Ако сте се наостриле ова лето да изгледате подобро од било кога, сега е моментот да почнете да го реализирате вашиот план. Имајте предвид дека телото го градат навиките, па еден оброк на брза храна одвреме навреме нема да ви наштети, но исто така и по еден ден одвреме навреме кога ќе се придржувате кон здравата исхрана нема да ве доведе до целта.

Еве кон кои навики би требало да се придржувате секогаш, но и кои не би смееле да си ги дозволите. И тоа, не само за да изгледате убаво, туку, пред сѐ, за да бидете здрави.

Секогаш

Секој ваш оброк нека содржи зеленчук и протеини. Но, пржен, прелиен со кашкавал или со некој сос, или пак зеленчук од конзерва, не се сметаат. Не само што е свежиот зеленчук полн со витамини и антиоксиданси, туку влакната и водата кои ги содржи ќе ве заситат на подолг период.

Ако ви е мака од помислата на денот со зеленчук, надминете го тоа чувство. После некое време ќе се навикнете на вкусот и ќе почне да ви се допаѓа.

Покрај зеленчук, погрижете се секој ваш оброк да содржи и протеини. Исхраната богата со намирници кои се добри извори на протеини ќе ви помогне да ги контролирате нападите на глад, помага за изградба на мускулна маса, со што се засилува способноста на телото да ги согорува маснотиите.

Јадете здрави масти. Заборавете на сите диети засновани на рестрикција на мастите. Добрите масти помагаат да го снижите лошиот холестерол и да го подигнете добриот, а помагаат и за согорување на масните наслаги кои ви се наталожиле околу половината. Она што ви е потребно се полинезаситени масни киселини, а треба да ги избегнувате заситените и трансмастите. Авокадо, маслиново масло и јаткасти плодови се мудар избор.

Планирајте ги оброците однапред. Најдобар начин да усвоите здрави навики во исхраната е да ги планирате оброците на време. Одете во набавка на намирници со план односно со листа на намирниците што сакате да ги купите. Гответе дома, тоа е единствен начин да бидете сигурни што јадете. Освен тоа, нека ви стане навика при рака да имате нешто здраво за грицкање, бадеми, јаболка, или нешто слично, така нема да паднете во искушени да изедете чоколадо кога ќе ве фати напад на глад.

Бидете благи кон себе. Дури и со најдобри намери, повремено ќе ви се случи да „згрешите“. Кога тоа ќе се случи, не се казнувајте ниту со изгладнување ниту со грижа на совест. Како што рековме на почеток, еден „лош“ оброк нема да ви го упропасти вложениот труд, ниту пак еден „добар“ ќе ве извлече.

Никогаш

Немојте да пиете калории. Сокови, дури и оние свежо цедените, смути и слично се извор на голем број калории кои не ви се потребни. Овошјето и зеленчукот јадете ги наместо да ги пиете. Кафиња, освен обично црно кафе, избегнувајте.

Не скокајте оброци. Ако сакате да усвоите здрави навики, мора да се придржувате до редот.

Не јадете пржена храна. По некое пржено компирче одвреме навреме нема да ве убие, но генерално, пржената храна е крајно лош избор затоа што само една порција содржи повеќе трансмасти отколку што ви се потребни за цел живот.

Не јадете шеќер или житарки навечер или во текот на ноќта, и ова се однесува и на житарките со цело зрно. Појадокот нека ви биде најобилен и најхранлив оброк во текот на днеот, а потоа одете кон сѐ полесен и полесен како што се приближува вечерата.

Истражувањата покажале дека луѓето живеат најдолго во таканаречените сини зони – на островот Окинава во Јапонија, во провинцијата Ољастра на Сардинија, на островот Икарија во Грција, на полуостровот Никоја во Костарика и во Лома Линда во Калифорнија.

Што јадат најдолговечните луѓе во светот?

На овие места населението често достигнува 100 и повеќе години, а својата долговечност ја должат на мирниот живот, редовната физичка активност, силната поврзаност со заедницата во која живеат, а особено со храната.

