Веруваме дека ве заинтересиравме со самиот наслов и поднаслов и сега ќе го оправдаме вашиот интерес.

Навистина станува збор за вкусен десерт од само четири состојки, без брашно, кој се подготвува во блендер.

За навистина да ја направите оваа поздрава верзија, набавете квалитетен путер од кикиритки и темно чоколадо. Вашиот блендер ќе го направи останатото!

Во случај кога уредот е послаб и имате проблем со дробење на овесните снегулки, додадете малку вода и по желба засладете со мед.

Овој леб е сочен, полн со вкус и лесно се сече.

Леб од банана од блендер
Состојки:

700 гр банани
180 гр овесни снегулки
250 гр путер од кикиритки
180 гр темно чоколадо

Приготвување:

Загрејте ја рерната на 180 степени. Долгнавест калап за леб премачкајте го со масло и обложете го со хартија за печење.
Ставете ги бананите, овесните снегулки и путерот од кикиритки во блендер и измешајте ги во мазна смеса.
Додадете поголем дел од чоколадото и промешајте.
Истурете го тестото во калапот за леб. Одозгора наредете тенки парчиња банана и остатокот од чоколадото.
Печете 25-30 минути. Почекајте да се излади пред да го исечете и послужите.

Бидејќи хемотерапијата ги убива клетките на ракот, може да ги оштети и здравите клетки, што може да предизвика одредени проблеми со исхраната.

По само една хемотерапија, може да се појават несакани ефекти како што се мачнини, губење на апетит, промени во сетилото за вкус и мирис, запек или дијареа, болно оштетување на усната шуплина, грлото и отежнато голтање, повраќање, губење на тежината или дебелеење.

Исхраната на болните од рак често се разликува од исхраната на здравите луѓе, бидејќи тогаш може да дојде до зголемување на потребата од протеини или дополнителни калории.

Од друга страна, ако по хемотерапијата се појавиле рани во устата, храната треба да биде течна или во форма на пире и сосови.

Јадете доволно влакнеста храна, витамини и воопшто калории, бидејќи само така ќе ја зачувате виталноста на организмот за време на лекувањето и ќе му помогнете на оштетеното ткиво побрзо да се регенерира.

Исхрана по хемотерапијата

По примањето на хемотерапијата, најдобро е да се јадат помали оброци кои се лесно сварливи. На пример, пилешко, ориз, печени компири, банани или јаболка.

Добар избор е и рибата, особено туната и лососот, бидејќи се богати со омега 3 масни киселини и витамин Д и ќе ви помогнат да го зајакнете ослабениот имунитет.

Што треба да се избегнува?
Избегнувајте црвено месо, алкохол, кафе и чај (освен зелен чај), преработено месо и вештачки сокови.
Зеленчукот треба многу добро да се измие. Дури и оние со дебела кора треба добро да се измијат по лупењето.

Зеленчукот треба да се обари, не долго, освен морковите кои можете да ги јадете свежи.

Авокадото е добар избор, бидејќи е хранливо, а лесно се вари.

Јогуртот може да ја ублажи мачнината, но и да ги зачува коските и мускулите за време на третманот.

Од друга страна, ако за време на третманот развиете нетолеранција на лактоза, треба да користите јогурт без лактоза.

Јадете 5-6 помали оброци наместо 3 големи.

Вклучете брокула, кромид и лук во вашата исхрана по хемотерапијата, многу протеини (јајца, пилешко, мисиркино, говедско месо).

Јадете храна богата со селен, како што се цели зрна, индиски и бразилски ореви.

Овошјето богато со витамин Ц е добар антиоксидант. Тоа се дињи, манго, киви и портокали.

Добро е и да се јаде овошје богато со витамин А, како и банани кои се добар антиоксидант.

Ако немате апетит…

Милкшејк од банана: се препорачува за луѓе кои немаат апетит после хемотерапијата.

Исечкајте една зрела банана, истурете чаша млеко и додадете неколку капки екстракт од ванила, а потоа изблендирајте во блендер додека не добиете пијалак со еднаква конзистентност.

Ако се приготвува со полномасно млеко содржи 255 калории и 9 гр протеини, а ако се подготвува со обезмастено млеко, калориската вредност е 190 калории по порција и 9 гр протеини.

