Лек без пари

Црната ротква одамна се користи како лек за жолчката, црниот дроб, белите дробови, кашлицата…Сепак, не се препорачува за луѓе кои имаат воспаление на слузницата на желудникот и цревата, чир на желудникот и на дванаесетпалечното црево и заболување на бубрезите. Ако ја побарате на пазар ќе видите дека е и меѓу најевтините намирници

0
293

Црната ротквa веќе долго време се користи како лек за жолчката, црниот дроб, белите дробови и против кашлица. Одамна се одгледува и се користи во човечката исхрана, најчесто во комбинација со кромид и лук, а во старогрчката и римската медицина нејзините лековити својства биле познати и користени како лек за кашлица и за лекување на респираторните органи.

Коренот од црна ротквица е месест и има карактеристичен лут вкус и остар мирис, па се користи за салати и во салатите, како зачин.

Неговата хранлива вредност е мала: 100 грама имаат 70 kcal или 294 kJ. Содржи околу 1% протеини, 0,1-0,2% растителни масла, 15% јаглехидрати и околу 0,7% целулоза. Содржи релативно доволна количина минерални состојки, 0,7-0,8%. Има најмногу калиум, 322 mg%, во помала количина калциум 33 mg%, фосфор 29 mg%, натриум 18 mg%, железо 0,8 mg%. Односот на калциум со фосфор е таков што овозможува искористување на калциумот.

Од витамините, најважен е витаминот Ц – 29 мг%, потоа каротин (провитамин А), витамини Б1, Б2 и ниацин.

Поради мирисот и вкусот, се користи во исхраната главно како аперитив, го стимулира апетитот и го подобрува лачењето на желудочниот сок. Потешка е за варење и затоа треба да се исечка што е можно повеќе. Секогаш треба да се подготви непосредно пред употреба бидејќи го губи специфичниот мирис и вкус кога стои.

Содржи сулфурно масло рафанол, потоа низа соединенија со масло од синап, минерали, витамини, ензими и лизозим, кои се карактеризираат со силно бактерицидно дејство. Има корисен ефект врз секрецијата на слуз од респираторните органи, затоа се препорачува при бронхитис, настинки и кашлица. Го стимулира лачењето на дигестивните сокови и функцијата на дебелото црево и се препорачува за луѓе кои страдаат од запек.

Го стимулира лачењето на жолчката кај болести на жолчката и жолчните канали и го подобрува лачењето на урината.

Важно предупредување:

Црната ротквица и нејзиниот сок не се препорачуваат за луѓе кои имаат воспаление на слузницата на желудникот и цревата, чир на желудникот и на дванаесетпалечното црево и заболување на бубрезите. Исто така, не треба да се јаде посолена, а особено со посолена црна ротквица не треба да се пие пиво.

Фото: Pexels