Што треба да јадете за да го спречите згрутчувањето на крвта?

Mожете да избегнете згрутчување на крвта со едноставно менување на вашиот животен стил и исхрана и со земање на одредени природни лекови кои ќе ја подобрат еластичноста и проодноста на вашите крвни садови.

0
890

Нашето тело, а исто така и нашите крвни садови, имаат одлични механизми за самозаштита. Кога ќе добиеме некоја надворешна повреда, нашата крв природно се згрутчува. Ова спречува прекумерна загуба на крв, како и влегување на бактерии во отворената рана.

Но, што се случува кога ќе се формираат тромби без очигледна причина, како што е физичка повреда?

Тоа само укажува дека нешто во нашето тело (и крвните садови) е опасно погрешно.

Згрутчувањето на крвта станува се почеста во денешно време, што не е изненадувачки затоа што поминуваме многу време седејќи, а нашата исхрана се заснова на транс масти и нездрави јаглехидрати.

Покрај тоа, мнозинството од населението денес пуши, редовно консумира алкохол и зема разни лекови.

Сето ова носи голем товар на крвните садови, го зголемува притисокот во нив, ја згуснува крвта и значително го зголемува ризикот од опасна тромбоза.

Од плак до тромб

Д-р Томас Коуан, американски холистички лекар, вели дека блокадата на крвните садови најчесто се јавува поради оштетување во самите садови, како и воспалителните процеси што се случуваат во нив.

За да се заштитат од високиот крвен притисок што настанува во нив, крвните садови во нивните sидови создаваат плак, што го стеснува просторот за циркулација на крвта.

Оваа состојба се нарекува атеросклероза.

Дел од тој плак под притисок на крвта може да се одвои или да се откине со текот на времето.

Ова создава тромб кој може да патува низ вашите артерии или вени, а потоа да се зачаури во мозокот, срцето, бубрезите, белите дробови или екстремитетите.

Ова може да доведе до срцев или мозочен удар, фацијална парализа, оштетување на внатрешните органи, па дури и до смрт.

Некои од опасните состојби поврзани со згрутчување на крвта се белодробна емболија и длабока венска тромбоза.

Симптоми кои укажуваат на тромб

Некои од симптомите што можат да укажат на згрутчување на крвта во органите или во делови од телото се:

Срце: тежина или болка во градите, отежнато дишење, мачнина, потење
Мозок: слабост во лицето, рацете или нозете, отежнато зборување, проблеми со видот, ненадејна силна главоболка или вртоглавица
Белите дробови: отежнато дишење, остра болка во градите, силно чукање на срцето
Рацете или нозете: ненадејна болка и оток, преосетливост и чувство на топлина
Абдомен: силна болка во стомакот, повраќање, дијареја

Природни сојузници кои спречуваат згрутчување на крвта

Добрата вест е дека можете да избегнете згрутчување на крвта со едноставно менување на вашиот животен стил и исхрана и со земање на одредени природни лекови кои ќе ја подобрат еластичноста и проодноста на вашите крвни садови.

Првите два чекори за спречување на згрутчување на крвта се секако активен животен стил и здрава исхрана заснована на изобилство на шарени сезонски овошја и зеленчук и омега-3 масни киселини.

Овие се два основни чекори ако сакате да ги заштитите крвните садови и срцето. Исто така е многу важно да пиете многу течности за дополнително разредување на крвта.

Покрај тоа, можете да ги земете овие природни состојки кои ќе им помогнат на вашите крвни садови да останат проодни и здрави.

1. Лук

Суровиот лук се смета за еден од најдобрите природни лекови во спречување на блокирање или тромбоза на крвните садови.

Оваа супер-храна обезбедува одлична заштита од кардиоваскуларни и метаболички болести.

Истражувањата покажаа дека внесувањето лук не само што ја намалува натрупаната плоча во крвните садови, туку и спречува формирање на нови.

2. Витамин Ц.

Витаминот Ц е еден од најмоќните антиоксиданти кои се исто така важни за здравјето на крвните садови.

Тој е клучна состојка во формирањето на колаген, кој, како лепак, ги држи коронарните клетки заедно.

Колагенот е градежен материјал не само на нашите коски, туку и на кожата, крвните садови и целото сврзно ткиво.

Истражување во Бостон во 2003 година, спроведено на 85.000 жени, открило дека припадничките на понежниот пол кои земале најголеми дози на витамин Ц имале најмал ризик од срцеви заболувања, а со тоа и од затнување на жилите и атеросклероза.

Како моќен антиоксиданс, овој витамин спречува оштетување во крвните садови.

Исто така, според студијата, кај оние кои конзумирале 2 киви на ден 28 дена (кивито е богат извор на витамин Ц) откриле дека тромбоцитите се помалку склони да формираат мали тромби.

Доколку сакате да го зголемите внесувањето на овој витамин со храна, консумирајте портокали, пиперки, јагоди, домати, бамја, брокула, сладок компир со кора.

3. Л-лизин

Оваа есенцијална аминокиселина е вклучена не само во изградбата на протеини, туку и во формирањето на колаген.

Дејствува на сите оние места каде што се наоѓа тој колаген, а тоа се, меѓу другото, крвните садови и сврзни ткива.

Д-р Линус Поулинг препорачувал, на пример, високи дози на витамин Ц и Л-лизин за целосно обновување и регенерација на крвните садови.

4. Витамин Е.

Овој витамин е познат антикоагуланс кој помага при исхемија на срцето или стеснување на крвните садови.

Се користи во превенција на кардиоваскуларни болести, како и при висок крвен притисок.

Ако сакате да направите добра работа за вашите крвни садови, земете најмалку две од следниве намирници богати со витамин Е секој ден:

бадеми
авокадо
лешници
семки од сончоглед
тиква
спанаќ
киви
брокула
домати

5. Ѓумбир

Овој моќен корен има силни антиинфламаторни својства и содржи и салицилати кои можат да спречат затнување на крвните садови.

Со земање ѓумбир сигурно може да спречите мозочен и срцев удар.

6. Куркума

Исто како ѓумбирот, куркумата е еден од исклучително здравите зачини со антиинфламаторно дејство.

Една од главните состојки на куркумата – куркуминот – има антикоагулантни својства, што значи дека ја разредува крвта и спречува формирање на тромби.

Затоа, ако сè уште не сте го направиле тоа, збогатете ги оброците со овој жолт зачин или земете го во поголеми дози во форма на додатоци во исхраната.

Забелешка: За подобра апсорпција, комбинирајте куркума со црн пипер или малку маснотии како кокосово масло.

7. Каенски пипер

Каенската пиперка е всушност многу повеќе од зачин.

Содржи високи нивоа на салицилати кои делуваат спречувајќи згрутчување на крвта и создавање на тромби.

Покрај тоа, го намалува крвниот притисок и ја подобрува циркулацијата. Значи, тоа е одличен сојузник на здравјето на вашето срце и крвни садови.

8. Цимет

Дефинитивно треба да земате цимет ако имате зголемен ризик од проширени вени или атеросклероза.

Овој ароматичен зачин, имено, содржи активна состојка кумарин, која делува со разредување на крвта или има антикоагулантни својства.

Циметот исто така го регулира крвниот притисок и ги намалува воспалителните процеси во организмот.

Фото: Pixabay