Во овој шејк можете да додадете и грст или две боровинки или јаткасти плодови.

Млекото можете да го замените и со млеко од соја.

Смути од лубеница и краставици: одличен пијалак за луѓето кои се опоравуваат од хемотерапија.

Во блендерот додајте 500 гр лубеница, 250 гр излупена краставица, 100 гр целер и една лажица сок од лимон.

Добро измешајте да добиете хомогена смеса, а потоа додадете листови нане или семе од лен по желба.

Смути со зелен чај: Половина шолја замрзнати боровинки, половина шолја замрзнати јагоди и половина шолја разладен незасладен зелен чај треба истурете во блендер и додадете нешто помалку од шолја нискокалоричен јогурт и 2 лажици мелени семки, а потоа мешајте околу дваесет секунди.

Јогуртот може да се замени со млеко од соја.

Го сакате вкусот на бананата? Дали го јадете ова овошје наутро за појадок или го додавате во вашето здраво смути? Но, дали знаевте дека од ова извонредно овошје, кое е достапно во текот на целата година, можете да подготвите и лековит чај?

Токму овој чај неодамна стана популарен како смирувачки пијалок кој се пие непосредно пред да заспиете.

Покрај тоа што со пиење чај од банана можете да го подобрите квалитетот на сонот и да се опуштите, благодарение на неговите антиоксиданти можете да постигнете и бројни други придобивки, како што се подобро расположение и витка линија.

Во народната медицина овој чај се препорачува не само за луѓето кои страдаат од несоница и хронична анксиозност и депресија, туку и за оние кои имаат ослабен имунитет и висок крвен притисок, како и воспалителни состојби во организмот.

Чајот можете да го подготвите со додавање на излупена банана, но ако сакате да уживате во повеќе антиоксиданти кои се погодни за добар сон, дефинитивно оставете ја кората – во тој случај, треба да ја варите бананата малку подолго за да ги ослободи потребните хранливи материи во чајот.

Чај од банана без кора

Сварете 500-750 мл вода и во неа додадете една исечена и претходно излупена банана.

Оставете да врие 5-10 минути, па процедете.

Мала количина природен шеќер од бананата се испушта во чајот, но доколку сепак сакате подобро да го засладите, додадете малку мед.

Чај од банана со кора (за повеќе антиоксиданти и уште подобар сон)

Сварете 500-750 мл вода и додадете неизлупена и исечкана банана (прво добро измијте ја и исечете ги врвовите).

Намалете ја топлината и продолжете со готвењето 15-20 минути. Процедете и по желба додадете малку мед и цимет, кој е одличен за здравјето на срцето, но и за витка линија.

Варената банана не ја фрлајте, туку искористете ја за да подготвите леб, смути, чиа пудинг или, на пример, овесна каша.

Придобивките од чајот од банана

Опушта и носи добар сон

Ова егзотично овошје е одличен извор на калиум и магнезиум, а токму оваа комбинација на минерали е неопходна за добар сон и релаксација. Споменатите минерали делуваат и на опуштање на мускулите.

Бананата содржи и триптофан, амино киселина која го поттикнува лачењето на серотонин и мелатонин, хормони важни за квалитетен и непрекинат сон во текот на ноќта.

Овие хормони исто така делуваат на ублажување на ефектите од стресот, како и анксиозноста и депресијата.

Добро е за здравјето на срцето

Благодарение на калиумот и магнезиумот, бананата е добра и за здравјето на срцето. Овие минерали исто така го намалуваат крвниот притисок и го намалуваат ризикот од срцев удар и други кардиоваскуларни болести.

Бананите се богати и со антиоксиданти растворливи во вода, допамин и галокатехин, кои се силни борци против слободните радикали и вистински чувари на здравјето на срцето.

Калиумот од бананите го регулира балансот на течностите во телото и делува како вазодилататор кој ги проширува и опушта крвните садови, а со тоа го штити целиот кардиоваскуларен систем.

Донесува добро расположение

Хормоните серотонин и допамин, кои повеќе се лачат по пиењето на овој чај, делуваат и како вистински поттикнувачи на расположението.

