Начин на исхрана за кој сите зборуваат

Секоја личност што применува повремен пост има различно искуство, па затоа на секој човек му одговара различен метод. Ова се седумте најдобри методи на повремено постење

0
281

Во последно време многу се зборува за повременото постење, а методите на ова повремено гладување се различни и зависат од бројот на денови во кои се пости и од дозволениот дневен енергетски внес. Повремен пост подразбира целосно или делумно отсуство на оброци за одреден временски период.

Некои студии покажуваат дека оваа исхрана може да понуди многу придобивки, како што се: намалување на масните наслаги, подобро здравје и долговечност. Застапниците на повремениот пост тврдат дека ваквиот начин на исхрана е полесен за примена од вообичаените рестриктивни диети.

Секоја личност што применува повремен пост има различно искуство, па затоа на секој човек му одговара различен метод.

Најдобри методи на повремено постење

Пост 12:12 – правило на овој метод е да јадете оброци во рок од 12 часа секој ден, и ништо да не се јаде за преостанатите 12 часа. Ова е најлесниот метод и најдобриот за почетници бидејќи периодот од 12 часа пост го опфаќа и периодот на спиење. Ако некој појадува во 7 часот наутро, вечерата треба да заврши до 19 часот.

Пост 16: 8 – овој метод подразбира дека оброците се внесуваат во временска рамка од 8 часа. Овој метод се препорачува за оние кои применувале пост 12 часа, но не забележале позитивна промена. Со овој вид на повремени пости, вечерата завршува до 20 часот, а потоа утринскиот оброк се прескокнува и ништо не се јаде до крајот на периодот на пост. Некои студии покажуваат дека оние кои имаат оброци во 8-часовна временска рамка немаат проблеми со вишок тежина, воспалителни процеси, дијабетес или заболување на црниот дроб.

Метод 5: 2 – луѓето кои го применуваат овој метод имаат здрава контролирана исхрана 5 дена, а во текот на преостанатите 2 дена го намалуваат дневниот внес на калории. За време на двата дена пост, се препорачува мажите да консумираат 600 калории на ден, а жените 500 калории на ден. Обично овие денови се одделени, со еден или два дена разлика (на пример, понеделник и четврток). Постојат студии кои покажуваат дека овој метод го намалува нивото на инсулин во крвта и ја подобрува инсулинската чувствителност и доведува до топење на масните наслаги.

Наизменични посни денови – постојат две варијанти на овој метод. Се пости секој втор ден, при што може целосно да се избегнува цврста храна или да се ограничи внесувањето на 500 калории на ден. Денот кога не се пости, редовните оброци се јадат без никакви ограничувања. Истражувањата покажаа дека овој метод поттикнува слабеење и дека поради својата „екстремност“ не се препорачува за почетници или за оние кои имаат препишана терапија, а подолг временски период е тешко да се постигне.

Постење 24 часа неделно – со овој метод, не се внесува храна 24 часа, а дозволените течности во овој период се вода, чај и други пијалоци без калории. Некои луѓе почнуваат да постат после појадок, а потоа појадуваат следниот ден по 24 часа или почнуваат да постат по ручекот и го завршуваат следниот ден, кадешто после 24 часа првиот оброк е ручек. Овој метод е проблематичен бидејќи може да се појави замор, главоболка или нервоза. Сепак, по продолжена примена на овој метод, негативните ефекти се сè помалубројни.

Прескокнување оброци – ова е флексибилен метод кој овозможува повремено прескокнување оброци и може да биде добар за почетниците. Оброк се исфрла овде според нивото на глад. Исхраната треба да се заснова на многу вредни намирници  што се близу до нивната природна форма. Овој метод се заснова на фактот дека едно лице ќе јаде кога е гладно и ќе го прескокне следниот оброк ако почувствува дека е сè уште сито.

Војнички метод – ова е најригорозниот метод на повремено постење, а според нас, некако и најсомнителен. Во рок од 20 часа пост, дозволено е да се јаде строго ограничена количина сирово овошје и зеленчук, а потоа ноќе и во временска рамка од 4 часа да се јаде еден голем оброк. Ова може да го испробаат и применат оние кои претходно користеле други методи на повремено постење. Застапниците на овој метод тврдат дека луѓето треба да јадат ноќе и на тој начин да ги внесуваат потребните хранливи материи во согласност со деноноќниот ритам. За време на 4-часовната фаза од оброкот, потребно е да се јаде многу зеленчук, протеини и здрави масти, како и строго ограничена количина јаглехидрати. Иако е дозволено да се јаде одредена храна за време на фазата на пост од 20 часа, крајно е тешко да се придржувате на овој начин на јадење подолг период, додека голем оброк пред спиење исто така може да биде проблем.

Трикови кои ќе ви помогнат да не се откажувате при првото појавување на проблемот без оглед на тоа кој метод на повремен пост ќе го практикувате:

Хидрирајте се – пијте многу вода, билни чаеви и лимонада без шеќер, како и пијалоци без калории.
Избегнувајте опсесивно размислување за храна – кога имате пост, испланирајте активности и со тоа отстранете ги мислите за храната.
Одморете се и опуштете се
Се смета секоја калорија – за време на строго ограничувачките денови, изберете храна што е многу вредна, како мешунки, јајца, риба, ореви и семиња.
Изберете храна богата со вода и нискокалорична – сирово овошје и зеленчук.
Подобрете го вкусот на јадењето без додавање калории – зачинете ги јадењата со лук, свежи и суви билки или оцет.
После постот, изберете хранливо нутритивни намирници.

Сè на сè, секој мора да најде свој метод и со тоа и идеален режим на исхрана.

Текстот е од ТУКА.

Фото: Pexels