Нашата пријателка Јасмина Котевска, по професија е магистер по историја на уметност, чија моментална вокација, покрај професијата, е одгледувањето на овци. Но, таа е и нешто друго – прекрасна личност и прекрасна ќерка, целосно посветена на семејството.

Во 2014. година поради семеен здравствен проблем, се одлучила перманентно да остане во своето родно село и оттогаш се занимава со фармерството, се грижи за нејзината мајка, му помага на татко ѝ и преку нејзиното здружение за промоција на култура, уметност, материјален и духовен развој Центар за креативни индустрии – НЕБО, организира бројни културни настани.

Е каква врска има сега сето тоа со копривата и пестото?

Епа има. Јасмина која изминатиов период престојуваше во Скопје, освен што кога доаѓа тука, не пие скопска вода, туку си носи демирхисарска, од чист извор во нејзиното родно место, таа зема со себе сѐ што може да понесе оттаму, па меѓудругото, овојпат донесе и голема количина коприва.

Токму дел од таа коприва која Јасмина обично ја замрзнува за да може да трае подолго, заврши во кујната на Арт кујна, како песто.

Пестото од коприва е идеален начин да се искористи ова исклучително здраво растение, бидејќи го користите растението сирово, а со тоа ги внесувате сите корисни хранливи материи што ги содржи.

Копривата е богата со хлорофил, протеини, витамини Ц, А, Б2, Б5, К, како и минерали (фосфор, железо, магнезиум, бакар, калиум, силициум).

Можете да го намачкате овој намаз на леб, да го јадете со крекери или да го додадете во тестенини и салати.

Еве го рецептот за пестото од коприва, а ако сакате да видите зошто е оваа коприва толку посебна, под рецептот е видеото направено од визуелниот уметник Стефан Шашков, кое го отсликува секојдневјето на нашата драга Јасмина, во демирхисарското село Суводол.

Ќе ве воодушеват овие рурални универзуми неизвалкани од цивилизациските нуспродукти: ливадите од кои е набрана копривата, воздухот, животните и луѓето, сето тоа се состојки на една инспиративна слика за природните убавини на ова демирхисарско село и ќе ви стане јасно зошто кога доаѓа во Скопје, Јасмина си носи со себе дури и вода.

Состојки:
1 млад лук
1/2 чаша смелени семки од сончоглед, ким, индиски оревчиња и малку кориандер
3-4 лажици маслиново масло
4 чаши коприва (претходно само ја преливме на 2-3 минути со врела вода и ја исцедивме)
2 лажици сок од лимон
1/3 лажичка сол

Приготвување:
Ставете ги сите состојки во блендер и мелете ги на голема брзина. Пробајте и доколку е потребно додадете повеќе масло или малку вода, сол или бибер. Ставете го готовото песто во тегла. Можете да го чувате во фрижидер до 2 недели или можете да го замрзнете.

Секоја прошетка во природа со себе носи различни изненадувања, а многумина од нас доживеале едно од нив – случаен контакт со растение кое предизвикува непријатно чувство на печење и пецкање на кожата. Иако повеќето луѓе инстинктивно се повлекуваат по таква средба, ако повторно погледнат подобро, ќе сфатат дека билката всушност била коприва – вистински природен скапоцен камен. Иако многу луѓе избегнуваат контакт со неа поради непријатниот допир, копривата крие исклучителни лековити својства кои се користат со векови.

На прв поглед, таа може да предизвика непријатност, особено кај децата, но зад нејзината „пецкава“ надворешност се крие вистинско природно богатство.

Влакненцата на копривата, познати и како трихоми, ослободуваат хемикалии како што се хистамин и серотонин кога ќе дојдат во контакт со кожата, предизвикувајќи печење, болка, црвенило или пецкање.

Трихоми

Копривата (лат. Urtica dioica) се користи за медицински цели уште од времето на древна Грција. Најчесто се користат листовите и коренот. Листовите и стеблата на копривата имаат тенки влакна, познати и како трихоми, кои кога се во контакт со кожата ослободуваат хемикалии како хистамин и серотонин, предизвикувајќи горење, болка, црвенило или пецкање. Но, освен непријатната реакција, поважни се лековитите својства. Најчесто се користат лисјата и корените на ова растение. Хранливи својства на копривата

Листовите од коприва се добар извор на калциум и други минерали кои можат да помогнат да се намали ризикот од бубрежни заболувања, остеопороза и други сериозни состојби.

Богата е и со многу витамини, како што е витаминот Ц, кој е моќна помош за имунолошкиот систем, а содржи и витамин А, кој е неопходен за здравјето на очите, пишува WebMD.