Затоа, со овој чај можете да го избркате лошото расположение, што е почесто случај во зима, кога има помалку сонце.

Помага при надуеност и запек

Бидејќи содржи калиум, чајот од банана е добра природна помош за надуеност, запек и грчеви.

Магнезиумот и калиумот ја помагаат цревната перисталтика, а со тоа и доброто варење.

Бананите содржат и диетални влакна кои го потиснуваат апетитот и го стимулираат метаболизмот.

Благодарение на ова, овој чај може да ви помогне и да ги изгубите вишокот килограми.

Го зголемува имунитетот

Бананата е богата со витамин Б6, кој помага во формирањето на црвените крвни зрнца и го зајакнува имунитетот.

Содржи и витамин Ц, кој го стимулира производството на бели крвни зрнца, како и витамин А, кој го спречува оксидативниот стрес и е особено добар за здравјето на очите.

Поради високата содржина на влакна кои ја стимулираат и чистат слузокожата на белите дробови, бананите делуваат како природен потиснувач на кашлицата. Затоа ова слатко тропско овошје е идеален избор како поздрава алтернатива на лековите без рецепт.
Кашлицата е природен одбранбен механизам на телото кој помага да се исчисти респираторниот систем од слуз, надразнувачи и инфекции. Се појавува како чест симптом на инфекции на респираторниот тракт, како што се настинки, грип, бронхитис и пневмонија.

Акутната кашлица трае помалку од три недели, додека хроничната кашлица трае повеќе од осум недели. Сепак, постојаната кашлица која предизвикува отежнато дишење може да биде непријатна и да ги наруши секојдневните активности, но и да укажува на можен посериозен здравствен проблем.
Видовите на кашлица обично се делат на сува и влажна кашлица. Сувата кашлица не произведува слуз и често е предизвикана од обична настинка, грип и надразнувачи. Влажната или продуктивна кашлица го поттикнува исфрлањето на слузта од респираторниот систем и е предизвикана од акутни или хронични инфекции, како што се бронхитис, пневмонија или хронична опструктивна белодробна болест (ХОББ).

Лекувањето на кашлица е важно бидејќи ни помага да ја намалиме непријатноста, да ги спречиме можните компликации и да го подобриме квалитетот на нашиот секојдневен живот. Одредени намирници се сметаат за корисни за лекување кашлица бидејќи содржат есенцијални хранливи материи кои можат да го зајакнат имунитетот и да го смират грлото, а една таква намирница се бананите.
Користете го овој древен, но сè уште популарен лек за кашлица од банана – поради неговите одлични хранливи и повеќекратни лековити својства.

Лековитата моќ на бананите
Бананите се хранливо овошје кое ефикасно ни помага да ги намалиме симптомите на кашлица и го поддржува здравјето на респираторниот систем. Тие содржат природни соединенија како танин и катехински антиоксиданти, кои имаат антиинфламаторни својства и кои ги намалуваат инфекциите во респираторниот систем.

Тие се преполни со хранливи материи како витамин Ц, витамин Б6, калиум и диетални влакна кои помагаат да се зајакне имунолошкиот систем и да се ублажат симптомите на кашлица.

Лек за кашлица од банана
Кога ова омилено овошје се користи за медицински цели, бананата и медот против кашлица се комбинираат заедно, а често се додаваат и зачини како цимет и црн пипер.
Сировиот мед е разновиден по своите лековити својства, особено за респираторни заболувања и е високо ценет лек за лекување на болки во грлото и кашлица кај децата и возрасните. Има антибактериски, антивирусни, антигабични и антиинфламаторни својства кои можат да помогнат да се намали интензитетот и времетраењето на кашлицата.

Една кафена лажичка мед пред спиење ја потиснува кашлицата кај малите деца. Медот го премачкува грлото и ја смирува иритираната мукозна мембрана, ја смирува кашлицата и ги ублажува симптомите поврзани со неа. За возрасни, медот може да се додаде во чаша топол билен чај или топла вода со сок од лимон.

Цимет и мед – стар персиски лек
Дали знаевте дека циметот и медот се вековен лек против настинка и грип? Со генерации, циметот и медот се мешаат заедно за да се направи домашен лек за настинки, грип, болки во грлото, алергии и други помали заболувања.

