Надоместете го недостатокот на магнезиум со одредена храна

Со оглед на тоа што денешната исхрана е сиромашна со магнезиум, многу луѓе сѐ повеќе доживуваат симптоми на недостаток на овој минерал - замор и грчеви во мускулите, склоност кон висок крвен притисок и затнати крвни садови, депресија и срцеви заболувања.

0
290

Магнезиумот е исклучително важен за нашето тело, бидејќи учествува во повеќе од 300 биохемиски процеси. Функционира такашто ги релаксира крвните садови, го намалува крвниот притисок, го зачувува здравјето на нервниот систем, ги ублажува заморот и несоницата, ја намалува болката во мускулите и грчевите и спречува срцеви удари.

Кога станува збор за дневно внесување, препораката за возрасен маж е 400 – 420 мг, а за жените во просек 310 – 360 мг магнезиум на ден.

Најчести симптоми на недостаток на магнезиум во организмот се заморот и грчевите во мускулите, склоност кон висок крвен притисок и затнати крвни садови, депресија и срцеви заболувања. Но магнезиумот можете да го надоместите и со помош на одредени намирници.

Храна богата со магнезиум

Вклучете ги следниве намирници во вашето мени и преку нив внесете го овој минерал неопходен за вашето здравје.

Спанаќ

Покрај тоа што содржи многу железо, спанаќот е одличен извор на магнезиум.

Една чаша спанаќ содржи дури 150 мг од овој минерал. Овој зелен лиснат зеленчук има антиинфламаторни својства и штити од кардиоваскуларни болести и рак.

Го намалува воспалението на крвните садови и го намалува крвниот притисок.

Бидејќи дури 25 проценти од фолатите се губат при подолго готвење, а токму тие се заслужни за ова дејство на спанаќот, најдобро е тој да се јаде сиров или кратко обарен на пареа.

Темно чоколадо

Се проценува дека 100 гр темно чоколадо содржи повеќе од половина од препорачаната дневна количина магнезиум.

Исто така е познато дека чоколадото со висок процент на какао го зачувува здравјето на срцето, го зголемува расположението и го регулира нивото на шеќер благодарение на неговиот низок гликемиски индекс.

Флавоноидите од црното чоколадо ги релаксираат крвните садови и го намалуваат крвниот притисок.

Кафеав или интегрален ориз

Чаша кафеав ориз содржи околу 20 проценти од препорачаната дневна количина магнезиум. Има двојно повеќе магнезиум, како и витамини Б1 и Б3 од белиот ориз.

Со оглед на тоа што делува против протеинот ангиотензин II, кој го зголемува крвниот притисок, овој ориз го намалува крвниот притисок и го намалува ризикот од затнување на крвните садови.

Исто така, го намалува ризикот од рак на дебелото црево и дијабетес тип 2.

Бадеми

100 гр бадеми содржат дури 75 проценти од препорачаната дневна количина магнезиум. Покрај тоа, тие се богати со бакар, манган, цинк, фосфор и железо.

Благодарение на магнезиумот, витаминот Е и другите антиоксиданти, бадемите го стимулираат протокот на крв, го штитат здравјето на срцето и крвните садови, го намалуваат крвниот притисок и го намалуваат заморот.

Смокви

Ова многу здраво медитеранско овошје, свежо и сушено, е богато со бројни витамини и минерали, како што се калциум, бакар, манган, калиум, железо, фосфор, селен и цинк.

Четири чаши суви смокви содржат 100 проценти од дневната препорачана количина на магнезиум.

Благодарение на содржината на калиум и магнезиум, смоквите имаат ефект врз намалување на крвниот притисок, а поради витамините од Б-комплексот го зголемуваат расположението и го зголемуваат нивото на енергија.

Бамја

Ова растение се користело на истокот со векови во готвењето, како и за лекување на проблемите со варењето, проблемите со цревата, срцевите заболувања, заболувањето на црниот дроб и слично.

Бамјата придонесува за слабеење и го намалува заморот.

Една чаша бамја содржи 70 мг магнезиум, што е околу 15 проценти од препорачаната дневна количина на овој минерал.

Бамјата е исто така богата со растителни влакна и витамини Б6, А и Ц.

Авокадо

Ова супер овошје содржи повеќе витамини и минерали од кој било друг вид овошје.

Тоа е богат извор на магнезиум, калиум, фосфор, цинк, железо и бакар.

Едно овошје со средна големина содржи 15 проценти од препорачаната дневна количина магнезиум. Авокадото го намалува заморот и го смирува нервниот систем, а се препорачува за бремени жени и лица кои се под стрес.

Покрај тоа, благодарение на магнезиумот и калиумот, природно го намалува крвниот притисок и го зачувува здравјето на срцето и крвните садови.

Тиква

Чаша сечкана тиква содржи околу 60 мг магнезиум.

Тиквата е одличен диуретик, помага при воспаление на уринарниот тракт, бубрезите и жолчката, ревматски заболувања и слично.

Покрај магнезиум, содржи и фосфор и калциум, кои се важни за градење на здрави коски, потоа железо и калиум, што е важно за здравјето на срцето, како и манган, кој ја штити кожата.

Семките од тиква се исто така богати со магнезиум – содржат повеќе од 70 проценти од препорачаната дневна количина на магнезиум.

Други важни природни извори на магнезиум се:

Цвекло: 1 чаша – 100 мг магнезиум
Брокула: 1 чаша – 33 мг магнезиум
Банани: 1 банана со средна големина – 30 мг магнезиум
Леќа: 1 чаша – 18 проценти од препорачаната дневна количина магнезиум
Краставици: 1 чаша – околу 40 мг магнезиум
Грашок: 1 чаша – 70 мг магнезиум
Индиски ореви: 100 г – 70 мг магнезиум

Фото: Pixabey