Откријте кои намирници се здрави, хранливи и ефтини

Обично се мисли дека здравата исхрана е и скапа, но не мора да биде така. Постојат намирници кои се и здрави и хранливи, а не се ни скапи.

0
1145

Ако мислевте дека за да се храните здраво ви требаат многу повеќе пари или дека купувањето на здрава храна ќе ви го испразни паричникот, еве листа од здрави и хранливи намирници за кои не ви требаат многу пари.

Па ако ова ви беше единствен аргумент заради кој никако да почнете да внимавате на исхраната, тогаш можете да почнете уште веднаш.

Леќа

Леќата содржи полно белковини и малку маснотии. Освен тоа, изобилува со фолати, железо и калиум. Содржи и полно влакна кои го продолжуваат чувството на ситост и го поттикнуваат варењето. Испробајте кафеава, зелена или црвена леќа и подгответе ја како салата, како вариво или како прилог.

Јајце

Едно јајце содржи околу 6 грама белковини. Јајцата се хранливи, полни со витамини А и Д и колин кој е битен за трудниците и за доилките. Иако се јајцата забранети за оние со висок холестерол, едно јајце дневно не би требало да влијае на раст на холестеролот. Јајцата можете да ги сварите и да ги јадете со салата, да ги поширате, да направите од нив кајгана.

Овес

Порција топли овесни снегулки е идеална за појадок. Овесот може да го снижи холестеролот и да го поттикне варењето, а изобилува со голема количина влакна и антиоксиданси. Подгответе овесна каша со топло млеко и малку мед.

Батат

Само со еден батат можете во организмот да внесете преку 400 отсто од препорачаната дневна доза витамин А и повеќе од третина витамин Ц. Бататот содржи повеќе шеќер од обичниот компир, но и повеќе влакна. Исто така, содржи пмал број калории и јагленохидрати. Бататот можете да го испечете во рерна со малку масло или да го употребите како состојка за некој здрав колач.

Компир

Повеќето луѓе избегнуваат компири додека внимаваат на исхраната, иако всушност, тие спаѓаат во здрави намирници. Содржат витамин Ц, влакна и калиум, а можат да помогнат во снижување на крвниот притисок и холестеролот. Испечете исечени компири со лажичка маслиново масло и јадете ги со некоја свежа салата.

Сардини

Овие мали сини рипчиња се одличен извор на протеини, калциум, витамин Д и омега-3 масни киселини, кои помагаат во спречување на болестите на срцето. Ако купувате конзервирани сардини, подобро одберете ги оние во саламура или во сопствениотсок, наместо во масло.

Грав

Порција грав содржи околу 7 грама белковини. Изобилува со влакна, фолати, калиум и магнезиум. Пред варење, потребно е гравот да се натопи во вода и да се остави преку ноќ. Ако користите конзервиран грав, секкао измијте го пред консумирањето, за да го смалите процентот на сол.

Пуканки

Полни се со влакна кои заситуваат и се добри за варењето. Освен тоа, сиромашни се со калории, па избегнувајте да ги правите во големи количини масло.

Банани

Ова овошје е богато со влакна, витамини Б6 и Ц, магнезиум и калиум кои го балансираат крвниот притисок и го чуваат здравјето на срцето. Најдобро е да се јадат како меѓуоброк или да се уфрлат во смути за појадок.

Наут

Порција наут содржи околу 10 грама протеини, многу железо и влакна. Можете да го додадете во разни салати, да направите вариво или хумус.

Замрзнат зеленчук

Замрзнатиот зеленчук честопати има повеќе хранливи материи од од свежиот, кој го купуваме во маркетите. Може да се подготви како вариво или да се издинста на малку маслиново масло и да се зачини по желба.