Циметот има антиинфламаторни, антивирусни и антибактериски својства кои помагаат во борбата против настинките. Основниот рецепт што се користи во традиционалната персиска медицина, кој се користи и во ајурведската медицина, е многу едноставен.

Потребно е само мешање на цимет со мед во сооднос 1:4. За да имате готов лек, измешајте две лажици цимет со осум лажици мед, кои можете да ги чувате во тегла и да ги земате по потреба. Се препорачува да се зема по една кафена лажичка три пати на ден, 3-4 дена.

Комбинацијата на мед, банана и цимет против кашлица природно ги чисти блокираните дишни патишта. Подолу ви откриваме едноставни начини на кои можете да направите домашен лек за кашлица од банана.

Сируп за кашлица од банана
Благодарение на моќните својства вклучени во рецептот, овој сируп против кашлица од банана може да го користат и децата и возрасните за да уживаат во неговиот вкус.

Од болки во грлото, до силна кашлица и бронхитис, па дури и до дигестивни или стомачни проблеми – сето тоа може да се лекува со овој сируп. С

Сируп за кашлица од банана
Благодарение на моќните својства вклучени во рецептот, овој сируп против кашлица од банана може да го користат и децата и возрасните за да уживаат во неговиот вкус.

Од болки во грлото, до силна кашлица и бронхитис, па дури и до дигестивни или стомачни проблеми – сето тоа може да се лекува со овој сируп. С

Од болки во грлото, до силна кашлица и бронхитис, па дури и до дигестивни или стомачни проблеми – сето тоа може да се лекува со овој сируп. Се што ви треба за овој фин лек се две зрели банани, две лажици мед и врела вода.

Од болки во грлото, до силна кашлица и бронхитис, па дури и до дигестивни или стомачни проблеми – сето тоа може да се лекува со овој сируп. Се што ви треба за овој фин лек се две зрели банани, две лажици мед и врела вода.

Од болки во грлото, до силна кашлица и бронхитис, па дури и до дигестивни или стомачни проблеми – сето тоа може да се лекува со овој сируп. Сè што ви треба за овој фин лек се две зрели банани, две лажици мед и врела вода.

Овој заборавен природен лек содржи некои од најстарите и најмоќните состојки кои го смируваат грлото, бронхиите и белите дробови и многу брзо ја смирува и ja лечи кашлицата.

Состојки:
400 мл врела вода
2 средно зрели банани (кора со точки)
2 супени лажици домашен мед (од липа, хељда, жалфија, багрем, костен, лаванда)

Приготвување:
Излупете ги бананите и изгмечете ги со дрвена вилушка или лажица.
Пирето измешајте го со зовриена вода и оставете го да отстои 30 минути.
Процедете ја смесата откако ќе се излади, доколку сакате сирупот да биде бистар.
Додадете мед на крајот за да не ги уништите корисните својства на медот и мешајте додека не се растопи. Ако сакате погуст сируп, додадете повеќе мед.
Пијте 100 мл од сирупот неколку пати на ден. Ќе почувствувате олеснување во рок од пет дена.

Ајурведски лек за сува кашлица
Сирупот за кашлица од банана и мед е еден од омилените ајурведски домашни лекови за упорна сува кашлица. Лесен е за правење, безбеден за мали деца и многу вкусен.

Црниот пипер со векови се користи во традиционалната медицина за лекување на разни болести како настинка, кашлица и болки во грлото. Овој зачин содржи одредени соединенија кои делуваат како природен антибиотик. Црниот пипер и медот имаат антимикробни и антиинфламаторни својства, поради што помагаат во ублажување на симптомите на кашлица и го смируваат иритираното грло.

За да го направите овој лек, измешајте една лажичка црн пипер во прав со две лажици мед. Оваа едноставна мешавина од само две состојки можете да ја консумирате 3-4 пати на ден за да ја намалите кашлицата.

Се разбира, во традиционалниот ајурведски рецепт бананата е главната ѕвезда, особено кога лекот се подготвува за најмалите.

Состојки:
1 зрела банана
1 лажичка органски мед
2 прстофати црн пипер.