Најдолговечните луѓе во светот својата исхрана ја засноваат на приближно 90 проценти растителна храна – овошје и зеленчук кои се одгледуваат органски и се консумираат сезонски.

Што има на нивните чинии секоја недела, проверете подолу.

Мешунки
Мешунките се одличен извор на протеини од растително потекло, па секоја недела се наоѓаат во чиниите на најдолговечните луѓе во светот.

Не само што овој вид на храна е богат со протеини, туку и со сложени јаглехидрати, диетални влакна, витамини и минерали кои придонесуваат за подобро варење, балансирање на шеќерот во крвта и крвниот притисок и благотворно делуваат на целиот кардиоваскуларен систем.

Што сè спаѓа во оваа категорија? Јадете различни видови грав, наут, леќа, грашок, боранија, кикиритки…

Јаткасти плодови

Конзумирањето на јаткасти плодови како бадеми, ореви, ф’стаци, индиски ореви и лешници во умерени количини е одлично за здравјето на срцето бидејќи тие содржат големи количини на незаситени масти и омега 3 масни киселини.

Покрај тоа, содржат и многу диетални влакна кои го намалуваат нивото на лошиот холестерол. Најдолговечните луѓе на светот ги јадат сирови како здрав меѓуоброк, но и како додаток на други јадења.

Домати

Доматите се вообичаена храна во чиниите во медитеранските земји – од Италија до Грција.

Станува збор за флексибилна намирница која може да се приготвува на различни начини, а богата е со антиоксиданти – пред се, со ликопен.

Истражувањата покажале дека консумирањето храна богата со ликопен ја подобрува работата на кардиоваскуларниот систем, додека антиоксидантите го неутрализираат дејството на слободните радикали и можат да спречат развој на малигни заболувања.

Слатки компири

Најдолговечните жители на Окинава сакаат да јадат слатки компири, особено виолетови слатки компири, кои се богати со хранливи материи за зајакнување на имунитетот и намалување на воспаленијата во телото.

Виолетовите слатки компири се богати со диетални влакна кои го подобруваат дигестивниот систем.

Зелен лиснат зеленчук

На чинијата на најдолговечните луѓе на светот секој ден ќе има по некој зелен лиснат зеленчук како зелена салата, блитва, спанаќ, кељ и слично.

Тој е богат со фолати, витамин Ц и К и разни минерали.

Редовното консумирање на зелен лиснат зеленчук поттикнува елиминација на штетните материи од телото, го подобрува варењето и го зајакнува имунитетот на организмот.

Овесна каша

Жителите на Лома Линда, Калифорнија се љубители на овесна каша. Овесот е богат извор на диетални влакна, витамини од групата Б и железо кои го стимулираат варењето, го намалуваат крвниот притисок и благотворно делуваат на работата на срцето. Затоа се идеален избор за појадок.

Боровинки
Кога имаат желба да јадат нешто слатко и освежително, најдолговечните луѓе во сините зони посегнуваат по овошје како боровинките.

Богати се со антиоксиданти и други антиинфламаторни хранливи материи чија редовна консумација е поврзана со намален ризик од дијабетес тип 2 и кардиоваскуларни болести.

Повеќето луѓе се обидуваат да се хранат поздраво, но ние често го правиме тоа на погрешен начин. Можеби ќе сакате да проверите дали ги правите овие вообичаени грешки.

Не внесувате доволно протеини

Ако сакате да бидете поздрави и посилни, важно е да внесувате доволно протеини. Здравата исхрана треба да содржи доволно протеини кои ќе ви помогнат да ги одржувате и обновите клетките на вашето тело.

Ако вежбате, што е важна животна навика, протеините ќе ви помогнат да закрепнете и да изградите мускули. На просечен возрасен човек му требаат најмалку 0,8 грама протеини по килограм телесна тежина дневно. Така, на лице со тежина од 75 кг би му требале околу 60 грама протеини дневно. Сепак, вашите потреби за протеини може да се зголемат ако сте многу активни.

