Дијабетесот може да се лекува само со промена на исхраната?

Британскиот доктор др. Ранган Чатерџи вели дека изобилството јаглехидрати и шеќери во комбинација со стрес и несоница во голема мера го зголемуваат нивото на гликоза во крвта и доведуваат до отпорност на инсулин и дијабетес. Според него, може да го излечите дијабетесот само со промена на исхраната.

0
760

Дали ви беше дијагностициран дијабетес тип 2 или дознавте дека имате предијабетес?Добрата вест е дека хроничната болест што ја имате во моментов не е неизлечива – токму спротивното. Но, исто така, треба да преземете одговорност за сопственото здравје и да го прифатите фактот дека болеста не се појавила преку ноќ – се развила со текот на годините.

Можеби сте имале одредени симптоми како што се замор, стомачна дебелина, болки во зглобовите и слично, но не сте им придавале значење.

Размислете за храната што сте ја консумирале. Дали тие преработени намирници беа богати со рафинирани јаглехидрати и шеќер?

Дали бевте под голем стрес и страдавте од несоница?

Британскиот доктор др. Ранган Чатерџи вели дека изобилството јаглехидрати и шеќери во комбинација со стрес и несоница во голема мера го зголемуваат нивото на гликоза во крвта и доведуваат до отпорност на инсулин и дијабетес.

Наместо да се прибегнува кон лекови (кои дејствуваат само на симптомите, а не ја елиминираат причината), може да го излечите дијабетесот со промена на исхраната, вели др. Чатерџи, кој верувале или не, на своите пациенти им го советува само тоа.

И резултатите што ги постигнал на тој начин се одлични.

Многу од неговите пациенти кои страдале од дијабетес веќе ја немаат болеста – благодарение на правилната исхрана.

Дури и ако земате лекови додека сè уште консумирате нездрава исхрана богата со шеќер и јаглехидрати, само додавате масло на огнот, вели др. Чатерџи.

Треба да се дејствува на причината, а не само на симптомите.

Епидемија на дијабетес

Дијабетес тип 2 е болест на хронично покачено ниво на шеќер во крвта, која денес зема размери на вистинска епидемија.

Но, многумина не знаат дека лековите само ја држат болеста под контрола и ништо повеќе.

Д-р Чатерџи вели дека дијабетесот е излечива болест, која може да се спречи.

Затоа е зачудувачки што толку многу луѓе сè уште страдаат од дијабетес, и се поголем број деца!

Тажната вест е дека состојбата на предијабетесот, во која нивото на гликоза во крвта е помеѓу 5,6 и 6,9 nmol / l, влијае на околу 40 проценти од младите и повеќе од 50 проценти од постарите лица.

Ако имате предијабетес, важно е веднаш да се воведат клучните промени во животот и начинот на исхрана, бидејќи за помалку од десет години всушност може да ви биде дијагностициран дијабетес тип 2 (нивото на гликоза во крвта во тој случај е повисоко од 7 nmol / l на празен стомак).

Како се појавува отпорност на инсулин

Веројатно сте слушнале за терминот „отпорност на инсулин“, кој често се споменува кога станува збор за дијабетес.

Како настанува отпорноста на инсулин на прво место? По консумирање на големи количини рафинирани јаглехидрати, како што се белиот леб, тестенини, колачи, големи количини шеќер доаѓаат во вашата крв.

Поради овој вишок шеќер, вашето тело лачи повеќе хормон инсулин и неговите нивоа остануваат покачени во текот на долг временски период.

Во овој случај, на вашите клетки им треба се повеќе од овој хормон за да го извршат истото дејство и тие стануваат отпорни на ефектите на инсулинот.

Д-р Чатерџи ја споредува состојбата на дијабетес со алкохолизам: како што на алкохоличарите секогаш им е потребна зголемена доза на алкохол за да почувствуваат опиеност, така и на дијабетичарите секогаш им е потребна зголемена доза на хормонот инсулин за да ја претворат храната во енергија.

И, како што е случај со алкохолот, големите количини на инсулин во крвта имаат токсичен ефект врз вашето тело.

Нетолеранција на јаглехидрати

Д-р Чатерџи вели дека не верува дека постои една совршена исхрана за сите луѓе, но секој дијабетичар треба да биде многу внимателен за тоа каква храна внесува, бидејќи може да му помогне да заздрави, и тоа да го направи без лекови.

Овој лекар го нарекува дијабетесот „нетолеранција на јаглехидрати“, бидејќи токму рафинираните јаглехидрати ги смета за многу проблематични.

