Колач со мак и чиа семе

Ако сакате брзи и лесни колачи, еве уште еден од нашата кујна. Семето од афион и чиа семето му даваат на колачот посебен вкус, а колачот е сочен и следниот ден.

0
208

Состојки:

4 јајца

100 г шеќер (ако сакате можете да ставите 150 г шеќер или да направите како нас, 100 г шеќер + некое овошје, на пример, 5-6 исечкани зрели сливи)

1 ванилин шеќер

2 чаши брашно

1 прашок за пециво

1 лажица какао

1 лажица рум, по желба

2,5 чаши млеко

100 г омекнат путер

100 г мак

50 г чиа семе

За премачкување:

1 чаша мармалад од кајсии

сечкани оревчиња и бадеми

Приготвување:

Ставете ги макот и чиа семето во млекото и оставете ги да постојат барем половина час. Изматете ги пенливо јајцата, шеќерот и ванилиниот шеќер, додадете го омекнатиот путер, а потоа и семињата со млекото. Додадете 1 лажица рум, а потоа и сувите состојки (брашното помешано со какао и прашок за печиво). Ако се одлучивте за варијантата со помалку шеќер и ако ви останале неколку зрели сливи, излупете ги и исечкајте ги па додадете ги во смесата.

Истурете ја смесата во подмачкана и набрашнета тепсија и ставете ја да се пече во рерна на 180 степени околу 30-35 минути.

Кога ќе се испече, превртете го колачот и извадете го од тепсијата. Оставете го колачот да се излади, а потоа премачкајте го со мармалад и поросете го со сечкани ореви и бадеми.

Исечете го колачот на коцки и уживајте.