Ако сте се одлучиле за исхрана на растителна основа и не внимавате на содржината на протеини, лесно би можеле да завршите со дефицит на овој важен макронутриент. На пример, ако хамбургерот сте го замениле со салата, тоа значи дека сте го намалиле внесот на протеини.

Зошто е важно да се внимава на внесот на протеини? Без нив, можете да се чувствувате слаби и уморни. Покрај тоа, може да бидете погладни, да имате проблеми со косата и ноктите и да бидете поподложни на некои здравствени проблеми. Ако вежбате за да изградите мускули, недостатокот на протеини може да го попречи тој напредок. Исто така, ако седите, може да изгубите мускулна маса.

Губењето мускули е здравствен проблем, особено за постарите луѓе, па затоа протеините се исклучително важни.

Еве неколку примери на извори на висококвалитетни, немасни протеини:

Пилешко месо
Мисиркино месо
Бела риба
Лосос
Јајца
Грав
Леќа
Наут
Тофу
Темпех (традиционална индонезиска храна направена од ферментирана соја)
Јаткасти плодови
Јогурт
Сирење со малку маснотии

Поставувате строги правила
Здравата исхрана обично започнува со добар план и завршува кога нема да успееме да го извршиме планот. Можеби сте пронашле разни здрави рецепти, сте купиле многу зеленчук, овошје и протеини, но заборавате дека сте човек со потреби, желби и папили за вкус.

Честопати си поставуваме невозможни цели кога се обидуваме да се храниме поздраво. Можеби сакате да бидете совршено здрава личност која е задоволна со овошје и зеленчук и никогаш не сака да пие пиво или да изеде парче чоколадна торта. Но, тоа е само ваша желба, а не реалност. Ако ограничите некои намирници, без никаква причина, ќе се откажете од планот, а потоа ќе се чувствувате виновни, ќе ги заострите правилата и повторно ќе „згрешите“. Строгите режими и каењето во екстремни случаи може да доведат до нарушувања во исхраната.

Се разбира, понекогаш сакате да јадете храна која не се смета за здрава. Ништо нема да му се случи на вашето тело ако повремено јадете колачи, чипс или пекарски производи. Вашата исхрана треба да биде здрава кога ќе ја погледнете пошироката слика. Можеби сте имале здрава каша за појадок и зеленчук и пилешко на скара за ручек, но сосема е нормално ако во меѓувреме се случи да каснете и едно ребро чоколадо. Тоа е рамнотежа! Да, храната ни дава енергија и не одржува здрави, но исто така треба да знаеме и да уживаме во неа.

Денес, во просек, трошиме повеќе калории отколку нашите предци во минатиот век, покажале истражувањата.

Bright Side известува дека иако луѓето сѐ повеќе и повеќе се свесни за тоа што јадат, не е секогаш лесно правилно да се одредат сите правила на здравата исхрана. На пример, јадењето јаболко во погрешно време всушност може да предизвика проблеми со цревата наместо да го подобри варењето. За среќа, овие правила не се тешки за следење. Еве неколку совети како да го изберете вистинското време за јадење на омилената храна за да добиете максимална корист.

Банани
Иако бананите изгледаат како добар начин да го започнете утрото, ако ги консумирате на празен стомак, тие всушност можат да го намалат нивото на енергија. Најпрво веројатно ќе почувствувате зголемување на енергијата благодарение на високата содржина на шеќер, но по неколку часа веројатно повторно ќе се чувствувате уморни и гладни. Јадењето банани, исто така, може да претставува закана за луѓето кои страдаат од синдром на нервозно дебело црево, бидејќи тие предизвикуваат дијареа.

Ако не сте подготвени да се откажете од јадење банани за појадок, комбинирајте ги со друга храна, по можност со здрави масти како што е путерот од кикиритки.

