Што навистина значи рокот на употреба на прехранбените производи?

Што навистина значат роковите на траење на намирниците, колку долго можете да ја чувате храната откако ќе истечат датумите и како најдобро да ги искористите намирниците за да не создавате непотребен отпад.

0
573

„Најдобро е да се употреби до“ означува датум до кој храната е на својот врв по вкус и квалитет.

„Употребете до“ значи конечниот препорачан датум до кој можете да јадете храна со врвен квалитет.

Иако овие датуми се однесуваат на квалитетот и свежината, 42 отсто од испитаниците во студијата за управување со отпад се убедени дека етикетата „употребете до“, се однесува на безбедноста.

Дали треба да ја фрлите храната со поминат рок?

Датумот на истекување на пакувањето на храната не значи дека треба да го фрлите производот. Ако правилно ја чувате храната, правилно ја обработувате и ракувате со неа, таа е безбедна се додека на неа нема знаци на расипување, а тоа вашите сетила ќе го одредат попрецизно отколку испечатениот датум.

Бактериите кои предизвикуваат расипување предизвикуваат забележителни промени во мирисот, вкусот и текстурата на храната, па ако ништо од тоа не се променило, храната е безбедна за јадење.

Колку долго може да стои трајната храна?

Издржливата храна како тестенините, грицките и конзервираната храна теоретски може да остане во оставата на неодредено време, но тоа не значи дека ќе го задржи истиот вкус засекогаш, туку само дека има неограничен рок на траење во однос на безбедноста.

Замрзнувањето на храната ќе ја намали количината на отпад

Не мора да го фрлате вишокот на храна како месо или леб доколку имате замрзнувач, туку треба да се замрзне додека намирниците се свежи и на собна температура. Замрзнатата храна генерално нема да се расипе ако ја чувате правилно, но колку подолго чекате со консумирањето, толку повеќе губи од квалитетот и свежината.

Фото: Pixabay