Навиките во исхраната кои пoттикнуваат севкупно добро здравје и губење на тежината се исти како оние кои можат да го подобрат профилот на холестеролот и да го намалат ризикот од кардиоваскуларни болести.

Кардиолозите се согласуваат дека одредени аспекти на животниот стил се од клучна важност за здравјето на срцето и тие ставаат посебен акцент на еден од нив, според Eat This, Not That.

Ова се 5 клучни навики во исхраната вообичаени кај луѓето кои го намалиле холестеролот на здрави нивоа.

Овесна каша за појадок

„Имам семејна историја на висок холестерол, па затоа сум свесна за мојата исхрана и успеав да го задржам мојот холестерол во здрав опсег без никакви лекови“, вели нутриционистката Кристина Лабони. Нејзиниот главен појадок е овес.

„Овесната каша содржи растворливи влакна, тип на влакна кои помагаат да се намали ЛДЛ холестеролот во крвта“, вели таа.

Студиите покажаа дека три до четири грама растворливи влакна дневно помагаат во намалување на LDL холестеролот за речиси 10%.

Избегнување на слатки пијалаци
Создавањето навика да избегнувате пијалаци засладени со шеќер како газирани пијалаци, коктели со сокови и слатки чаеви и кафиња, може да ви помогнат во нивото на холестерол.

Една 12-годишна студија воJournal of theAmerican Heart Association, која опфатила 6.000 учесници, покажала дека зголемената потрошувачка на шеќер е поврзана со висок холестерол, вклучувајќи негативни промени во концентрацијата на добриот HDL холестерол и триглицеридите.

Според многу кардиолози, токму овој чекор е клучен за одржување на здрави нивоа на холестерол.

Редовно консумирање на псилиум

„Слично на овесните снегулки и гравот, лушпите од псилиум се одличен извор на растворливи влакна, а растворливите влакна помагаат во намалување на холестеролот такашто се врзуваат за холестеролот во цревата, кој го елиминираат при движењето на дебелото црево“, вели регистрираната диететичарка Вероника Роус.

Прашокот од лушпа од псилиум може да се помеша во сок или други пијалаци за да се создаде густ гел во цревата и да се одржи чувството на ситост.

Меѓуоброкот се состои од јаткасти плодови

Мастите се суштински дел од здравата исхрана, но одредена маст наречена транс-масна киселина е страшна за холестеролот.

Транс масните киселини кои се наоѓаат во пакуваната и високо преработената храна како бисквити, крекери, пржена храна, колачи и други печива наменети за долг рок на траење го зголемуваат нивото на вкупниот и ЛДЛ холестеролот и го намалуваат добриот ХДЛ.

Јатките, за разлика од нив, се полни со растителни верзии на омега-3 масни киселини здрави за срцето, за кои е докажано дека го намалуваат вкупниот холестерол и триглицеридите.

Исто така, тие се одлична закуска за задоволување на нападите од глад.

Давање предност на здрави масти и растителни протеини

Луѓето кои имаат понизок холестерол имаат тенденција да јадат повеќе растителни протеини како грав, мешунки и тофу наместо црвено месо, кое е богато со заситени масти.

Според Клиниката Мајо, заситените масти имаат тенденција да го подигнат нивото на ЛДЛ холестерол.

Овошјето е основна намирница која содржи важни витамини, протеини и диетални влакна

неопходни за правилно функционирање на организмот. Но, исто така, содржи голем процент на

фруктоза, која може да им наштети на поединци ако го земаат на погрешен начин.

Фруктозата е еден вид едноставен шеќер кој му дава сладост на овошјето, но и на медот и, на

пример, ги заменува засладувачите како што е сирупот од агава. Исто како и секој друг шеќер, тој

може значително да го зголеми нивото на шеќер во крвта, во зависност од видот на слаткото

овошје што го јадеме.

Бананите, мангото, смоквите и грозјето се овошја со висок процент на фруктоза, што ќе предизвика

ненадеен скок на шеќерот во крвта, што може да резултира со мала треска, вртоглавица и уште

посилна желба за слатки кај оној што ги јадел.

