

Ова е едно од оние јадења што не се подготвуваат често, бидејќи подготовката си бара да одвоите неколку часа, но затоа е едно од најдобрите месни јадења во овој дел од светот.

Паштицадата е едно од хрватските автохтони јадења, а наводно, корените ги влече уште од Римското царство. Има безброј нијанси, разликата е во зачините и во зависност од делот на Далмација кадешто се подготвува. Не е комплицирано, само бара време и трпение.

Со оглед на тоа што паштицадата без домашни њоки нема смисла, побарајте го рецептот за њоките ТУКА.

За ова јадење ви се потребни:

2 кг јунешки бут (фрикандо)
3 поголеми главици кромид
1 морков
1 парче целер (со големина на 1/2 дланка)
50 гр панцета
4 чешниња лук
4-5 каранфилчиња
2 лажички морско оревче
1 лажица концентрат од домати
околу 1/5 л вински оцет
1 дцл црвено вино или прошек
вода
Свинска маст
сол
3 ловорови лисја
6 сливи натопени во вода околу 10 минути

Приготвување:

Исечете го морковот на тенки стапчиња, исечете ја сланината на тенки ленти, а лукот по должина на подебели парченца. Направете по должината на месото џепчиња со нож и ставајте во секое по парче лук, парче морков што претходно сте го извалкале во прав од морско оревче и парче сланина.

Ставете го месото во тенџере, истурете го оцетот и додадете вода за да го покриете месото. На 2/3 оцет се става 1/3 вода. Оставете да отстои преку ноќ, а во меѓувреме свртете го 2-3 пати.

Ставете 2 лажици маст во тенџере, извадете го месото од растворот, добро избришете со хартиена салфета и намачкајте го со сол.

Ставете го да се запече од сите страни за да се затворат порите.

Извадете го и покријте го со фолија. Во истото тенџере, додадете малку повеќе маст и пропржете го ситно исечканиот кромид и целерот, додадете ловоров лист и каранфилче. Нека се динста додека зеленчукот целосно не овене. Кога зеленчукот е овенат (не изгорен), додадете го месото во зеленчукот и веднаш ставете и вино и лажица концентрат од домати што сте ги раствориле во малку вода. Оставете да се динста додека не испари алкохолот, потоа додадете околу 2 дцл вода, додадете повеќе сол и оставете да зоврие покриено на тивок оган.

Гответе го следните 3 часа, покриено на многу слаб оган. Повремено додавајте вода и малку од растворот со оцетот (внимавајте да не е многу кисело).

Ако има потреба, по вкус, додадете уште сол, повеќе морско оревче по потреба, малку вода и потоа малку од растворот. Пробајте по 3 часа дали е месото меко. Ако е, меко, извадете го на даска за сечење и исечете го на парчиња со дебелина на прст. Измешајте го со миксер зеленчукот од сосот во тенџерето, освен ловоровите листови и каранфилчињата. Вратете ги парчињата месо во сосот. Ако сосот е премногу густ, додадете повеќе вода. Ова е последна шанса да го рафинирате вкусот и густината на сосот. Вкусете, доколку е потребно, уште 20 пати додека не ги изедначите вкусовите и густината. Додадете ги сливите во сосот и оставете да се варат покриени уште 30 минути. Сосот мора да биде густ, кисело-сладок, со беспрекорно избалансиран вкус. Не го сфаќајте строго времето за готвење, понекогаш месото се готви малку подолго или пократко, во зависност од квалитетот и од парчето.

Послужете со домашни њоки.