Кафе
За многу луѓе, пиењето кафе по будењето изгледа најприродно, но всушност е бескорисно. Истражувањата покажаа дека пиењето кафе пред оброк ја подобрува нашата толеранција кон кофеинот. Во првиот час по будењето, телото произведува кортизол и најважно е да не се наруши овој процес и нашите природни биолошки ритми. Затоа почекајте малку и потоа уживајте во кафето. Но, имајте на ум дека подобро е да се придржувате до препорачаната дневна доза на кофеин и да не пиете кафе навечер за да спречите несоница.

Ориз

Колку и да сакате да јадете суши или индиска храна по напорниот ден на работа, тоа можеби не е најдобрата опција. Оризот содржи многу сложени јаглехидрати за кои е потребно долго време да се сварат. Ова е добра работа бидејќи не држи полни со енергија долго време. Но, го прави оризот висококалоричен, што потенцијално може да предизвика зголемување на телесната тежина ако се јаде навечер. Ручекот е најдобро време да го вклучите оризот во вашата исхрана. Вашиот метаболизам работи брзо во овие часови и ќе му биде лесно да го свари оризот. Дополнително, ќе ви треба повеќе енергија за да имате продуктивен ден, а сложените јаглехидрати можат да ви помогнат во тоа.

Шеќер

Подобро е да се држите подалеку од преработениот шеќер ако се обидувате да се придржувате до здрава исхрана, но понекогаш е невозможно да му одолеете на искушението. Клучна грешка што ја правиме е да јадеме слатки за ужина. Ова го зголемува нивото на шеќер во крвта, предизвикувајќи скок, а потоа и нагло опаѓање што не прави да се чувствуваме уморни и нервозни. Доколку не можете да одолеете на искушението, почестете се со десерт веднаш по главниот оброк. Така, нивото на шеќер во крвта нема драстично да се зголеми.

Млеко

Многу луѓе имаат навика да го започнуваат денот со чаша млеко уште од детството, но оваа навика не делува добро кај возрасните. Млекото тешко се вари, па затоа пиењето наутро и комбинирањето со друга храна може да предизвика киселини и болки во стомакот. Вечерта е најдобро време за една чаша топло млеко, бидејќи помага да се смири телото и полесно да се заспие.

Месо
Месото е одличен извор на протеини и витамини од групата Б, но може да биде претерано оптоварување на дигестивниот систем. Затоа е подобро да избегнувате да јадете стек пред спиење. Изборот на посно месо и јадењето најмалку 3 часа пред спиење е всушност добра опција бидејќи обезбедува ситост и не содржи прекумерна количина на калории што може да предизвика зголемување на телесната тежина. Можете да јадете месо во текот на денот за да внесете доволно протеини, но бидете внимателни со тоа што јадете наутро бидејќи тежок оброк како овој може да биде тешко сварлив за вашето тело.

Јаткасти плодови

Јаткастите плодови се одличен извор на здрави масти и калории, но уживањето во нив како доцна ужина не е најдобрата опција. Всушност, здраво е да ги јадете, но ако јадете премногу од нив, можеби нема да можете да заспиете толку лесно. Изберете јаткасти плодови за појадок или ужина за да ги добиете сите придобивки: здравје на срцето, нормализирање на нивото на холестерол, губење на тежината и зајакнување на кожата и косата.

Сирење со висок процент на масти
Топол сендвич со сирење пред спиење може да биде многу примамлив, но подобро е да се држите настрана од такви производи. Сирењето со висока содржина на масти може да биде тешко сварливо, што значи дека може да предизвика непријатност и да го наруши сонот ако се јаде навечер, пред спиење. Од друга страна, јадењето сирење за појадок го обезбедува телото со многу потребниот калциум кој го поттикнува растот на мускулите и здравјето на коските.

Агруми
Започнувањето на денот со свежо исцедена чаша сок од лимон можеби изгледа здраво, но не е. Цитрусите се многу кисели, па со или после главниот оброк го зголемуваат формирањето на киселини кои можат да предизвикаат непријатни дигестивни проблеми, како што се кислеини, чувство на тежина во желудникот и да ја забават апсорпцијата на хранливите материи. Почекајте малку по оброкот за да уживате во овошен сок.

