Колач од портокал и палента по рецепт на Џејми Оливер

За сите љубители на портокали и на слатки теста кои се идеални со кафе или чај.

0
458

Славниот шеф Џејми Оливер, автор на овој рецепт, добро знае дека со портокалите не може да згреши. Токму поради цитрусниот вкус и сочноста, колачот ќе им се допадне на сите генерации.

Можете да го украсите со овошје или да го послужите со топче сладолед.

Состојки:

200 г путер на собна температура

150 г шеќер

3 големи јајца

1 лажичка екстракт од ванила

200 г мелени бадеми

100 г палента

2 портокали

1 лажичка прашок за пециво

Рендана кора од портокал

Состојки за сирупот:

1/4 лажичка кардамим

250 м сок одпортокал

30 мл вода

125 кафеав шеќер

Приготвување:

Загрејте ја рерната на 160 степени и премачкајте со путер калап од 20 сантиметри. Потоа ставете мрсна хартија, притиснете ја и премачкајте ја повторно со путер. Измешајте ги путерот и шеќерот во голем сад додека не добиете проѕирна и кремава смеса. Додавајте во смесата едно по едно јајце, а потоа додадете го и екстрактот од ванила.

Во малиот сад измешајте ги мелените бадеми, палентата, кората од портокал и прашокот за пециво, а потоа измешајте ги во првата смеса. Истурете ја смесата во сад за печење и печете 40 до 50 минути, или додека површината не добие светлокафена боја и додека колачот не се одвои малку од рабовите на тепсијата. Извадете ја од рерната и оставете да се лади 10 минути, а потоа извадете ја тортата од чинијата. Тој е прилично кревок, па затоа бидете внимателни!

За да направите сируп, смелете кардамом или користете кардамом во прав, а потоа ставете ги сите други состојки во сад со нив. Добиената мешавина гответе ја на средна температура околу 10 минути или додека не се намали волуменот и не се згусне. Оставете да се излади. Направете дупчиња во колачот со помош на чепкалка за заби или малку подебело стапче или со вилушка и потоа истурете врз неа сируп , но полека, за да може да се апсорбира. Послужете со малку јогурт со дополнителен прелив од сирупот и по желба, украсете со парченца портокали.

Фото: Pixabey