За и против консумирање топла вода со лимон на празен стомак

Повеќето експерти предлагаат денот да се започне со голема чаша топла вода со лимон, но дали е оваа комбинација навистина добра за детоксикација? Еве неколку причини што ги поддржуваат тврдењата на експертите, но и некои што ги побиваат.

0
188

Цитрусната киселина од лимонот може да предизвика болка во стомакот, па логично прашање е дали сокот од лимон е воопшто здрав за да се подобри варењето на храната? Едно истражување објавено уште пред три децении, покажало дека лимонската киселина може да ја подобри апсорпцијата на алуминиум хидроксид, активната супстанција во многу антациди (во лекови кои ја неутрализираат желудочната киселина).

Докажано е дека витаминот Ц, кој се наоѓа во сокот од лимон, ја подобрува апсорпцијата на минерали, но не е потребно да се пие топол сок од лимон за да се постигне овој ефект. Витаминот Ц е еден од најприсутните витамини во овошјето и зеленчукот. Иако честопати мислиме дека агрумите се најголемиот, дури и единствениот извор на овој витамин, пиперките, јагодите, брокулата и спанаќот исто така содржат големи количини на витамин Ц. Така, додека имате овошје и зеленчук за појадок, може да очекувате подобра апсорпција на минерали од нив.

За лимонот обично се вели дека го чисти телото од токсини, но некои експерти велат дека тврдењата треба да се зема со резерва дека секое овошје или суплемент може да направи чуда во процесот на детоксикација. Во лимонот има антиоксидант наречен д-лимонен, кој исто така се наоѓа во портокалите, а најмногу во кората од лимони и портокали. Докажано е дека Д-лимоненот ги активира ензимите во црниот дроб кои влијаат на процесот на детоксикација. Но, дали сокот од лимон содржи доволно д-лимонен потребен за интензивирање на овој процес? Најверојатно не. Еден литар сок од цитрус содржи просечно 100 милиграми д-лимонен, а истражувачите проценуваат дека активната доза е минимум 500 мг. Така, д-лимоненот е одлична состојка што може да влијае на болен гастроезофагеален рефлукс, но дозите што се неопходни се наоѓаат само во суплементите, а не во свежиот сок од лимон.

Нема сомнение дека лимонот има добри својства и состојки кои придонесуваат за здравјето, но еден лимон исцеден во чаша топла вода веројатно нема да има многу влијание врз подобрувањето на здравјето.

Фото: Freepik