Сите знаеме дека е добро компирите да се варат со лушпа, но обично, само затоа што ни е потешко да ги излупиме кога се сварени, го правиме ова пред да ги ставиме да се варат.

Но тик-токерката Никол Жак покажа како може да се излупи компирот на многу едноставен начин за само пет секунди.
Доколку планирате да сварите поголема количина компири, не ги лупете претходно, туку само со нож засечете ги на средина, во круг и ставете ги да се варат. (Погледнете го видеото подолу).
Инаку, таа вели дека ги вари компирите околу половина час, а кога ќе ги исцеди, го фаќа секој компир од двете страни и само ја вади кората.

Вака кората ќе се лизне за неколку секунди и ќе ви заштеди многу време, но внимавајте да не се изгорите. Оставете ги претходно малку да се изладат.

Тортилјите се незаменливи во речиси секое мексиканско јадење и нивната кујна е препознатлива токму по овие лепињи. Се прави од неколку евтини состојки, а за печење се потребни само неколку минути.

Во нив можете да ставите разновидна храна, од месо, зеленчук, сирење или сос…, но можете да ги јадете и наместо леб. Се што треба да направите е да ги измешате состојките и да го замесите тестото, а потоа да ги обликувате тортилјите. Уште еден дополнителен плус е што можете да уживате во овие прекрасни лепчиња дури и за време на постот.

Состојки:

350 г брашно
1 лажичка сол
1,5 лажички прашок за пециво
3 лажици масло
190 мл топла вода

Приготвување:
Во еден сад измешајте брашно, сол, прашок за пециво и масло. Соединете, па додадете топла вода. Замесете мазно тесто. Покријте и оставете да отстои 10 минути.

Потоа поделете го на 16 еднакви делови (по 35 г) и обликувајте топчиња. Потоа расукајте ги во тенок круг и пржете ги на малку масло од двете страни. Наредете ги една врз друга и чувајте ги во чиста крпа.