Помалку фруктоза и пониски скокови на шеќер во крвта ќе обезбеди помалку слатко овошје како

што се боровинки, диња и малини. Но, за да ја забавите апсорпцијата на фруктоза, не треба да се

откажувате од овошјето со висок процент на шеќер, туку комбинирајте го на соодветен начин.

Комбинацијата на овошје со масти или протеини ќе го забави порастот на шеќерот во крвта,

истакнува американската нутриционистка и авторка на книги Френсис Ларгеман-Рот, која додава:

„Токму затоа јаболката со путер од кикиритки, бобинките со јогурт и грозјето со сирење се

класични. и здрави залаци“.

Нутриционистите објаснуваат зошто треба да бидете внимателни и во краен случај, да побарате мислење од својот лекар пред да започнете со кето диета.
Менито на оваа диета е исклучително привлечно – ве поттикнува да јадете вкусна храна богата со маснотии како тврдо сирење, путер, сланина, стек, па дури и хамбургер без печиво и тоа во големи количини. Клучот е многу низок внес на јаглени хидрати и висок внес на масти, така што вашето тело е принудено да ги согорува складираните масти како гориво – наместо јаглехидрати.

Но, дали кетото е добро за вас? Според извештајот на Американското здружение за срце (АХА) и не е баш здраво. Всушност, кетото е рангирана како една од најнездравите диети. Во споменатиот извештај десетина начини на исхрана се поделени на четири нивоа, а кетото е распоредено во четвртото и најниско.
Зошто? Затоа што го ограничува внесот на намирници кои се сметаат за есенцијални ако сакате срцето да ви биде здраво и наместо тоа промовира високо заситени извори на масти кои не се препорачливи.

Основи на кето диетата
Согорувањето на мастите се смета за идеален начин за слабеење. Основата на кетото вклучува консумирање помалку од 10 проценти од калориите од јаглехидрати и повеќе од 70 проценти од калориите од масти, вели професор Кристина Петерсен, нутриционистка од Универзитетот во Тексас. Тоа значи дека генерално, се консумира многу храна од животинско потекло и малку растителни производи.

„За телото да функционира нормално, треба да користи гликоза или јаглехидрати како главен извор на енергија“, вели Петерсен. „Кога ќе одлучите да одите на кето диета и ќе го ограничите внесот на јаглени хидрати, телото се прилагодува, па телото ги користи мастите што ги внесувате во него за енергија. Проблемот е што не сите клетки можат да ги користат мастите за производство на енергија, поради што се формираат кетони“.

„Слабеењето е најчеста причина зошто луѓето избираат кето диета“, вели проф. Маја Вадивелу, нутриционистка од Универзитетот во Род Ајленд. Од психолошка гледна точка, на луѓето кои се обидуваат брзо да ослабат попривлечни им се строгите диети, кои целосно го отфрлаат внесувањето на цели групи на храна наместо да се фокусираат на сложените јаглени хидрати и големината на порциите, објаснува таа. Бидејќи овие ограничувања се многу корисни кога треба да изгубите тежина на краток рок, но она што повеќето луѓе не го знаат е дека на овој начин килограмите полесно се враќаат – затоа што не можете да ги следите овие правила на долг рок. .

Како кето диетата доведува до губење на тежината?
Телото складира одредена количина на протеини, масти и јаглехидрати, кои ги користи како гориво за време на постот. Таа рамнотежа се обновува секогаш кога јадете, но кога ќе се потрошат складираните јаглехидрати – кои се неопходни за нормална функција на мозокот, телото ги користи мастите за создавање кетони, како сакан извор на енергија.

Кетоните се хемикалии кои телото ги произведува кога почнува да ги разградува мастите за енергија. Кога ќе се појават, телото оди во метаболичка состојба наречена кетоза. Луѓето тогаш обично се летаргични, имаат сува уста или се чувствуваат лошо – симптоми на кетоза наречени „кето грип“. Но, откако вашето тело ќе се прилагоди, овие симптоми исчезнуваат во повеќето случаи.