Копривата е исто така добар извор на:

Линоленски киселини

Кверцетин

Железо

Магнезиум

Калиум

Здравствени придобивки од копривата

Настрана од почетната непријатност при пецкање, копривата се користи за лекување на бројни здравствени проблеми.

Болка во зглобовите и артритис

Кај луѓето со остеоартритис, копривата може да помогне во ублажување на болката, било со орален внес или директно нанесување на болната област. Може да ја намали потребата за нестероидни антиинфламаторни лекови (НСАИЛ), кои можат да предизвикаат несакани ефекти со долготрајна употреба. Некои истражувања, исто така, укажуваат на придобивки за автоимуните болести како што е ревматоидниот артритис.

Сезонски алергии (поленска грозница)

Благодарение на нејзините антиинфламаторни својства, копривата може да помогне при симптоми на алергија како што се кивање, затнат нос и чешање. Иако содржи хистамин, тој се користи, според студијата, за регулирање на имунолошкиот одговор и за ублажување на алергиските реакции. Младите листови мора да се берат, секако пред цветање и подалеку од патиштата.

Крвен притисок

Истражувањата покажуваат дека копривата може да го стимулира проширувањето на крвните садови и на тој начин да помогне во намалувањето на крвниот притисок. Може дури и да делува слично на лековите познати како блокатори на калциумови канали, меѓутоа, потребни се дополнителни студии. Но, едно е сигурно: таа е природен диуретик и му помага на телото да ги елиминира вишокот течности и сол, што помага да се намали крвниот притисок.

Кожни болести и егзема

Копривата може да помогне и при проблеми со кожата, како егзема. Комбинација од орална администрација и крем со коприва може да го ублажи црвенилото и чешањето благодарение на нејзиниот антихистамински ефект.

За подготовка на чај може да се користат суви листови или свежи, млади листови од коприва.

Како да се користи коприва

Начинот на примена зависи од здравствениот проблем.

Чај од коприва: сувите листови од коприва може да се користат за да се направи здрав билен чај. Доколку користите свежо набрани млади листови, доволно е да ги прелиете со врела вода и да ги оставите пет минути. Како превентивна мерка секој ден може да се пие шолја чај од коприва. Варена коприва: Варените листови можете да ги подготвите како замена за спанаќ, додавајќи ги во супи, чорби или смути. Важно е да се користат младите листови од ова растение.

Капсули: Достапни се како додатоци во исхраната, но дозата најдобро се одредува по консултација со лекар.

При берење коприви користете дебели ракавици и напролет берете ги помладите листови. Идеално време е сега, во април, бидејќи листовите во тој период се најсвежи и највкусни.

Младите коприви се собираат во овој период од годината (април) и често се користат во рецептите слично како спанаќот и зелјето. Копривата е и најпознатиот народен лек за лекување на анемија, се верува дека може да им помогне и на пациентите кои страдаат од зголемена простата, уринарни инфекции, артритис, гихт. И покрај сите предности, копривата е растение кое некои луѓе треба да го избегнуваат.

Копривата е диуретик, терапија за болки во зглобовите
Копривата (Urtica Dioica) е диво растение богато со железо, калциум, магнезиум, витамини Ц, К. Листовите, корените и семките на копривата имаат лековити својства. Во средновековна Европа, копривата се користела како диуретик и терапија за болни зглобови.

Ситните влакненца на листовите и стеблата на копривата содржат иритирачки хемикалии кои се ослободуваат кога ќе дојдат во контакт со кожата, поради што чувствуваме непријатно чувство на печење. Од друга страна, се верува дека кога е во контакт со болен дел од телото, копривата го попречува начинот на кој телото ги пренесува сигналите за болка и на тој начин го намалува чувството на болка.

Примена на копривата
Копривата се користи стотици години за лекување на болки во мускулите и зглобовите, егзема, артритис, гихт и анемија. Сѐ повеќе се користи како помошен лек при уринарни проблеми предизвикани од бенигна хиперплазија на простатата и инфекции на уринарниот тракт. Се верува дека копривата може да ги смири симптомите на алергискиот ринитис. Во форма на облози или креми, се користи за лекување на болки во зглобовите, исчашувања, истегнувања, тендонитис и каснувања од инсекти.

Копривата е растение од кое се подготвуваат варива, а може да се користи како чај кој се приготвува од семките, листовите и корењата од коприва. Тоа е едно од растенијата што има најразновидна употреба.

