Шеф Маре Јаневска пропеа! (ВИДЕО)

Не, нема намера да ја смени професијата, ама откако со колегите од британската амбасада направиле бенд, одвреме навреме го зема микрофонот и пее. Погледнете го видеото во кое тие изведуваат еден од најголемите хитови на Битлси Let it be

0
411

Маре Јаневска која веќе 13 години, паралелно, е на две работни позиции, менаџер и шеф на Британската Резиденција, освен редовните обврски, многу често знае да излезе од комфор зоната, во потрага по нови искуства.

Најголемо задоволство за неа е кога луѓето уживаат во нејзината кулинарска магија, а особено кога гостите во резиденцијата и лично ќе ја повикаат за да ѝ искажат благодарност за храната и услугата.

Во своето работење досега таа учествувала во хуманитарни настани, часови за готвење и е голем активист. Една од најголемите цели ѝ е да го пренесе своето знаење на децата, на кои им укажува за огромното значење на исхраната за нивното здравје и правилен развој.

Во последно време се посветува на спарувањето храна со пијалоци, но исто така сака да експериментира и презентира спојување храна со музика.

Имено, музиката и фотографирањето се исто така едни од најголемите љубови на Маре покрај креирањето храна. А пред неколку месеци, на прославата на Нова Година, сосема спонтано таа и нејзините колеги од британската амбасада во Скопје, се качиле на сцена и направиле одлична забава.

Оттогаш британската амбасада во Скопје може да се пофали и со свој бенд. По повод 27 години од пријателската соработка помеѓу Британија и Македонија, тие на социјалните мрежи објавија и видео на која го изведуваат познатиот хит од Битлси – Let it be. Во видеото се вклучени и снимки од некои досегашни активности на амбасадата.

Погледнете како звучи кога шеф Маре ќе го грабне микрофонот.

“Let it be” by The Beatles

As part of our 27 years of UK – North Macedonia celebrations enjoy the performance by our British Embassy Skopje band playing the legendary “Let it be” by The Beatles #Пријателство27🇬🇧🇲🇰

British Embassy Skopje 发布于 2020年6月9日周二