За да може организмот да остане во кетоза, внесот на јаглехидрати мора да биде на 10 проценти, што значи дека сте ограничени при изборот на голем број намирници. Зрна, овошје, зеленчук без скроб, многу млечни производи, па дури и одредени јаткасти плодови содржат јаглехидрати и затоа не се консумираат во големи количини. Јадењето големи количини на млечни производи и помасните парчиња месо е вообичаено за да се постигнат овие нутритивни цели.

Поздрав начин е да изберете масти од растителни извори, како што се авокадо, јаткасти плодови и мрсна риба наместо масното месо. Сепак, не е возможно да се балансира до тој степен бидејќи многу од овие извори содржат и јаглехидрати.

Дали е ова најлошата популарна диета?
Дури и ако можете оптимално да управувате со кетото, сепак ќе пропуштите да консумирате поздрави опции и влакна од цели зрна, овошје и зеленчук.

Резултатите од долгорочните студии кои ги откриваат здравствените импликации на луѓето кои следат кето диета сè уште не се достапни.

„Врз основа на она што го знаеме за оваа диета, за храната што се препорачува и за онаа што е ограничена, претпоставуваме дека овој тип на исхрана го зголемува ризикот од кардиоваскуларни болести“, вели Петерсен. „Исто така, врз основа на краткорочни студии на луѓе на кето диета, знаеме дека тие имаат покачено ниво на холестерол во крвта, што е клучен фактор на ризик.

Според Петерсен, интегралните житарки го намалуваат нивото на холестерол во крвта, а овошјето и зеленчукот се добри за крвниот притисок. Сите овие намирници се поврзани со помал ризик од кардиоваскуларни болести.

„Покрај тоа, би рекол дека ако луѓето не консумираат дел од зеленчукот без скроб, тие исто така не консумираат соодветни количини влакна, што ги зголемува различните ризици од рак, но исто така ги намалува позитивните ефекти врз правилното управување со холестеролот“, вели Вадивелу.

Дали кетото е добро за луѓето со дијабетес?
Сертифицираната нутриционистка Маја Фелер вели дека многу од нејзините клиенти сакаат да се префрлат на кето за брзо губење на тежината и затоа што веруваат дека нивниот хемоглобин A1C – тест на крвта што го мери просечното ниво на шеќер во крвта – ќе се намали, што може да биде корисно за оние со преддијабетес или дијабетес. Проблем е што кетото го зголемува ЛДЛ, или липопротеинскиот холестерол со ниска густина, што го зголемува ризикот од срцеви заболувања и мозочен удар.

„Ако имате некој што има дијабетес, мораме да размислиме за целата негова васкулатура, и затоа не сакам да препорачам нешто што е штетно на долг рок и што може да поттикне создавање наслаги, што секако ќе влијае на нивниот ендокрин систем“, вели таа.

Што нè доведува до прашањето – кој има корист од оваа диета?

Што се однесува до експертите, одговорот е никој. Петерсонова вели дека кога ќе ги погледнете упатствата засновани на докази, кетото не изгледа како препорака за лекување на која било болест, освен за луѓе со епилепсија кои не реагираат на достапните терапии (што беше првичната цел на диетата).

Класичната кето диета не се препорачува за луѓе со дијабетес, иако консумираат помалку јаглени хидрати. Подобра опција е внес помеѓу 20 и 40 проценти од вашите калории од јаглехидрати за да помогнете во управувањето со гликозата во крвта, наспроти 10 проценти препорачани од кето диетата.

Фелер смета дека вистинскиот предизвик е што нивото на нутриционистичка писменост е прилично ниско кога станува збор за просечен човек. Луѓето навистина не знаат што се протеини, масти или јаглехидрати и како да ги консумираат на начини кои би биле од корист за нивните индивидуални потреби. Можеби дури и не разбираат дека не се сите јаглехидрати исти или дека можат да бидат корисни.