Приготвување:
Изгмечете ја бананата, додадете мед и пипер и сè убаво измешајте.
Јадете од оваа смеса 2-3 пати на ден. Одличен е и хранлив и за деца и за возрасни. Заедно со овој лек, Ајурведата советува често пиење зовриена топла вода, која помага да се одржи влажноста на ткивото на устата и грлото.

Чај од банана против кашлица

Доколку одлучите да пробате чај од банана против кашлица, овој овошен напиток можете дополнително да го збогатите со природни антиоксиданти со користење на билни чаеви по ваш избор, наместо вода.

Приготвување:
Излупете една банана и испасирајте ја во пире или исечете ја на тркалца.
Измешајте го пирето со зовриена вода или прелијте ги тркалцата од банана со топол чај кој може да биде од нане, камилица, жалфија,цимет, куркума или ѓумбир.
Покријте и оставете го да отстои 30 минути.
Процедете го чајот и секогаш послужете го топол.
По желба додадете сок од лимон и малку мед.
Пијте 2-3 шолји чај од банана додека симптомите не исчезнат.

Ако има нешто што може да ви го расипе уживањето во летната вечер на отворено, тоа се досадните комарци. Но, за да се заштитите, не мора да купувате скапи заштитни средства или да ги ловите со тепалка, туку може да се заштитите на природен начин. Најдовме неколку природни средства за заштита од комарци кои истовремено и ја негуваат вашата кожа, ја прават миризлива и ги одбиваат омразените летни предатори.

Постојат многу природни препарати и методи со кои можете да се заштитите од комарци.

Банана
Освен што се здрави и ве одржуваат сити, бананите се одлични за вашата кожа, а комарците ги мразат. Изедете ја бананата и втријте ја внатрешноста на лушпата на рацете и нозете.

Лаванда
Мирисот на лаванда е прекрасен, а комарците едноставно не го поднесуваат. Додадете неколку капки есенцијално масло од лаванда во маслиново, бадемово или бебешко масло и премачкајте го по целото тело. Маслото ќе ја направи вашата кожа мека и ќе ве заштити од летните предатори.

Лимон или лимета
Цитрусовите плодови се совршени за лето. Полни се со витамини, совршен додаток на освежителните пијалаци, но се и одлични борци против комарците, а делуваат и против убоди. Исечете парче лимон, исцедете го во пијалак или направете лимонада, а со внатрешноста намачкајте ги деловите каде што обично нанесувате парфем. Исто така, ако веќе ве искасале комарци, намачкајте се на местата кадешто ве искасале комарците и непријатното чешање ќе исчезне.

Босилек против комарци
Комарците не можат да го издржат мирисот на овој омилен зачин, а бројни студии покажуваат дека есенцијалните масла кои се наоѓаат во босилекот се токсични за ларвите на комарците.

Јаболков оцет
Јаболковиот оцет е одличен од повеќе причини – го забрзува метаболизмот, ја прави косата посјајна и го спречува чешањето на кожата по каснување од комарец. Потопете памук во оцет и нанесете го на делот од телото што ве чеша.

Чуваркуќа

Поради своите антиинфламаторни и антисептички својства, оваа билка е одличен природен лек за каснување од комарец, доволно е да ја премачкате кожата со сок од чуваркуќа или да нанесете облог од пресечено ливче.

Постојат и билки чии силни мириси ефикасно се борат против комарците и кои не се непријатни за нашиот нос.

Кората од банана не треба да заврши во ѓубре откако ќе го излупите ова хранливо овошје, бидејќи, велат експертите, всушност фрлате вкусна, хранлива ужина. Една неодамнешна студија, објавена во ACS Food Science & Technology, покажа дека ако кората од банана се бланшира, се суши и се меле во брашно, може да се користи за да се направат печива со подеднакво добар вкус, ако не и подобар, од производите на база на пченица.

Кората од банана е здрава и безбедна за јадење

Освен ако не сте посветен читател на вегански блогови за готвење или следбеник на некои од најпознатите светски готвачи кои го користат секое делче од некое овошје, веројатно никогаш не сте размислувале да подготвите храна која вклучува кора од банана. Но, кората од банана не само што е совршено безбедна за јадење, туку научниците докажаа дека е всушност добра за вашето здравје. Кога производите од нивниот експеримент биле тестирани по вкус, потрошувачите изјавиле дека се подеднакво задоволни од вкусот како и со колачињата без кора од банана и со шеќер.

