Сува пита

0
238

Иако нашата читателка Викторија Симиќ ѝ го дала ова име, верувајте, далеку е од сува. Полна со мелени ореви и шеќер, оваа пита е вистинска енергетска бомба.

Шеќерот можете да го намалите на пола или да го замените со мед.

Состојки:

500 г готови кори

500 г мелени ореви

500 г шеќер (250 е сосема доволно)

2 дцл зејтин

Суво грозје по желба

Шеќер во прав по желба

Приготвување:

Се редат три кори една врз друга, а претходно, секоја се попрскува со зејтин. На третата кора се ставаат ореви, шеќер и суво грозје.

Постапката се повторува додека не се потрошат сите кори. Се виткаат во 5 ролати, се мачкаат со зејтин и се печат.

Кога ќе се испечат, се попрскуваат со вода и се оставаат да се изладат.

Се сечат на парчиња и по желба се валкаат во шеќер во прав.