Грав

Гравот е богат со влакна, па неговото конзумирање навечер може да предизвика надуеност и да го намали квалитетот на сонот кај некои луѓе. Подобро да бидете внимателни со оваа храна. Гравот е совршена храна за ручек или рано навечер: на овој начин ќе се сварат сите корисни состојки, но помала е веројатноста да се чувствувате подуени и преполни.

Јаболка
Јаболката се поврзани со голем број на придобивки кои помагаат долгорочно за здравјето. Јаболката се богати со влакна и содржат природни киселини кои го подобруваат варењето и функцијата на дебелото црево. Но, ако јадете јаболка навечер, киселините од нив може да се акумулираат во стомакот и да предизвикаат непријатност. Јадењето јаболко навечер исто така може да доведе до создавање гасови и проблеми со варењето. Ова се случува затоа што варењето се забавува во текот на ноќта и потребно е многу подолго да се вари која било храна. Најдобро време за јадење јаболка е наутро. На овој начин можете да ги стимулирате цревата по долгиот сон. Посебно ќе биде корисно ако сте вечерале доцна или сте јаделе премногу брза храна.

Јогурт
Подобро е да избегнувате да консумирате јогурт на празен стомак или пред кој било оброк. Јогуртот содржи млечна киселина која може да ја намали киселоста на желудникот и да го забави варењето додека го јадете главниот оброк. Консумирајте јогурт 1 до 2 часа по главниот оброк за да ги постигнете сите придобивки од млечната киселина за варење. Земањето мала порција јогурт пред спиење изгледа како добра опција бидејќи ќе му даде на вашето тело протеини и ќе придонесе за развој на мускулите.

Ненадејните и строги промени не се адекватна одлука и избор, доколку одлучите да ја промените досегашната исхрана. Ваквата избрзана одлука може да изврши притисок врз вашето тело и да создаде посериозни проблеми кои може негативно да влијаат на вашето целокупно здравје.

Меѓутоа, со постепено подобрување на вашите навики во исхраната – комбинирање, замена, елиминирање и додавање на одредени видови храна во вашите оброци, може да се создаде единствена рамнотежа која, со текот на времето, совршено ќе се прилагоди на вашето тело и потреби.

Подолу споделуваме 3 совети кои веруваме дека ќе ги подобрат вашите навики во исхраната и ќе ви овозможат вкусни и поздрави оброци во кои ќе уживате.

1 Природен извор на шеќер – здрави слатки кои ќе ги задоволат сите гурмани

Прекумерното консумирање шеќер лошо влијае на здравјето и го зголемува ризикот од болести како што се дијабетес, срцеви заболувања и дебелина. Десертите кои содржат мала количина шеќер, како и слатките без шеќер, можат да бидат многу вкусни и позитивно да влијаат на здравјето со намалување на ризикот од болести.

Главната препорака е да ја збогатите вашата исхрана со најсвежа можна храна која содржи природен шеќер. Дополнете ги вашите десерти со темно чоколадо, мешавина од свежо овошје, јаткасти плодови – користете домашен мед кој содржи витамини, минерали и помалку шеќер од рафинираниот шеќер.

Сепак и медот треба да се користи умерено бидејќи содржи и одредени количини шеќер и калории. Запознајте ги сите здрави алтернативи на шеќерот и донесете одлука која најмногу ви одговара како замена.

Јаткасти плодови и свежо овошје

Се препорачува да се користат домашни, природни намази и путери од јаткасти плодови, а со нив можете да ги замените слатките намази како нутела или еурокрем. Избегнувајте вештачки засладени овошни јогурти – земете обичен јогурт и додадете парчиња банана или некои бобинки, со малку мелени лешници. Ова може да биде одлична идеја за здрав утрински оброк.

