Шведски полжавчиња со цимет

0
356

Во Шведска можете да ги најдете во пекарите под различни називи, како kanelbullar, а најдобро одат со кафе. Секако, за да ги пробате не морате да одите до Шведска. Направете ги дома.

Состојки:

За тестото:

400 мл млеко

110 г путер

2 x 7 г сув квасец

110 г шеќер

750 г брашно

½ лажичка сол

2 лажички кардамом

За премачкување

4 лажици шеќер

1 јајце

Фил

110 г путер

90 г шеќер

2 лажици цимет

Приготвување

Растопете го путерот на тивок оган па додадете млеко и мешајте. Тргнете ја смесата од огнот.

Помешајте ги брашното, солта, квасецот и кардамомот. Во средината ставете го путерот растопен во млекото.

Префрлете ја смесата на работната површина и замесете па оставете го тестото покриено со проѕирна фолија да одмара 45 минути.

Загрејте ја рерната на 220°C. Измешајте ги циметот, шеќерот и путерот.

Пола од тестото расукајте во облик на квадрат со дебелина од околу 3 мм и размачкајте ја врз него смесата од цимет па завиткајте во ролна. Повторете ја постапката со другата половина.

Исечете го тестото на кришки и ставете ги во тркалесна тепсија за печење. Премачкајте ги со матено јајце и поросете со шеќер. Печете 15 до 20 минути.

Фото: Kjartan Einarsson on Unsplash