Кога во бисквитот ќе се додаде кора од банана, таа добива многу повеќе материи потребни за борба против ракот

Научниците истакнуваат дека кората на бананите крие многу минерали и хранливи материи кои помагаат во борбата против ракот. Збогатени со кора од банана, на пример, колачињата направени за студијата содржеле многу повеќе влакна, магнезиум, калиум и антиоксидантни соединенија.

Од друга страна, додавањето на премногу брашно од кора од банана резултирало со тоа колачињата да бидат малку потемни по боја и поцврсти, што веројатно се случило поради премногу дополнителни влакна. Но, кога се правеле серии со брашно што содржи 7,5 проценти кора од банана, текстурата на колачињата била многу попривлечна и тие можеле да траат три месеци на собна температура.

Брашното од кора од банана го збогатува лебот со поголема содржина на протеини, јаглени хидрати и масти

Додека студијата ги разгледала само ефектите од додавањето кора од банана во печените колачиња, резултатите покажуваат дека треба да се размисли и за користење брашно од кора од банана во леб, колачи и тестенини. На пример, минатата година, една студија за колачот со кора од банана покажала дека жолтата кора на овошјето им дава природна боја на печивата, како и мноштво хранливи материи. Во меѓувреме, една студија од 2016 година покажала дека замената до 10 проценти од пченичното брашно со брашно од кора од банана може да го збогати печениот леб со поголема содржина на протеини, јаглени хидрати и масти. Некои светски познати готвачи користат кора од банана за подготовка на кари, а неодамна стана популарна идејата за подготовка на кора од банана со сланина и свинско месо.

Кората од банана има антиоксидантни и антимикробни својства

Експертите велат дека јадењето кора од банана не е само опција за здрава храна, туку и начин да се намали фрлањето храна. Како што велат, околу 40 отсто од тежината на бананата е нејзината кора, која најмногу се фрла, иако е полна со хранливи материи. Се разбира, лушпите од банана се прилично бескорисни кога се сурови. Но, ако се подготват правилно, тие всушност можат да имаат прилично добар вкус. Откриено е дека тие дури можат да го продолжат рокот на траење на некои производи бидејќи лушпите имаат антиоксидантни и антимикробни својства.
Научниците истакнуваат дека истото важи и за други овошни лушпи, како што е кората од манго, за која исто така е откриено дека ги подобрува антиоксидантните својства на колачот и го подобрува неговиот вкус. Затоа, следниот пат кога ќе излупите банана, размислете да ја зачувате кората и да ја искористите за здравје.

Обично сме навикнати да јадеме банани наутро, за ужина или во ситуации кога ќе забележиме дека ни треба шеќер. Тоа е еден од најпопуларните видови на овошје кое содржи витамин Б6, калиум, влакна и магнезиум, но и голема количина шеќер, поради што не се препорачува да се јаде премногу.

Но, бананите можат да бидат добар избор и во една по малку неочекувана ситуација и да помогнат при проблемот кој мачи голем број луѓе, а тоа е – несоницата.

Несоницата спаѓа во групата на болести на нервниот систем. Се карактеризира со тешкотии во обидот да се заспие, многу лесен сон и чести будења во текот на ноќта, како и тешкотии во обидот повторно да се заспие.

Несоницата се дели на минлива или краткотрајна, повремена и хронична, односно постојана.

Кога страдаме од несоница, често посегнуваме по разни средства со надеж дека тие ќе ни помогнат да заспиеме побрзо и да не се будиме во текот на ноќта.

Може да помогне и бананата, барем така тврди д-р Алан Мандел, алтернативен здравствен практичар, кој вели дека во случај на несоница треба да изедете банана половина час пред да си легнете.

Бананите се полни со витамин Б6, кој делува така што ја претвора аминокиселината триптофан, важна за добар сон и расположение, во серотонин, невротрансмитер кој го контролира лачењето на мелатонин во епифизата во мозокот.