Тој, исто така, посочува дека храната богата со здрави масти, како што се омега-3 масни киселини, го одржуваат нивото на инсулин во крвта нормално.

Затоа, ако сакате да го намалите нивото на инсулин, отстранете ги јаглехидратите (дури и здравите) од вашата исхрана и заменете ги со здрави масти!

Забелешка: Овие совети важат само за луѓе кои имаат предијабетес или дијабетес и оние кои имаат стомачна дебелина и се изложени на поголем ризик да добијат дијабетес.

11 совети кои можат да помогнат во лекувањето на дијабетесот

Доколку имате предијабетес или веќе ви е дијагностициран дијабетес тип 2, еве што ве советува д-р. Четерџи, ако сакате да започнете со промена на вашата здравствена состојба од болна во здрава.

1. Исфрлете ги јаглехидратите од вашата исхрана, бидејќи тие го зголемуваат нивото на инсулин

Ова важи и за цели или полнозрнести житарки кои исто така го зголемуваат инсулинот (леб, ориз, тестенини …)

Исто така, избегнувајте овошје што е богато со јаглехидрати и јадете ги оние со ниско ниво на јаглехидрати, како што се рабарбара, бобинки, праски, боровинки, капини …

Што се однесува до зеленчукот без скроб, како што се брокула, карфиол и зелка, можете да го јадете во неограничени количини.

2. Никогаш не ги засладувајте оброците

Бидејќи вашето тело е веќе оптоварено со варење на вишокот шеќер и јаглехидрати, барем на краток рок, елиминирајте ја секоја форма на додаден шеќер.

3. Не консумирајте пијалаци со додаден шеќер

Наместо тоа, можете да пиете вода и незасладени чаеви и повремено кафе.

4. Консумирајте здрави масти

Нема причина да се избегнуваат, на пример, авокадо, маслиново масло, јаткасти плодови, како што се бадемите …

Ако се плашите дека ќе се здебелите поради овие масти, немате причина да се грижите. Истражувањата покажале дека луѓето кои ги јадат овие масти губат тежина побрзо од оние кои консумираат т.н. сложени јаглехидрати.

5. Не оптоварувајте се со броење калории

Наместо да ги броите калориите што ги внесувате за време на секој оброк, проверете дали внесувате само здрава и квалитетна храна во вашето тело.

6. Нахранете ги и добрите бактерии во цревата

Постојат огромен број добри бактерии кои живеат во цревата од кои зависи целокупното здравје.

Бројни студии откриле дека дијабетесот е исто така тесно поврзан со здравјето на цревната микрофлора!

За да ги нахраните добрите бактерии, јадете најмалку 5 порции шарен и разновиден зеленчук дневно. Зеленчукот содржи несварливи, растворливи и нерастворливи влакна, кои се најдобрата храна за добрите бактерии.

7. Правете едноставни 5-минутни вежби секој ден

Ова може да биде пред појадок, ручек или вечера, секогаш кога најмногу ви одговара. Колку што вежбањето е корисно за здравите луѓе, толку им е потребно и на оние со дијабетес.

8. Здрави закуски

Ако сакате да грицкате помеѓу оброците, секогаш земајте закуска што содржи здрави масти, како што се маслинки, хумус, ленено семе, бадеми и други јаткасти плодови.

Ако често јадете бисквити, кои се полни со шеќер, нивото на шеќер во крвта ќе „подиви“, а исто така и наскоро ќе огладнете.

Но, ако грицкате јаткасти плодови, ќе останете сити долго време, а нивото на шеќер ќе остане нормално.

9. Вклучете повеќе здрави протеини и повеќе здрави масти во вашата исхрана

Консумирајте грав, наут, леќа, амарант и киноа, кои се богати со протеини.

Ова ќе ви помогне да го стабилизирате нивото на шеќер во крвта и да останете сити подолго, за да не бидете во искушение да посегнете по десерт полн со шеќер.

10. Секогаш јадете на кујнска маса (и полека)

Колку и да ви изгледа неважно, навистина е важно. Имено, без разлика дали јадете пред телевизор или зад компјутер, многу е веројатно дека нема ни да обрнете внимание на тоа што и колку јадете.

Затоа, секогаш јадете во мир и на масата.

11. Повремено воведувајте и пост

Постот е форма на чистење на телото што може да ви помогне да го намалите хронично покаченото ниво на инсулин во крвта.

За време на постот можете да консумирате сокови од зеленчук или да пиете вода.

Фото: Pexels