Како брзо да се ослободите од никотинот од телото

Вода, коприва, целер, тиквички, грав, портокали, киви, сок од морков, брокула, спанаќ, се дел од намирниците што ќе ви помогнат побрзо да се ослободите од никотинот во организмот

0
214

Кога пушите, никотинот циркулира во крвта во просек од шест до осум часа. Поголемиот дел од тој никотин се елиминира со урината, но потребни се 48-72 часа за да се исфрли преостанатиот никотин од вашето тело. Водата, одредени видови овошје и зеленчук можат да помогнат во овој процес, особено оние што содржат многу витамин Ц. Тоа е најпознатата супстанца за отстранување на никотинот од крвотокот, бидејќи го подобрува метаболизмот и создава бели крвни зрнца, но пушачите треба да земат многу поголема доза од овој витамин од непушачите, до 2.000 милиграми.

Еве што е најдобро за исфрлање на никотинот од вашето тело:

Вода – никотинот го дехидрира организмот, затоа е неопходен поголем внес на вода бидејќи му помага на организмот да се ослободи од никотинот.

Коприва – Ова растение е полно со железо, корисно е за дезинфекција и е одлично во борбата против инфекции.

Зеленчук – Конзумирање поголеми количини на целер, тиквички, грав, па дури и краставици може да ја намали зависноста од никотин. Не јадете многу сладок зеленчук, со многу шеќер, бидејќи прекумерното количество глукоза го активира делот од мозокот одговорен за уживање и задоволство. На овој начин, глукозата може да ја поттикне желбата за цигари.

Портокали – Тие содржат високо ниво на витамин Ц, затоа го компензираат овој витамин во организмот на пушачот, кој се намалува токму поради пушењето. Консумирањето портокали може да го забрза метаболизмот и да го намали стресот.

Киви – Кивито помага да се елиминира никотинот од телото и да се наполни со витамини А, Ц и Е, кои пушењето ги намалува.

Сок од морков – Сокот од морков содржи витамини А, Б, Ц, К кои помагаат да се елиминира никотинот од телото. Никотинот исто така ја оштетува кожата, а сокот од морков има многу витамини кои се добри за кожата.

Брокула – Содржи високо ниво на витамини Б5 и Ц. Брокулата содржи супстанца која ги штити белите дробови од оштетување од токсини.

Спанаќ – Богат е со витамини и фолна киселина, затоа е добар за вашето тело, а особено е добар за тоа да ви го згади вкусот на тутунот.

Фото: Pixabay