Шест работи кои сите треба да ги направиме за спас на планетата

Ако веќе сте се откажале од пластика за еднократна употреба, сигурно се прашувате што е следно. Можеби се прашувате: „Дали е доволно тоа што го правам?“ Одговорот е не, вели новото климатско движење The Jump, кое идентификувало шест начини на кои секој од нас може да направи разлика.

0
185

За да се спротивставиме на климатските промени и негативните ефекти врз планетата, треба да го смениме нашиот начин на живот. Но, да знаете од каде да започнете може да биде нејасно. Вистината е дека сите ние можеме да направиме разлика – и мораме.

Ако веќе сте се откажале од пластика за еднократна употреба, сигурно се прашувате што е следно. Можеби се прашувате: „Дали е доволно тоа што го правам?“ Одговорот е не, вели новото климатско движење The Jump, кое идентификувало шест начини на кои секој од нас може да направи разлика.

Намалете го влијанието на нашата потрошувачка за 2/3 во текот на следните 10 години

The Jump нуди алатки, обука и поддршка од заедницата за секој што ќе се обврзе на тоа помеѓу 1 и 6 месеци. Клучно е да се обезбеди дека глобалното затоплување е на меѓународно договорени безбедни нивоа од 1,5°C, и за да го сториме тоа, сите ние мора да го намалиме влијанието на нашата потрошувачка за две третини во текот на следните 10 години. Тоа е многу, но шесте зелени чекори на The Jump можат да ни помогнат во тоа.

„Пресвртите што им ги препорачуваме на луѓето се засноваат на едногодишен истражувачки проект на Универзитетот Leeds School of Earth and Environment, C40 Cities Climate Leadership Group и Arup, глобално инженерско консултантство“, вели Том Бејли, еден од коосновачите на The Jump.

Тие направиле проекции за идниот раст на емисиите во глобалната економија и промените потребни до 2030 и 2050 година за одржување на целта од 1,5°C. Повеќето од овие промени се сведуваат на индустријата и владата, но граѓаните исто така треба да дејствуваат, менувајќи го нивниот начин на живот во однос на начинот на исхрана, патување и пазарење.

Ако не направиме ништо, 1,6 милијарди луѓе ќе бидат изложени на екстремна топлина до 2050 година, а 2,5 милијарди ќе се соочат со недостаток на храна и глад до крајот на векот“.

Промената не е лесна, затоа предлагаме чекори што можете да ги преземете за да започнете. Направете барем една од овие промени и правете го тоа најмалку три месеци!

1 Променете што и како јадете

Повеќе од 25% од вкупните глобални емисии доаѓаат од системот за храна, така што нашите сегашни навики за јадење едноставно не се одржливи.

„Намалувањето на отпадот од храна е најважното нешто што можете да го направите за да направите разлика“, вели Теса Кларк, која ја основа апликацијата OLIO за да им помогне на луѓето да споделуваат вишок производи. „Обидете се со компостирање, јадете остатоци и целосно искористете сè што имате во замрзнувачот“, додава таа.

Покрај „јадете сè што купувате“, The Jump препорачува да се заменат повеќето од месото и млечните производи што ги консумираме со алтернативи од растително потекло, бидејќи тие се помалку штетни за животната средина. Препорачаната горна граница за потрошувачка на месо е 16 кг годишно (затоа обидете се максимум 300 гр неделно) и 90 кг млечни производи (околу 1 литар млеко неделно).

Започнете со два дена неделно без месо, а потоа почестете се со еден вегански ден!

2 Променете го начинот на патување

Сите го направивме ова (принудно) минатата година и како резултат – бројот на патници се намали за 50%, а загадувањето од авионите беше намалено за речиси една третина во првиот месец на целосното затворање. Ана Хјуз, директорка на Flight Free UK, објасни: „Во западните земји, ние летаме многу повеќе од просекот, додека авијацијата е одговорна за 3,5% од глобалните емисии, од кои половина се произведени од само 1% од светската популација“.

Започнете со истражување на други начини на транспорт низ Европа. До повеќето земји може да се пристапи со воз и / или траект, затоа направете го патувањето дел од вашата авантура.

3 Бидете економични со облеката

Индустријата за облека и текстил произведува повеќе емисии на стакленички гасови отколку меѓународната авијација и превозот заедно, што значи дека треба да се ослободиме од зависноста од брзата мода пред да биде предоцна. Пробајте модификации, продавници за половни работи и антиквитети или услуга за изнајмување облека. Купете само три нови парчиња алишта годишно и чувајте го предметот во виртуелната „корпа“ најмалку 7 дена пред да одлучите дали навистина ви е потребен.

4 Користете електронски уреди на долг рок

Процесот на вадење на ретки земни метали за производство на електроника и нашата зависност од купување е уште еден фактор што придонесува за емисиите на јаглерод. На пример, според The Jump, само 13% од животните емисии на iPhone 11 Pro се всушност неговата употреба, другите 86% се поврзани со неговото производство, транспорт и преработка на крајот на животниот век. Користете електронски производи најмалку седум години. Повеќето од нас купуваат нови телефони на секои две до три години, затоа преместете го тоа на најмалку пет и започнете да размислувате за поправка или купување од втора рака.

5 Споделете автомобил, префрлете се на електричен или користете јавен превоз

Транспортот е одговорен за една четвртина од вкупните емисии на стакленички гасови, а повеќе од две третини од тоа доаѓа од моторите на автомобилите. Со оглед на тоа што се очекува нивото на сопственост на возилата да се удвои повторно до 2040 година, ова создава огромен климатски проблем. Останете подалеку од користење приватни возила и префрлете се на заеднички или јавен превоз. Ако можете, обидете се да се префрлите на електрично или хибридно возило.

6 Променете го системот

Иако The Jump признава дека владата и индустријата продолжуваат да играат најголема улога во намалувањето на емисиите, ние како поединци имаме моќ да извршиме притисок врз нив. Протестите се важни, но не за секого. За среќа, постојат многу начини на кои можете да поттикнете промена на системот.

Префрлете се на зелен снабдувач со енергија, купувајте од зелени производители или користете етички банки.

Внесете барем една промена во вашиот живот за да помогнете да се трансформира системот. Заедно, ова може да има големо влијание. Ако се плашите од мислата дека треба да промените сè одеднаш, само започнете со едно нешто. Тоа е најбрзиот начин да се направи разлика!

Фото: Pexels