Сок или смути?

0
1475

За цедење сок наутро ви треба повеќе време. Најдобар избор е цеден сок од свеж зеленчук, евентуално во комбинација со некое сезонско овошје. Но кога наутро немате многу време или ве мрзи да правите сок, смути ви е спасот. Зеленилото и јаболко или банана, со чаша вода, ставате во блендер и за неколку секунди имате супер појадок.

Во што е разликата?

Кога цедиме сок ние ја одвојуваме природната течност на зеленчукот од растителните влакна. Благодарение на тоа витамините и другите хранливи состојки многу брзо се варат. Организмот не вложува напор на преработка на влакната, а притоа ги добива сите корисни состојки од зеленчукот и лиснатите билки. Затоа што нема влакна, во соковник можеме да ставиме многу повеќе зеленчук или зеленило отколку во блендерот. Треба да се знае и дека за цедење на лиснат зеленчук ви треба специјален соковник за бавно ладно цедење, затоа што во спротивно целиот спанаќ и магдонос ќе завршат во отпадот.

Во смути влакната остануваат, затоа што блендерот само ги ситни и ги меша состојките со голема брзина. Влакната придонесуваат за исфрлање на токсините од организмот и за одржување на здравјето на цревата, а по иситнувањето во блендер влакната стануваат полесни за варење. Освен тоа, за разлика од цедениот сок, заради содржината на влакна, смутито ве заситува на подолг период.

За правење на сок ви требаат повеќе состојки, бара повеќе време, како и миење на соковникот. Матењето на смути во блендер е значително полесно, затоа е одлична варијанта за оние кои допрва почнуваат со здрав начин на исхрана. Покрај тоа, блендерот можете да го користите и за правење сосови, млека од јаткасти плодови, бројни десерти и уште многу нешта.

Што да се комбинира и како да се пие?

За да го добиете максимумот и од соковите и од смути, важно е да се води сметка за тоа што од состојките треба да комбинирате и како да пиете.

Свеж лиснат зеленчук и зачински билки. Тие се најздрави состојки, како за сокови, така и за смути. Хлорофилот со кој се богати придонесува за подобра работа на сите органи и ни дава порција аминокиселини, витамини и минерали. Спанаќ, магдонос, блитва, целер и кељ, како и лиснатиот дел од цвеклото и морковите се одличен избор. (во листовите од цвеклото и морковите има многу повеќе минерали и витамини отколку во самите плодови).

Ако сакате сокот да ви биде поблаг, додадете јаболко или круша. Можете да ги додадете и во смути, иако повеќето луѓе за смути одбираат банана. Исто така, добар додаток за смути се и зрнестото овошје и авокадото. Водете сметка да не пиере премногу овошни сокови затоа што содржат во себе доста шеќер и имаат висок гликемиски индекс.

За смути бирајте комбинации „овошје + зеленило“ или зеленчук + зеленило“. Не мешајте брокули, морков и портокал – таков микс нема да му се допадне на вашиот систем за варење. Ако мешате овошје и зеленчук, на вашето тело ќе му треба повеќе време и енергија за да свари се заедно.

За сокови можете да одберете било каков зеленчук и зеленило. Ако сакате поблага варијанта, додадете зелени јаболка чиј сок е доста неутрален. Добри се и краставиците кои имаат освежувачки вкус. Исто така, секогаш можете да додавате свеж ѓумбир и сок од лимон.

Немојте да пиете сокови и смути со друга храна. Секогаш е најдобро да ги консумирате на празен стомак, половина час пред следниот оброк.

Секако, најдобро е да се употребат веднаш кога ќе ги направите, но не е ништо страшно ако ги испиетре за неколку часа или утредента.

Експериментирајте со различни состојки и вкусови. Соковите и смути се наједноставен начин да внесете енергија и неопходните витамини и минерали.