Бенигна хиперплазија на простата
Експертите од клиниката Маунт Синај наведуваат дека коренот од коприва во Европа се користи за лекување на бенигно зголемување на простатата. Студиите на хумана популација покажуваат дека копривата, во комбинација со други билки (особено со палмета), може да биде ефикасно средство за ублажување на симптомите на бенигно зголемување на простатата.

Некои студии дури тврдат дека копривата е споредлива со финастеридот, лек кој најчесто се препишува за бенигно зголемување на простатата, но за разлика од финастеридот, копривата не влијае на големината на простатата такашто ја намалува. Не е сосема јасно како копривата влијае на симптомите на зголемување на простатата, се претпоставува дека содржи супстанции кои делуваат на хормоните тестостерон и естроген.

Копривата како народен лек за артритис
Листовите и стеблата на копривата се народен лек за ублажување на симптомите на артритис и болки во мускулите. Нема многу студии на оваа тема, но оние што постојат нагласуваат дека листот од коприва може да ги ублажи болките во зглобовите. Листот се нанесува локално на болното место. Исто така, постојат претпоставки дека за истовремена употреба на орални екстракти од коприва со нестероидни антиинфламаторни лекови потребни се помали дози од лекот.

Поленска грозница
Прелиминарната студија на луѓе сугерира дека капсулите од коприва ги смируваат симптомите на кивање и чешање од поленската грозница. Во друга студија, 57 проценти од пациентите рекле дека копривата е ефикасна за ублажување на симптомите на алергија, а 48 проценти веруваат дека копривата е поефикасна од лековите за алергија. Се верува дека копривата може да ја намали количината на хистамин што телото го произведува како одговор на алергенот. Сепак, потребни се повеќе студии за да се потврдат антихистаминските својства на копривата.

Прелиминарните студии на животни покажуваат дека копривата може да го намали и шеќерот во крвта и крвниот притисок. Експертите од клиниката Mount Sinai нагласуваат дека се потребни повеќе истражувања за да се потврди ваквото влијание на копривата врз луѓето.

Се бере на чисти подрачја
Копривата се користи како сушен лист, лиофилизиран лист, во форма на екстракт, капсула, таблета и како тинктура од корен (растителен раствор во алкохол), како сок или чај. Достапен е и во форма на масти или креми, кои се нанесуваат на кожата.

Покрај железото, по кое е најпозната, содржи и фосфор, манган, магнезиум, калиум, калциум и азот. Совет е да се бере на чисти места, да се измие со зовриена вода, да се исцеди и да се исечка.

Несакани реакции
Иако е достапна во многу комбинирани формули за третман на настинки, астма и алергии кај деца, сè уште не е утврдена специфична безбедна и ефикасна доза за педијатриската популација. Затоа се советува претпазливост доколку се дава на деца, најдобро е за сѐ да се консултираме со педијатар. И покрај добрите својства, употребата на коприва, како и други растенија, може да биде придружена со несакани реакции.

Копривата може да стапи во интеракција со други билки, суплементи или лекови. Затоа, лековитите билки треба да се земаат внимателно и под надзор на лекар.

Копривата е генерално безбедна кога се користи според упатствата. Благи стомачни проблеми, потење, дијареа, осип при локална употреба се најчестите несакани ефекти. Допирањето на копривата може да предизвика алергиска реакција кај некои луѓе. Копривата никогаш не се нанесува на отворена рана. Зголемувањето на простатата не го лекувајте сами со коприва, бенигната хиперплазија на простата е состојба која мора правилно да се дијагностицира, за да се елиминираат сомнежите за можни малигни промени.

Кој треба да ги избегнува копривите?
Копривата може да влијае на способноста на крвта да се згрутчува и да го попречува дејството на лековите за разредување на крвта како што се варфарин, клопидогрел, аспирин.

Може дополнително да го намали крвниот притисок, па затоа не се препорачува за пациенти кои веќе земаат лекови за намалување на крвниот притисок, како што се АКЕ инхибитори, бета-блокатори, блокатори на калциумови канали.
Копривата може да делува како диуретик, па затоа не се препорачува за пациенти кои пијат диуретици, бидејќи може да го зголеми дејството на овие лекови и да го зголеми ризикот од дехидрација.

Пациентите кои се лекуваат од дијабетес треба да избегнуваат и препарати од коприва и коприва, бидејќи ова растение може да го намали нивото на шеќер во крвта, да го зголеми ефектот на лековите и да го изложи пациентот на ризик од хипогликемија.

