Мортен Кригер Вулф е готвач на велосипед чии тркала постојано се вртат во форма на @cykelkokken, или ресторан на велосипед во Копенхаген.

Неговата велосипедска кујна ги содржи сите неопходни работи потребни за да се подготви вкусен оброк (фрижидер, шпорет, тенџериња, тави и состојки). Преку својот нов поглед на јадењето, Мортен се обидува да ги прошири радостите на едноставниот живот.

Замислете како возите велосипед низ живите улици на Копенхаген додека уживате во друштво на колегите, пријателите или на своето семејство и потоа сите заедно уживате во вкусен оброк подготвен од професионален шеф, шеф со комплетно опремена кујна на велосипед.

На приспособениот кујнски велосипед на Cykelkokken, готвачот го презема водството и ве води на возбудливи рути, до скриени скапоцености, каде што ќе можете да вкусите свежо подготвена храна на места за кои не сте ни сонувале.

За време на турата, кујната-велосипед служи како природно место за собирање на гостите.

Во меѓувреме, Cykelkokken подготвува вкусни органски јадења и добрите приказни и разговори можат да почнат.

„Нашите велосипедски тури се добро прилагодени како тури за компаниите и за нивниот тим-билдинг, но исто така нудиме и забавни тури за семејства, пријатели и за секој кој бара извонредно искуство што создава доживотни спомени.

Секоја турнеја е уникатна и приспособена за да одговара на вашите желби и барања. Затоа, скокнете на вашиот велосипед и дозволете Cykelkokken да ве однесе во авантура исполнета со искуства со кулинарска дегустација и прекрасно опкружување“, пишува на страната на Cykelkokken.

Ако патот ве однесе во Копенхаген, можете да ја закажете својата гастрономска тура на велосипед ТУКА.

View this post on Instagram

A post shared by 60 Second Docs (@60secdocs)

Славниот Рене Реџепи постигна многу и неговиот ресторан Нома неколку пати беше прогласуван за најдобар во светот, доби трета Мишелин ѕвезда и засекогаш ја промени не само ресторанската индустрија туку и дефиницијата за гастрономија. Деновиве тој најави дека Нома во оваа форма ќе постои само уште една година. Најавува огромни промени. Реџепи вели дека после идното летно мени 2023.повеќе нема да ја отвара Нома.

Реџепи на социјалните мрежи објави дека после тоа мени ќе патува низ светот со целиот тим за да готви, да учи и да бара нови инспирации. Дестинациите се уште не се одредени. Ова не е прв ваков план, кога Нома се пресели во сегашниот простор и додека чекаа на реновирање, тимот на Реџепи цело време работеше на поп-ап локации во Јапонија, Австралија, Мексико и на други места.

View this post on Instagram

A post shared by Rene Redzepi (@reneredzepinoma)

Одлуката за затворање на Номе, пишува Реџепи, созревала три години. Искуството со пандемијата веројатно ги забрза работите, но поверојатно е дека Реџепи само ја следи својата бескомпромисна филозофија на оригиналност и инвентивност, што е тешко да се имплементира на едно место и во ресторан кој наполни дваесет години. Ако Нома беше на вашата листа на работи што треба да ги направите во животот, препорачуваме да резервирате уште денес. Списоците се полнат со молскавична брзина.