Извештајот на АХА појаснува дека постојат поздрави и помалку здрави начини за следење на сите популарни обрасци на исхрана и дека дезинформациите во исхраната, погрешното нагласување или преголемото поедноставување може да доведат до модели кои не се корисни.

Конечниот заклучок на експертите за исхрана е дека ако размислувате за кето диета, дефинитивно прво треба да се консултирате со вашиот лекар.

Текстот е од ТУКА.

Кога си барате превоз преку Фејсбук групи, можете да очекувате сѐ најлошо или сѐ најдобро, зависи каква ви е среќата.

Откако се „инфилтрирав“, поточно, ме „инфилтрираа“ во Фејсбук групата во која баш и не припаѓам, ако е судејќи по називот „Охриѓани во Скопје“, пред два дена си најдов превоз за Охрид.

Некако ми се чини и дека и моите случајни сопатници не ги исполнуваат баш критериумите за групава, ама важно се поврзавме. Имено, нашиот симпатичен и кроток возач, Гаго Лихвинцев е всушност скопјанец женет за охриѓанка и натурализиран охриѓанец до таа мера што не отстапува од охридскиот дијалект дури ни кога никој околу него не зборува на истиот. Вториот сопатник пак, Александар Стефаноски е нашиот познат оперски пејач со светска кариера, кој е, колку што разбрав, полуохриѓанец, а не живее ниту во Скопје, ниту во Охрид, туку во Швајцарија.

Како и да е, со моите сопатници се најдовме токму благодарение на оваа група за која напишале дека не е наменета само за организирање на превоз, туку „е креирана за да се имет сите Охриѓани кои се во Скопје на едно место и да се обратат за било каква помош, забава и слично“.

Супер, нели?

И целава приказна всушност не е за патувањето, иако, фала му на Бога, благодарение на тоа што имав среќа да ми се „паднат“ интересни сопатници, беше тоа прилично забавно патување во кое дознавме триста чуда едни за други.

Меѓудругото, за тоа како Гаго се запознал со сопругата. Се запознале на Фејсбук, а во живо се сретнале првпат во Скопје. Таму, поточно, на една клупа во градскиот парк во Скопје се случила и нивната судбинска средба на која сфатиле дека си се судени еден на друг.

И навистина, Гаго и Марија се во брак веќе 8 години, a пред 7 месеци нивното малечко семејство си го добило и најважниот член, нивната мала Анастасија.

Ама да се вратиме на она што за нас од „Арт кујна“ е најинтересно од сѐ, а тоа е начинот на исхрана на оваа брачна двојка, благодарение на кој Гаго ослабнал цели 32 килограми за само 3 месеци, а неговата сопруга ослабнала малку помалку и малку побавно, односно, 20 кг за 5 месеци. Ниту тоа не е лошо, нели?

„Јадев колку сакам, постојано бев сит и полн со енергија. И продолжив да се хранам на истиот начин. Всушност, сега овој начин на исхрана, мене и на мојата сопруга ни стана и начин на живот“, раскажува Гаго, но предупредува и дека овој инаку здрав начин на слабеење, не се препорачува за бремени жени.

Станува збор за исхраната позната како ЛЦХФ или Low carb, high fat (ниски јаглехидрати, високи масти).

Судејќи по она што ни го раскажа Гаго, LCHF диетата е практично одговорот што го барате доколку сакате добар начин да ги изгубите вишокот килограми без да се изгладнувате! Еве што значи тоа!

Иако се нарекува диета, тоа е повеќе план за исхрана кој има за цел да ги елиминира јаглехидратите од вашата исхрана и да вклучи масти. Помалку јаглехидрати значи побрзо слабеење, а како точно да го постигнете тоа ќе ви објасниме во текстот што следи.

Што е LCHF диета?

Не дозволувајте овие големи букви да ве збунат.

Кратенката LCHF доаѓа од англискиот термин low carb, high fat, што во буквален превод треба да означува диета со ниско ниво на јаглени хидрати и високо ниво на здрави масти.