Копривата исто така не се препорачува за луѓе на терапија со литиум, која се користи во лекување и превенција на манични епизоди кај биполарно растројство и некои други психијатриски состојби. Оваа билка исто така не треба да ја користат пациенти кои земаат нестероидни антиинфламаторни лекови (НСАИЛ).
Во стручно истражување, забележано е засилено дејство на НСАИЛ после оброк направен од динстани коприви кај пациенти со акутен артритис. Се препорачува сите пациенти, особено ако имаат придружни болести, да се консултираат со својот лекар за деталите.

Понекогаш, во потрагата по решение за нашите здравствени проблеми, забораваме дека природата веќе ни дала се што ни е потребно за здравје и дека природните и бесплатни лекови ни се на дофат. Иако сите сме слушнале малку за лековитите својства на копривата, не знам колкумина од нас се свесни колку всушност е лековита. Статијата е преведена од англиски, а името на докторот за жал не е познато. Копривата е едно од најкорисните лековити растенија. Кога луѓето ќе сфатат колку е лековито ова растение, ќе засадат само коприви. Сите делови на копривата – стеблото, листовите, коренот и цветот имаат лековити својства. Во древните времиња копривата била многу ценета. На сликата на Албрехт Дирер (1471 – 1528) можеме да видиме ангел со коприва во рацете. Шведскиот научник Аби Кунзл тврди дека копривите одамна би исчезнале од лицето на земјата доколку немале боцки.. Животните и инсектите одамна би ги изеле.Користете ги младите врвови од коприва, особено во пролет. Ќе бидете изненадени од резултатот!

Бројни придобивки од копривата
Еднаш ја советував мајката на седум деца, која од последното раѓање страда од главоболки и егзема, да пие чај од коприва. За кратко време се ослободила од егземите и главоболките. Бидејќи секоја егзема има причина во телото, таа треба да се лекува со земање билки кои ја чистат крвта. А копривата е најдобро растение за чистење и подобрување на крвта. Позитивно делува на панкреасот и помага во намалување на шеќерот во крвта. Лечи и воспаленија на уринарниот тракт и ги стимулира цревата. Затоа се препорачува како дел од пролетното чистење на телото.

Во хербалната медицина, чајот од коприва се користи за болести на црниот дроб и жолчката, нарушувања на спиењето, тумори на слезината, стомачни грчеви, чиреви, заболувања на белите дробови итн.

Чајот се пие 4 недели. За превенција, можете да пиете по 1 шолја чај од коприва секој ден во текот на годината. Чајот од коприва е корисен и за вирусни и бактериски инфекции.

Недостаток на железо
Ако имате недостаток на железо и се чувствувате уморни и бескорисни, копривата е она што ви треба. Содржи многу железо и успешно се користи при анемија. По некое време повторно ќе се чувствувате полни со енергија и здравје.

Чајот од коприва е и диуретик. Тој е ефикасен за крвта и затоа е ефикасен кај многу крвни заболувања. Во комбинација со други билки, копривата може да се користи за лекување на леукемија. Луѓето кои страдаат од алергии, вклучително и поленска треска, исто така треба да пијат чај од коприва.

Копривата ја намалува подложноста на настинки и помага при ревматизам и гихт.

Зајакнување и раст на косата
Тинктурата од коприва е многу корисна за здравјето на косата. Лесно се прави од корен од коприва кој можете да го ископате во пролет или есен.

Копривата е многу корисна за васкуларни заболувања, како што е, на пример, Биргеровата болест. Многу луѓе би можеле да избегнат ампутација на ногата доколку навреме почнат со капење со коприва. Секој грч, каде и да се појави, укажува на слаба циркулација. Со вакви симптоми се препорачува купка со коприва. Бањата се препорачува и за коронарна срцева болест. Легнете во када и натопете го пределот на срцето со топол чај од коприва. Додека го правите ова, нежно масирајте го пределот на срцето.

Секако, доколку страдате од сериозен проблем, 1 шолја чај дневно нема да ви помогне. Доколку имате посериозна болест, во текот на денот треба да пиете 1-2 литри чај од коприва.
Можете да купите сушена коприва или можете да соберете свежи млади коприви во пролет. Колку е помлада и посвежа, толку посилни ќе бидат нејзините лековити својства. Направете нешто позитивно за вашето здравје!

Многу земјоделци денес, наместо да ги искористат придобивките од копривата, вклучително и еко-култивирање на други растенија со нејзина помош, ја прскаат копривата со хербициди за да се ослободат од неа и да ја уништат. Тие не мислат дека на тој начин се убиваат многу птици и инсекти кои јадат коприви.
*

Пролетта е време кога многумина ги мачат алергиите на полен. Но, како што природата сè одлично уредила, така и тоа што пролетта е време и кога се берат младите коприви.

