Пиете кафе со лимон? Пробајте, многу е вкусно и го подобрува вашето здравје

Некој некогаш измислил дека само чај може да се пие со лимон, но многумина знаат дека парче лимон во силно еспресо од време на време го подобрува неговиот ефект на освежувачки напиток. Комбинацијата на лесна киселост и нежна горчина освојува од првата голтка. А и главоболката поминува

0
168

Дали понекогаш кога ниту еден аналгетик не ви помага за вашата главоболка, ви помгнало кафето со лимон?

Ако не сте пробале, пробајте следниот пат. Овој силен напиток не само што нема да ви штети, туку напротив, носи максимални придобивки.

Кафе со лимон

Татковина на закрепнувачкото и освежително кафе со лимон е Италија, поточно, чудесниот Рим. Таму се готви и полека се пие буквално на секој агол, а за готвење се користат само природни зрна, свежо исцеден сок и кора од лимон.

Зошто лимон? Сокот од лимон има уникатно својство – ги намалува негативните ефекти на кофеинот врз организмот, такашто кафето Романо дава исклучителен поттик на енергија по напорниот работен ден и помага да се разбудите рано наутро без негативно влијание.

Скоро секој може да пие лимонско кафе, кое не само што дава големо задоволство, туку има и многу придобивки. Но, има луѓе за кои е особено препорачливо.

За кого е препорачливо кафе со лимон?

Кафето со лимон е добро за луѓето со низок крвен притисок, како и за оние кои страдаат од хронична мигрена. Во исто време, кафето ги стеснува крвните садови, но не нагло, туку што е можно поделикатно, и нежно влијае на телото.

За оние кои работат напорно, малку спијат и претежно страдаат од недостаток на виталност, исто така ќе биде корисно да се зголеми живоста со помош на овој силен напиток со лимон. Со цел еспресо-романо да функционира правилно, подобро е да го пиете рано наутро и 40-60 минути по појадокот и по ручекот.

Кофеинот го стимулира централниот нервен систем, ја зголемува циркулацијата на крвта, ги нормализира метаболичките процеси и ги отстранува токсините од телото. Комбинацијата од овие фактори го прави кафето одличен лек за настинки, а особено кога ќе додадете сок од лимон.

Романо е корисно и за оние кои страдаат од недостаток на апетит. Кафето го прави стомакот да не биде мрзлив и да произведува повеќе дигестивни сокови, а подобро е да се користи овој силен напиток после јадење и секогаш со парче лимон.

Бидејќи кафето во комбинација со сок од лимон помага во подобрување на метаболичките процеси и отстранување на токсините од телото, умереното пиење кафе има корисен ефект врз здравјето и изгледот на кожата.
Мајсторите за кафе во Романо кафето додаваат крем, алкохол, ѓумбир, мед, па дури и павлака, но препорачуваме да го пробате класичниот рецепт.

Состојки:

7 г мелено природно кафе
30 мл чиста вода
5 мл свежо исцеден сок од лимон
кора од еден лимон, исечена на тенка спирала
шеќер по вкус

Приготвување:

Сварете го кафето со апарат за кафе, а ако немате, можете и во нашето омилено италијанско ѓезве за кафе познато како мока пот.
Полека излупете ја кората од лимонот и исцедете го сокот.
Ставете го сокот од лимон во готовото кафе, украсете со кора или со парче лимон и додадете шеќер по вкус. Уживајте во кафето!
Љубителите на најсилното еспресо со лимон знаат дека комбинацијата на природно кафе и кисел лимон е исклучително корисна. Кафето со лимон е вистинско откритие за оние на кои им пречи дејството на кофеинот во големи количини и за оние кои сакаат да ги разгалуваат своите непца со нешто необично. Ова кафе можеби ќе се претвори во ваша утринска традиција, само треба да не се плашите да пробате.

Фото: Pixabay