Козјо млеко – за зајакнување на белите дробови и како превенција од рак

Козјото млеко е совршен сојузник во борбата против стресот, бронхитис, алергии,. Исто така, го намалува ризикот од рак на белите дробови, а може да го пијат и дијабетичарите.

0
228

Кога станува збор за млечни производи, козјото млеко е една од најздравите намирници. Неговиот состав има најголема сличност со мајчиното млеко. Очигледно, тоа го знаеле и старите народи, имајќи предвид дека го препорачувале за зајакнување на имунитетот, заздравување и зајакнување на белите дробови, како и против туберкулоза.

Козјото млеко е совршен сојузник во борбата со стресот, бронхитис, алергии.
Исто така, го намалува ризикот од рак на белите дробови, а може да го пијат и дијабетичарите.

Содржи витамини Б1, Б2, Б6, Б12, важни за зајакнување на нервниот систем и 47 проценти повеќе витамин А од кравјото млеко. Калиум има 134 проценти повеќе, додека бакарот е во четири пати повисоки концентрации. Богато е и со минералите калциум и фосфор, кои се важни за јачината на коските, како и со цинк и селен, моќни антиоксиданти неопходни за одржување на имунитетот.

Врз основа на резултатите од нивното истражување, шпанските научници им го препорачуваат ова млеко и на луѓето кои страдаат од анемија предизвикана од недостаток на железо во крвта. Тие тврдат дека козјото млеко поттикнува подобро искористување на железото во организмот и обнова на хемоглобинот.

Од друга страна, млечните масти содржат и специфична линолеинска киселина, која воопшто не е присутна во кравјото млеко. Студиите потврдуваат дека оваа линолеинска киселина има антиканцерогено дејство, поради што козјото млеко треба превентивно да се конзумира во одбрана од канцерогени заболувања.

Со оглед на тоа што козите ја јадат кората на растенијата, нивното млеко е исто така богато со силициум, минерал кој има корисен ефект врз квалитетот на кожата, косата, ноктите и нервниот систем. Козјото млеко треба да се пие поради изобилството на олигосахариди кои имаат антиинфламаторно дејство, а истовремено ја регулираат дисфункцијата на цревата, исто така поради малиот процент на лактоза, или млечен шеќер, кој кравјото млеко го содржи во многу поголеми количини.

Кај возрасните, козјото млеко може да помогне во спречување на висок крвен притисок и атеросклероза. Всушност, калиумот е неопходен минерал за одржување на нормалниот крвен притисок и работата на срцето.

Единствениот проблем со козјото млеко е што тој всушност има карактеристичен мирис и вкус благодарение на слободните масни киселини што ги поседува.

Сепак, со соодветна обработка, карактеристичните масни киселини остануваат врзани во глицериди, што значително го намалува неговиот необичен вкус. Во секој случај, козјото млеко има далеку повеќе нутритивни и здравствени придобивки од кравјото, има антиалергиски својства и подобро се вари, околу 40 минути, за разлика од кравјото млеко за кое се потребни два ипол часа. Токму за полесно варење, особено се препорачува за постари лица и рековалесценти. Патем, кај деца кои се хранат со козјо млеко, забележан е побрз раст, поголема телесна тежина и подобра минерализација на коските во споредба со децата кои се хранат со кравјо млеко. За да се задоволат дневните потреби на организмот, доволно е да се испие чаша козјо млеко од 200 милилитри. Таа една чаша им овозможува на децата дури 18 проценти од нивните дневни потреби за протеини, кои се богати со есенцијални аминокиселини, наспроти кравјото млеко, кое обезбедува 13 проценти. Козјото млеко е особено погодно за хранење на бебиња веднаш по прекинувањето на доењето, бидејќи не содржи казеин, протеин што често предизвикува алергиска реакција кај децата.

За да трае подолго, козјото млеко може да се замрзне, но не на повеќе од половина година, поради вкусот. Откако ќе се одмрзне, треба да се искористи во рок од најмалку седум дена.

Сурутката, козјото сирење и јогурт се исто така моќни природни лекови. Тие го поттикнуваат растот и развојот на дигестивниот тракт, а исто така се препорачуваат во превенција и третман на заболувања на црниот дроб, како што се замастен црн дроб, цироза, мононуклеоза. Ефикасен е и при остеопороза, висок холестерол и крвен притисок, воспалителни процеси, подобрување на функцијата на бубрезите.

Козјите протеини од сурутката се познати како брзи протеини, бидејќи тие брзо се апсорбираат и директно ги снабдуваат мускулните клетки со енергија и есенцијални аминокиселини. Поради ефектот што го постигнува, сурутката се препорачува за спортисти и рекреативци, бидејќи обезбедува брзо закрепнување на мускулите после тренинг. Исто така е одличен извор на протеини за бремени жени, бидејќи тие имаат за третина зголемена потреба за протеини. Содржи комплетни протеини и ги обезбедува сите аминокиселини потребни за добро здравје.

Козјата сурутка е природно богата со есенцијална аминокиселина триптофан, што е природен седатив. Како таков, го стимулира лачењето на серотонин, најпознат невротрансмитер за создавање чувства на релаксација и поспаност. Исто така го намалува апетитот, го намалува холестеролот, го чисти забниот плак спречувајќи кариес. Ја поттикнува и регенерацијата на црниот дроб.

Фото: Pexels