Дали знаевте дека ова растение кое, за жал, често се кине како обичен плевел, може да ве спаси од алергија на полен?

Бидејќи има силно антиинфламаторно дејство и е моќен природен антихистаминик, моментално ги ублажува сите непријатни симптоми на алергии, како што се: кивање, шмркање, синузитис, течење на носот, чешање на очите, оток.
Освен тоа, копривата е одличен природен лек за детоксикација на организмот, а може да помогне и при анемија, едем, акни и дијабетес.

Нејзините придобивки се навистина фантастични.

Копривата, меѓу другото, содржи витамини А, Б1, Б2, Б8, К, Ц и Е, многу антиоксиданти, каротеноиди, хлорофил, флавоноиди и танини.

Богата е и со минерали како што се калциум, магнезиум, манган, железо, цинк, бакар и хром.

Јадете ја варена и сигурно ќе го зајакнете имунитетот и ќе го снабдите организмот со се што му е потребно за борба против алергиите.

Вистинско искуство

Фредерик, десетгодишниот син на Американката Аманда Роуз, страдал од силна алергија на полен и пробал многу природни лекови – од локален мед, до чај од бозел, до масло од лаванда и еукалиптус.

Иако сето тоа му ги олеснило тегобите, сепак морал да пие лекови.

Сè се променило откако ги откриле копривите, кои момчето ги земало во форма на инфузии (посилен чај) или супи неколку пати неделно.

Резултатите биле веднаш видливи. Многу брзо по консумирањето на копривата, момчето чувствувало големо олеснување од сите симптоми на алергија.

Копривата се покажала како најдобар сојузник за доброто здравје на ова момче.

Супа од коприва – одлично (и вкусно) решение за алергии

Во случајот со момчето и неговата алергија на полен, богатата супа од коприва се покажала како особено лековита.

За супа, наберете млади коприви, кои не процветале, а тоа задолжително правете го во ракавици.

Но, ако немате свежи коприви, можете да користите и суви.

Навистина не треба да се плашите дека варените коприви ќе ве пецкаат во грлото – оваа вкусна супа има речиси свиленкаста текстура, а и на децата ќе им се допадне.

Состојки за супа:

900 мл супа од зеленчук
1 голем црвен кромид, ситно сецкан
3 чешниња лук, ситно сецкани
2 лажици масло по ваш избор (на пример, маслиново)
4 чаши листови од коприва, измиени
малку хималајска сол и бибер

За погуста супа (опционално):

¾ чаши кисела павлака
2 лажици гриз

Приготвување:

1. Загрејте ја супата во поголемо тенџере. Во меѓувреме во тавче со малку масло издинстајте ги кромидот и лукот.
2. Кога супата ќе почне да врие додадете го пржениот кромид и лук и листовите од коприва кои претходно добро сте ги измиле.
3. Нежно промешајте ја супата околу 2 минути, а потоа исклучете ја. Оставете ја супата да отстои малку пред да ја послужите. Додадете малку сол и бибер.
4. Ако сакате малку погуста супа, измешајте со гризот и малку изматете со жица за да се распаднат сите грутчиња. Потоа оставете да проврие и да се згусне.

Совет: Чорбата од коприва, можете и да ја замрзнете.

Инфузија од коприва – малку поинтензивен суперздрав чај

Инфузијата е всушност малку поинтензивен чај. За да го подготвите, истурете литар вода во тенџерето и додадете 3-4 чаши собрана коприва (може да користите и листови и дршки).

Оставете да зоврие, а потоа исклучете ја топлината, поклопете и оставете да отстои преку ноќ или 24 часа. Процедете го следниот ден.

Ќе добиете вистинска, богата инфузија, која е исклучително здрава и помага при алергии.

Разликата помеѓу чајот и инфузијата е во тоа што во чајот се става мала количина коприва и чајот обично се остава околу 10 минути, додека инфузијата се остава преку ноќ или дури 24 часа. На овој начин пијалокот станува уште помоќен и лековит.

По желба, во инфузијата додадете малку свежо исцеден сок од портокал и малку природен засладувач како мед.

Ова ќе помогне да се направи овој супер здрав напиток и за вашите деца.

За спречување на алергии, инфузијата пијте ја превентивно наутро и попладне, а при првите симптоми на алергија можете да ја земате три пати на ден, по една шолја.

Оваа инфузија можете да ја чувате во фрижидер или замрзнувач и да ја користите и следната недела.