Неколку научни студии сугерираат дека замрзнатите боровинки не само што ги задржуваат своите хранливи материи, туку во некои случаи може да имаат и повеќе од свежите.

Замрзнувањето како метод за зачувување на хранливи материи

Студијата објавена во Journal of Agricultural and Food Chemistry покажала дека замрзнувањето на боровинки може дури и да ја зголеми достапноста на антиоксиданти, особено антоцијани – моќни соединенија кои помагаат во борбата против воспалението и оксидативниот стрес.

За време на замрзнувањето, ледените кристали ги разградуваат клеточните ѕидови на бобинките, што му овозможува на нашето тело полесно да ги апсорбира овие корисни материи.

Слично на тоа, истражувањето спроведено на South Dakota State University покажало дека замрзнатите боровинки содржат еднакви, а понекогаш дури и повисоки, полифеноли и флавоноиди во споредба со свежите боровинки. Овие соединенија се клучни за здравјето на срцето и може да го намалат ризикот од хронични болести како дијабетес тип 2 и Алцхајмерова болест.

Дополнително, научниците од Универзитетот во Калифорнија го анализирале нутритивниот состав на свежото и замрзнатото овошје и зеленчук, вклучително и боровинките, и откриле дека нивото на витамин Ц во замрзнатото овошје е често повисоко отколку во свежото овошје кое било чувано во фрижидер неколку дена. Тоа се објаснува со тоа што плодот се бере во моментот на целосна зрелост, кога содржи најмногу хранливи материи и брзо се замрзнува, со што се спречува разградувањето на витамините и антиоксидантите што обично се случува при складирањето на свежото овошје.

Антоцијаните како моќни антиоксиданти во замрзнатите боровинки

Боровинките се особено богати со антоцијани, моќни антиоксиданти кои се поврзани со бројни здравствени придобивки, вклучително и намалување на воспалението, подобрување на когнитивната функција и заштита на срцето. Студијата спроведена на Британскиот институт за истражување на храната (Institute of Food Research) покажала дека замрзнувањето на боровинките не ја намалува концентрацијата на антоцијани и дека нивната антиоксидантна активност останува стабилна.

Замрзнати = подостапни во текот на целата година

Друг плус за замрзнатите боровинки е нивната практичност. Додека свежите боровинки имаат краток рок на траење и брзо губат хранливи материи, замрзнатите може да се чуваат со месеци без значително губење на хранливата вредност. Покрај тоа, тие често се подостапни и поприфатливи, што ги прави одличен избор за оние кои сакаат редовно да уживаат во нивните здравствени придобивки.

Како најдобро да ги искористите боровинките?

Без разлика дали се свежи или замрзнати, боровинките се фантастичен додаток во вашата исхрана. Можете да ги додадете во смути, овесна каша, јогурт или едноставно да ги јадете за ужина. И не грижете се, доколку се замрзнати, ќе ви бидат достапни во текот на целата година, а според ова истражување, ќе бидат и поздрави.

Речиси и нема домаќинство што нема замрзнувач. Во нашето секојдневие, големите замрзнувачи значително ја намалуваат потребата семејствата да складираат намирници за зима кои се преработени на некој начин.

Сè повеќе луѓе претпочитаат да чуваат овошје и зеленчук во замрзнувач сирови или со минимална термичка обработка.

Причина за тоа е фактот што замрзнувањето во голема мера го зачувува квалитетот на вкусот и корисните својства на овошјето и зеленчукот, а овозможува конзумирање на сезонски производи во текот на целата година.
Добрата вест за љубителите на цреши и вишни е што може да се чуваат и во замрзнувач. Здравите цели плодови од ова сочно овошје се користат за замрзнување.

Плодот внимателно се мие, се цеди и се чисти од стебленца, а по желба и од семки. После тоа, префрлете ги во кесичките за замрзнување, но внимавајте да не претерате за да не се смачкаат. Лесно исцедете го воздухот и ставете ги во фиоките. Вака подготвените плодови може да се чуваат во фрижидер од 8 до 12 месеци.

Се одмрзнуваат на собна температура.