Се нарекува и Бантингова диета по Англичанецот Вилијам Бантинг кој ја направи популарна.

Конкретно, оваа диета ја елиминира храната која е богата со шеќери, тестенини и леб, а вклучува многу здрави масти. Нема потреба да ги броите вашите калории и да ги намалувате порциите, само јадете во границите на дозволената храна.

Она што го нагласува LCHF диетата се протеини, здрави незаситени масти и многу зеленчук.

Можеби ќе бидете збунети околу тоа како исхраната богата со маснотии е добра за вашата фигура, кога речиси првото правило што го учиме кога станува збор за диета е да се држите настрана од мрсна храна.

Излезе дека сме научени погрешно!

Поточно, не нѐ научијле да разликуваме добри и лоши масти.

Најважно кај овој начин на исхрана е внесот на шеќер и скроб да се сведе на минимум. Можете да ја јадете сета таа вкусна храна колку што сакате, а сепак да изгубите тежина.

Голем број неодамнешни, висококвалитетни научни студии докажуваат дека LCHF го олеснува слабеењето, а во исто време овозможува полесна контрола на нивото на шеќер во крвта. И тоа е само почеток.

Што треба да се јаде: месо, риба, јајца, сите зеленчуци кои растат над земјата и природни, здрави масти (како на пример, свинска маст или путер).

Што треба да се избегнува: шеќер и скробна храна (како леб, тесто, ориз, мешунки (грав, грашок, боранија и компири).

Јадете кога сте гладни и јадете додека не се заситите. Тоа е толку едноставно.

Добрите масти всушност придонесуваат за здрав и брз метаболизам. Кога ќе ги исфрлите шеќерите од вашата исхрана, телото може поефикасно да ги согорува насобраните масни наслаги. Тоа го прави благодарение на фактот што помалиот внес на шеќер значи помалку инсулин во крвта, хормонот кој е одговорен за таложење на маснотии. Така сте на добар пат да се ослободите и од целулитот.

Храната што ја јадете треба да биде, ако е можно, сирова или барем обработена што е можно помалку. Непотребно е да се каже дека треба да избегнувате индустриски преработена храна ако сакате диетата LCHF да функционира, нели?

Се разбира, тука треба да имате доволно контрола над себе и да знаете кога навистина сте го задоволиле гладот ​​и кога само продолжувате да јадете и покрај тоа што повеќе не сте гладни.

Не би било лоша идеја да се обидете да го намалите и вашиот апетит, или барем она што изгледа како апетит, но всушност не е вистинска потреба за храна.

Правила за исхрана

LCHF забранета храна

Па, кога веќе е толку добро, време е да дознаете како да се префрлите на исхраната со LCHF.

Правилата се дека јаглехидратите треба да ги ограничите на оптимална количина од 20 грама.

Со други зборови, избегнувајте храна која содржи шеќер и скроб. Ова ги вклучува вештачките и природни засладувачи кои можете да ги користите во чај или кафе наместо шеќер.

Ниту едно тесто и тестенини не доаѓаат предвид, но ниту ориз, житарки, компири, слатки компири, цвекло, грашок, мед, енергетски пијалоци и рафинирани масла (од соја, пченка, шафран и сл.), но и маргарин и овесни снегулки.

Што се однесува до овошјето, можете да го јадете, но треба да ја ограничите неговата употреба бидејќи содржи шеќер. Ако навистина сакате да јадете овошје на дневна основа, побарајте ги оние со малку фруктоза, како што се боровинки и други бобинки.

Алкохолот исто така не се препорачува кога станува збор за диетата LCHF, особено пиво, коктели и вино, иако чаша црвено вино овде-онде е доста прифатлива.

Зеленчукот е генерално дозволен, но одредени зеленчуци треба да се користат умерено. На пример, не треба да јадете повеќе од половина главица кромид по оброк. Исто така, треба да се ограничите на 1 или 2 домати, 1 морков, 1 пиперка и сл. по порција.