Познато е дека многу луѓе сакаат да ги збогатат јагодите и ренданите јаболка со шеќер. Наместо тоа, обидете се да консумирате свежо овошје без додавање на млечно чоколадо, шлаг и шеќер – подобар избор би било да стопите црно чоколадо и да ги прелиете јагодите.

2 Направете едноставни, но здрави и вкусни оброци

Многу луѓе претпочитаат појадок, ручек или вечера надвор од домот бидејќи мислат дека здравите и вкусни оброци се комплициран процес кој бара премногу време и внимание. Одржувањето здрави навики и подобрувањето на квалитетот на вашата дневна исхрана не мора да значи дека мора да правите комплицирани оброци.

Напротив, можете да направите вкусни и здрави јадења дома, а тие да бидат многу едноставни и лесни за подготовка. Не мора да бидете перфекционист и да ја следите секоја запирка во рецептот. Вашите оброци не мора да бидат премногу скапи и комплицирани, важно е да се придржувате до нововоспоставената рутина за да одржувате здрави навики.

Не вршете притисок врз себе да ја пронајдете идеалната исхрана – истражувајте и експериментирајте со храната во слободното време, давајќи си на тој начин можност навистина да го пронајдете она што најмногу му одговара на вашето тело.

Идеи за секојдневни оброци
Оброците може да се збогатат со витамини од сладок компир во комбинација со пилешко на скара и зелена салата како прилог. Одлучете се за полесни опции, како супа или чорба дополнети со парчиња зеленчук кои можете да ги ставите во фрижидер и да ги користите како предјадење во текот на неделата.

Јадењата збогатени со грав и леќа содржат многу протеини и влакна кои придонесуваат за чувството на ситост. Конзервираната туна е извор на здрави омега 3 масни киселини кои можете да ги комбинирате со тестенини, компири, салата или брускети.

3 Направете план за исхрана и водете дневник

Една од главните грижи на многумина – како да се организира и рамномерно да се распредели времето за набавка на намирници и подготовка на здрави оброци?

Се препорачува во кујната да имате лист хартија кој со магнет ќе го закачите за фрижидерот. На овој начин ќе имате идеја за количината на потрошена и преостаната храна.

Стратегија и добра организација
Правењето план за исхрана може многу да придонесе за подобра организација, а со текот на времето може да ве доведе до посакуваната цел – одржување на здрави навики во исхраната. Започнете со основна стратегија, направете листа на намирници што треба да ги набавите за тековната недела – ќе ви заштеди време доколку веќе имате напишан план за оброци, за чие купување треба да одвоите малку време еднаш или двапати неделно.

Дневникот може да ви олесни да ја следите вашата листа на намирници која ви помага да го подобрите вашиот дигестивен систем, како и целокупната рамнотежа во вашето тело. Помага и да го видите и промените составот на оброците во секојдневната исхрана и да си запишете некои брзи, едноставни и здрави солени или слатки закуски – со текот на времето ќе влезете во рутина која ќе биде неизбежен дел од вашата организација и ќе ви го олесни процесот на планирање оброци.

Се надеваме дека овој текст ви помогна и ви овозможи еден вид мотивација која ќе ве насочи кон посакуваната цел. Сепак, совршена исхрана не постои, туку она што постои е нашата волја и желба преку неа да го подобриме квалитетот на животот.

Без здрава исхрана нема здрав живот. Доколку планирате да свртите нов лист кога станува збор за храната што ја консумирате, наша препорака е да ги надополните вашите залихи со следните пет намирници.

Мешункаст зеленчук
Гравот, леќата, боранијата, грашокот и другите мешунки се многу богати со хранливи материи, а исто така се многу благодарни за готвење. Од нив, на пример, можете да направите супа, прилог за месо или салата.

Јаткасти плодови и семиња
Јаткастите плодови и семките се полни со витамини, здрави масти, протеини и растителни влакна. Може да се јадат сирови или печени, а од нив може да се направи и намаз. Со нив секогаш можете да ја збогатите вашата салата, мусли и смути, а одлични се и како ужина.

