Дојде и нејзиното време!

Тиквата е хранлив зеленчук со малку калории и многу витамини и минерали. Го регулира крвниот притисок, го зајакнува имунитетот, одлична е за срцето и за варењето. Старите знаат да кажат 'вкусна е како банана', но знае и да не биде толку вкусна, па токму поради таквите, често за некоја невкусна лубеница се вели дека е 'како тиква'

0
136

Кај нас отсекогаш се сметала се консумирала печена тиква, и тоа е наједноставниот начин на кој можете да ја подготвите за консумирање, но со неа можете да правите најразлични рецепти, солени, благи, крем супи, салати,…

Ако ви се погоди тиквата, тогаш нема ништо повкусно од неа, ама може и да не се погоди па тоа ја објаснува онаа споредба која често се употребува во негативен контекст, кога ќе се каже на пример за невкусна лубеница дека е како тиква. Но многу често пак, повозрасните луѓе за некоја многу вкусна тиква, знаат да кажат дека е како банана.

Како и да е, тиквата носи и голем број здравствени придобивки, нема многу калории, но затоа е богата со витамини и минерали.

Меѓу останатото, тиквата е и еден од најпознатите извори на бета каротен. Бета каротенот е моќен антиоксиданс кој му дава на зеленчукот и овошјето живописна портокалова боја, а кога ќе се внесе во телото целиот бета каротен се претвора во витамин А. Потрошувачката на храна богата со бета каротен значи намалување на ризикот од развој на одредени видови карцином, заштита од астма и срцеви заболувања и намалување на ризикот од дегенерација на макулата (жолти дамки) поврзана со возраста.

Многу студии сугерираат дека јадењето повеќе растителна храна, како што е тиквата, го намалува ризикот од дебелина и вкупната смртност. Исто така, може да помогне за да се избегнат дијабетес и срцеви заболувања и да се зголеми енергијата и индексот на здрава телесна маса.

Јадењето тиква е добро за срцето. Содржината на влакна, калиум и витамин Ц во тиквата го одржуваат здравјето на срцето. Резултатите од студијата со 2.722 учесници во 2017 година сугерираат дека конзумирањето доволно калиум може да биде речиси исто толку важно како и намалувањето на натриумот во третманот на висок крвен притисок.

Студија од 2016 година сугерира позитивна врска помеѓу исхраната богата со бета каротен и сузбивање на туморот кај карцином на простата. Резултати од попречен пресек од 2014 година исто така покажуваат дека бета каротенот го забавил развојот на рак на дебелото црево кај јапонската популација.

Вклучувањето тиква во вашата исхрана може да помогне и за контрола на дијабетесот и нивото на шеќер во крвта. Студија од 2019 година покажува дека комбинација од два растителни екстракти, од кои едниот е полисахариди од тиква, го намалиле нивото на шеќер во крвта кај глувците. Иако во студијата не биле вклучени луѓе, истражувањата покажуваат одреден потенцијал растителните соединенија да го ограничат дијабетесот тип 2. Поради влијанието врз шеќерот во крвта, научниците можеби ќе бидат во можност да ги преработат во антидијабетичен лек, иако се потребни дополнителни студии врз луѓе.

Тиквите содржат богатство на антиоксиданси. Витамин Ц, витамин Е и бета каротен го поддржуваат здравјето на очите и спречуваат дегенеративно оштетување кај постарите возрасни лица. Клиничко испитување во САД покажало дека високи дози на витамин Ц, витамин Е и бета каротен се поврзани со значително намален ризик од дегенерација на макулата поврзана со стареењето.

И конечно, тиквата содржи витамини Ц и Е, како и бета-каротен, за кои е откриено дека играат важна улога во здравјето на нашата кожа. Витаминот Ц не се произведува природно од телото, затоа е важно да го добиваме од исхраната на дневна основа, бидејќи игра улога во формирањето на колаген, помага во спречување на модринки и помага во заздравување на раните. Витаминот Е е одличен антиоксиданс и заедно со витаминот Ц, помага да се заштити кожата од оштетување од сонцето и да се спречи сувост на кожата. Витаминот А или бета-каротенот е исто така вклучен во заштитата на кожата од сончевите УВБ зраци и може да помогне во заштита од изгореници.

Тиквата исто така нуди и низа витамини и минерали и е одличен извор на влакна. Препорачаниот внес на влакна е помеѓу 25 и 38 г на ден за возрасни. Влакната ја забавуваат стапката на апсорпција на шеќерот во крвта, ги охрабруваат редовните движења на дебелото црево. Здравиот внес на влакна исто така може да помогне во намалување на ризикот од рак на дебелото црево.