Ако сте зависник од кафе, знаете дека голтка кафе најдобро оди со голтка вода.

Всушност, овој напиток има многу обожаватели, но има еден голем потенцијален недостаток. Кафето понекогаш е лошо оценето како нездраво поради една главна причина: дехидрира.

Диуретик против дехидрација

Голем дел од конфузијата произлегува од погрешното разбирање за тоа што прави кофеинот во телото, а урологот Адам Рамин објаснува дека кофеинот е благ диуретик, што значи дека ја зголемува потребата за мокрење, па во таа смисла губите повеќе вода отколку ако не сте пиеле кафе.

Според него, тоа што нешто е диуретик не значи дека автоматски ќе ве дехидрира, а ефектот во овој случај е мал. Кафето е главно вода, така што со него го заменувате она што ќе го изгубите.

Што вели науката?
Мета-анализата со која се занимавале научниците наведува како заклучок дека „кафето, кога се консумира во умерени количини, дава слични хидратантни квалитети како и водата“.

Наодот во дел од ова истражување било дека возрасните кои пиеле помеѓу три и шест шолји кафе на ден не покажале разлика во хидратацијата – како што е покажано со мерење на маркерите и во крвта и во урината – во споредба со оние кои пиеле иста количина на обична вода.

На прашањето „Дали кафето ве дехидрира?“ нутриционистката Аманда Костро Милер додава:

„Порано постоеше совет дека луѓето треба да избегнуваат да пијат кафе ако сакаат да останат добро хидрирани, но тоа е мит. Сега знаеме дека кафето може да го сметате во своите дневни цели за хидратација.

Кафето не треба да ја замени водата

Иако кафето може да биде хидратантно, тоа не значи дека треба да го пиете како единствен извор на хидратација, велат експертите за списанието Healty.

Ако пиете кафе без вода, тоа може да му наштети на вашето здравје, да ве направи нервозни, вознемирени и да ви го наруши сонот.

„Не препорачувам да го користите кафето како главен извор на хидратација, бидејќи премногу кафе може да им наштети на бубрезите“, вели д-р Рамин.

Многу луѓе не се свесни дека дехидрацијата може да биде главната причина за главоболки. Кога на телото му недостасува течноста што му е потребна, тоа може да доведе до развој на главоболка предизвикана од дехидрација.

Дехидрацијата е состојба која се јавува кога телото нема доволно течност за да функционира правилно. Тоа е предизвикано од недостаток на вода или недостаток на електролити – минерали кои му помагаат на телото да го регулира балансот на течности.

Најчести симптоми на дехидрација се жед, сува уста, темна урина, замор, вртоглавица, конфузија и главоболки. Но може да се развијат и многу посериозни симптоми, вклучувајќи грчеви во мускулите, забрзан пулс и забрзано дишење.

Како дехидрацијата може да предизвика главоболка?

Главоболките предизвикани од дехидрација се предизвикани од недостаток на течност во телото. Кога телото не добива доволно вода и електролити, мозокот почнува да ускратува вода, што може да доведе до главоболки.

Дехидрацијата може да предизвика и стеснување на крвните садови во мозокот, што пак може да доведе до главоболки.

Покрај тоа, телото се обидува да ја зачува водата кога е дехидрирана, што може да доведе до пад на крвниот притисок. Нискиот крвен притисок може да предизвика главоболки бидејќи го ограничува протокот на кислород во мозокот.

Како да ги спречите главоболките предизвикани од дехидрација?

Најдобар начин да се спречи развојот на главоболки предизвикани од дехидрација е да пиете доволно течности. Се препорачува да се пијат најмалку осум чаши вода дневно.

Треба да се пие повеќе вода и за време на напорна физичка активност или кога е премногу топло како сега.

Важно е да се внесат електролити во телото со цел да се регулира балансот на течности. Електролитите можете да ги добиете од спортски пијалаци или храна како банани, портокали и спанаќ.

Треба да се избегнува прекумерна потрошувачка на кофеин и алкохол, кои може да ја влошат дехидрацијата.