5 сирења кои се поздрави отколку што мислите

Обично се зборува за здравствените придобивки од козјото сирење, и тоа, со право, но еве уште неколку видови за кои можеби досега не сте знаеле дека се здрави.

0
299

Иако сирењето има репутација на многу калорична и масна храна, кога се консумира во умерени количини, тоа е всушност одличен извор на калциум, протеини и витамин Д.

Исто така, сирењето е втор извор на калциум кај луѓето со просечни навики во исхраната, па погледнете кои 5 сирења можете да ги вклучитенесете во вашата исхрана без страв.

Фета сирење

Фетата е медитеранско сирење со доста силен вкус, па можете да се извлечете и со помали порции. Направен е од козјо млеко, па затоа е одличен избор за луѓе чувствителни на лактоза. Може да го комбинирате со салати, супи, сладок компир, мафини или разни овошја.

Зрнесто сирење или урда

Зрнестото сирење е богато со калциум и фосфор кои се грижат за здравјето на вашите коски, а исто така содржи и казеин (млечен протеин) кој помага да се обнови мускулното ткиво. Може да го најдете и во варијанти со многу малку млечни маснотии.

Рикота

Сирењето Рикота има слична текстура како урдата, но е полесно, а половина чаша исполнува дури 25% од дневните потреби за калциум. Богато е и со фосфор, витамини А и Б и цинк. Тоа е одличен додаток во кроасани, тостови, па дури и во колачи.

 

Neufchâtel

Ова сирење е француска верзија на крем сирење, но содржи само една третина од маснотиите. Иако не е секогаш лесно да се најде во продавниците, тоа е одлична замена за крем сирењата што вообичаено ги користите како намази за леб.

Пармезан

Иако половина чаша содржи дури 216 калории, пармезанот содржи умами, што според некои истражувања го подобрува вкусот на другата храна и исто така може да го подобри варењето на храната. Половина чаша пармезан содржи и околу 19 грама протеини, но и натриум, па затоа е многу важна умерената консумација.

Фото: Pixabay