Домашно си е домашно…

Супер брзо се прават а повкусни се од сите можни кекси што можат да се купат

0
673

Нека не ве мрзи да ги направите и да им ги понудите на најблиските со шолја миризливо кафе. Можеби не спаѓаат баш во здрава храна, ама барем се домашни и можете да си дозволите 2-3 со кафе ако баш имате мерак за благо.

Состојки:

2 белки

1 пудинг од ванила

1 ванилин шеќер

1,5 лажичка прашак за пециво

500 г брашно

200 г путер или свинска маст (овие се со свинска маст)

100 г шеќер

рендана кора од лимон

Приготвување:

Се матат белките со шеќерот и ванилиниот шеќер, па се додаваат маста, прашокот за пециво и прашокот за пудинг од ванила и рендана кора од 1 лимон.

Кога ќе се измати смесата се додава брашното и се замесува тесто. Обликувајте го во топка, завиткајте го во проѕирна фолија и ставете го на 1 час во фрижидер.

Правете од тестото мали топченца и ставајте ги во тепсија обложена со хартија за печење и печете во загреана рерна на 180 степени околу 15-20 минути во зависност од рерната. Можете да ги чувате во кутија и подолго време.