Ароматична велигденска плетенка

0
614

Состојки:

500 г брашно

3 цели јајца

2 жолчки

2,5 дцл млеко

4 големи лажици шеќер

Ванилин шеќер

Рендана кора од 1 лимон

120 г путер

Прстофат сол

1 прашок за пециво

1 квасец

За премачкување:
жолчка и шеќер

Приготвување:

Растопете го путерот и оставете го да се излади. Млекото загрејте го и додадете му мала лажичка брашно и шеќер и здробете го квасецот па оставете на топло да нарасне.

Во еден сад измешајте ги сувите состојки: брашното и прашокот за пециво. Одделно изматете ги јајцата и жолчките со шеќерот и додадете ја ренданата кора од лимон и ванилиниот шеќер. Додадете ги сувите состојки и добро измепајте па додадете го и квасецот и растопениот путер, Замесете додека не добиете мазно тесто.

Премесете го убаво и оставете го на топло, покриено со крпа додека не стане двојно поголемо, а потоа повторно премесете го и поделете го на два дела. Од едниот дел можете да направите обична погача (пинца), а другиот дел употребете го за да направите велигденска плетенка.

Откако ќе ги обликувате оставете ги да нараснат уште еден час а потоа премачкајте ги со жолчка и со шеќер и печете ги во загреана рерна околу 30 минути.