Замрзнато овошје и зеленчук
Иако секогаш претпочитаме свежо овошје и зеленчук пред замрзнатото, не е паметно да се прават залихи од овие намирници, бидејќи тие многу брзо скапуваат. Доколку ги измиете и излупите и ги ставите во замрзнувач во соодветно пакување, ќе ви бидат при рака во секое време од денот или годината.

Здрави масти
Не сите масти се подеднакво (не) здрави. Маслиновото, кокосовото и маслото од коноп содржат здрави масти, поради што е пожелно да ја збогатите исхраната со нив. Прелијте ја салатата со овие масла или користете ги при подготовка на други оброци, само внимавајте да не претерате со пржењето на масло, бидејќи овој процес ја намалува количината на хранливи материи во храната.

Ферментирана храна
Овој вид на храна вклучува, меѓу другото, кисела зелка, кисели краставички, комбуха и јадења од квасец. Нема да згрешите ако редовно консумирате некоја од нив, а особено ќе им направите услуга на органите за варење. Многу ферментирана храна имаат и многу долг рок на траење, што ги прави идеални за складирање во оставата, чајната кујна.

Одамна знаеме дека храната има значително влијание врз нашето здравје. Новото истражување сега успеало да докаже која исхрана е најздрава – и дека со неа можеме да си го продолжиме животот за повеќе од десет години!

Можеме да живееме и до 13 години подолго ако се храниме правилно. Она што на почетокот звучи речиси утопично е резултат на големо истражување од Норвешка. Колку побрзо ја направиме нашата исхрана поздрава, толку подолго ќе живееме – логично. Меѓутоа, истражувачкиот тим исто така открил дека вреди да се вложи во менувањето на навиките во исхраната и подоцна во животот и дека тоа може да го продолжи животот за неколку години.

Според истражувањата: Растителната исхрана го продолжува животниот век

Научниците кои работеле со Ларс Фаднес ги проценувале постоечките податоци и мета-анализи од 204 земји за истражувачки цели. Така, тие успеале да создадат модел за да покажат до кој степен урамнотежената исхрана влијае на нашиот животен век.

Резултатот од истражувањето: луѓето кои се хранат со растителна исхрана во просек живеат најдолго. Јадат многу зеленчук како грав, спанаќ и грашок, како и цели зрна и јаткасти плодови. Ова е во спротивност со „модерната“ исхрана што ја следат денес многу луѓе, особено во западниот свет: исхрана богата со шеќер, високо преработена храна и големи количини црвено месо – што, меѓу другото, може да влијае и на здравјето на срцето.

Подоцнежната промена во исхраната може да додаде години во вашиот живот

Не е изненадувачки што здравата исхрана на млада возраст носи најдобри резултати во однос на очекуваниот животен век: според истражувањата, една млада жена која почнува да јаде претежно растителна и здрава исхрана на возраст од 20 години може да живее десет години – дури и подолго! Мажите кои ги воспоставуваат овие навики во исхраната на иста возраст, наводно, може да го продолжат својот живот за 13 години.

Но, зарем не се исплати повеќе да се прилагоди вашата исхрана и подоцна во животот? Според истражувањето, 60-годишна жена која денес ја менува исхраната може да живее уште осум години повеќе. 60-годишен маж може да го продолжи својот животен век за дури девет години. Но, дури и на 80-годишна возраст, вреди да се ревидира вашата исхрана: исхраната базирана на растителна храна може да ви додаде околу три и пол години.

Се разбира, исхраната не е единствениот фактор што влијае на нашиот животен век. Ова вклучува неколку други фактори на кои можеме да влијаеме, како што се доволно вежбање и спиење и што е можно помалку стрес. Многу генетски фактори исто така играат улога, но ние не можеме да влијаеме на тоа. Сепак, резултатите од скандинавските истражувања јасно покажуваат како правилната исхрана може да има позитивно влијание врз нашето здравје и на крајот на животниот век. И нè потсетуваат дека и во старост не е доцна да обрнеме повеќе внимание на она што завршува на нашата чинија.