Хормонот мелатонин, познат и како хормон за спиење, го контролира нашиот внатрешен часовник и поради неговото зголемено лачење навечер се чувствуваме поспани.

„Изедете банана половина час пред спиење за да спиете подлабоко и да се разбудите освежени“, советува д-р Алан Мандел.

Роботите во Јапонија во фабриките вршат едноставни задачи или им доставуваат храна на посетителите во ресторани, но научниците претставиле робот кој е способен да изврши деликатна задача, односно да излупи банана без да ја оштети внатрешноста на овошјето, пишува „Ројтерс”.

Иако роботот со две раце е успешен во само 57 проценти од слуачите, лупењето на банана укажува на иднината во која машините ќе вршат посуптилни операции од поместување на метални делови или испорака на кафе.

Видеото на научниците од универзитетот во Токио покажало како роботот ја фаќа и лупи бананата со двете раце за околу три минути.

Научниците Хичеол Ким, Јошијуки Охмура и Јасао Кунијоши “го тренирале” роботот користејќи процес на “длабоко учење на имитацијата” во која демонстрирале акција на лупење на банана стотина пати за да произведат доволно податоци за роботот да ги научи потезите и да ги реплицира. Во овој случај, успехот со бананата бил постигнат по повеќе од 13 часа тренинг.

Додека се уште е подложен на дополнителни истражувања, Кунијоши верува дека неговиот метод на тренинг на роботи може да ги научи роботите да прават различни едноставни задачи.

Се надева дека подобро обучените работи ќе ги ублажат јапонските проблеми со недостиг на работна сила.

Понекогаш не сакаме да прифатиме да пробаме некој природен лек бидејќи многу често ни се чини дека е нешто крајно невкусно. Мешавината од банана и мед, освен што ќе ви помогне при стомачни проблеми, кашлица и болки во грлото, сигурно ќе ги задоволи и вашите сетила.

Потребни состојки:

2 лажички мед
2 средни банани со црни дамки
400 мл зовриена вода

Приготвување:

Најпрво излупете ги бананите и изгмечете ги со вилушка или лажица. Добро би било да го правите тоа со дрвен прибор за јадење, бидејќи поради металниот ќе потемни. Потоа ставете ги бананите во тенџере и додадете во нив зовриена вода. Оставете ја смесата околу половина час, а кога ќе се олади додадете го медот. Важно е да го додадете на крајот, бидејќи ако го измешате со врела вода, ќе ги изгуби лековитите својства.

Примена:

Пијте 100 милилитри од овој напиток четири пати на ден. Количината на состојки од рецептот е доволна за еден ден, а наутро направете нова тура. Првите резултати ќе ги почувствувате за пет дена.

Ах, путер од кикиритки. Еден ден не е доволен затоа што за многу Американци, кои се познати како најголеми потрошувачи на овој путер, тоа е секојдневје, спарен, измешан и додаден, со многу вкусни резултати!

Жаргонски, во Втората светска војна, овој деликатес е нарекуван путер и „мајмунски путер“.

Имено, еден ден мајмун ја посетил лабораторијата во Келог и ја испуштил својата банана во тегла со путер од кикиритки и оттогаш е всушност и најпознатата и според многумина највкусна комбинација на банана со путер од кикиритки.

Путерот од кикиритки и бананите биле добра комбинација дури и за еден крал. Да, се мисли на „кралот на рокенролот“ Елвис Присли кој обожувал сендвичи со путер од кикиритки и банана.

Тогаш путерот од кикирики го доби својот пасош и го обиколи светот.

Забавни факти за путерот од кикиритки:

Потребни се околу 540 кикиритки за да се направи тегла од околу 350 мл путер од кикиритки.

Ц.Х. Самнер прв пат продавал путер од кикиритки во Соединетите Држави на Универзалната изложба во Сент Луис. Тој заработил 705,11 долари од „новото задоволство“ на неговиот штанд за концесија.

Најстариот оперативен производител и продавач на путер од кикиритки продава путер од кикиритки од 1898 година.

Американците трошат речиси 800 милиони долари годишно на путер од кикиритки.

Споделете ги вашите омилени комбинации со путер од кикиритки.