LCHF дозволена храна

Сега, кога ги опфативме правилата за забрана, ајде да кажеме и што е дозволено.

Значи, кои се намирниците кои содржат многу добри масти и малку или воопшто не содржат јаглехидрати?

Ги има доволно за да не се чувствувате како да сте на диета, а ја покриваат секоја група на намирници.

Можете да ги јадете речиси сите производи од животинско потекло, бидејќи се богати со протеини.

Тоа значи дека се земаат предвид месото (црвено, пилешко, говедско, итн.), како и јајцата и полномасните млечни производи (од павлака, сирење и јогурт до путер).

Што се однесува до рибата, диетата LCHF ги дозволува сите риби во исхраната, но особено советува да се јаде што повеќе масна риба, како лосос, туна, сардина и пастрмка. Рибата е одлична и поради рибиното масло кое содржи многу незаситени масти.

Можете да користите и масла, особено се препорачуваат маслиново масло, масло од авокадо и кокосово масло.

Зеленчукот исто така е генерално дозволен, освен ако не содржи премногу јаглехидрати. Тоа значи дека можете да ги јадете практично сите, брокула, прокељ, зелка, пиперки, домати, краставици, спанаќ, карфиол, печурки и друг зеленчук.

Од овошјето, како што веќе рековме, дозволената храна за LCHF се боровинки, јагоди, малини, капини и други бобинки, но и авокадо. Дозволено е и јаткасто овошје (бидејќи содржи многу здрави масти), затоа одлучете се за бадеми, ореви, кикирики и семки од тиква.

Конечно, дозволени ви се сите суви и свежи зачини, па можете да ги користите за да ги направите вашите јадења постојано разновидни. Да не зборуваме како некои од нив можат да влијаат на слабеењето.

Често сонуваме за идеално тело со соодветна тежина, без забележливи телесни масти. Сакаме да имаме рамен стомак и совршени нозе.

Она што понекогаш го забораваме е дека мајката природа ни дала елементи кои можат да ни помогнат да ги решиме ваквите проблеми.

Не мора да се подложуваме на скапи третмани кои вклучуваат многу хемикалии кои не се толку идеални за нашето тело.

Состојки кои ќе ви помогнат да ги изгубите несаканите масти се лимонот и чиа семето.

Шејк од лимон и чиа и неговите придобивки

Лимонот е одлично средство за елиминирање на маснотиите и се карактеризира со многу малку калории. Исто така, делува како антивирусно средство.

Поради високата содржина на влакна, ја поддржува хидратацијата, а со тоа и токсините полесно се елиминираат. Чиа семето е природен антиоксидант и е многу богато со влакна.

Сега замислете ги придобивките за вашето тело ако ги комбинирате овие две состојки. Резултатите ќе ве изненадат!

Потребни состојки:

1 и 1/2 чаша вода

1 лажица мед (или друг природен засладувач)

сок од 1 лимон

1 лажица чиа семе

Приготвување:

Прво треба да го натопите чиа семето во вода.

Околу еден час подоцна измешајте ги водата, сокот од лимон и чиа семето. Можете да користите и блендер, во зависност од вашиот вкус.

После тоа, вашиот шејк е подготвен за консумирање. Конзумирајте го секое утро на празен стомак и брзо ќе забележите промени во вашето тело.

Честопати, кога се многу гладни, а јадењето на кое чекаат уште не е готово, некои луѓе знаат да си намачкаат путер на леб. Во многу ресторани се практикува истото. На гостите им се нудат леб и путер за да можат потрпеливо да ја дочекаат нарачката. Некои луѓе пак се чувствуваат како да не се дојале ако после јадењето не намачкаат малку путер на леб.

Речиси и нема подобра комбинација од онаа кога на тукушто испечен леб ќе намачкате путер. Или кога ќе ја почувствувате аромата на путерот кој чрчори во тавата.

Оттука, многу логично звучи онаа француска изрека која вели дека се потребни три работи за добро јадење: путер, путер и уште малку путер.

Еве што треба да знаете за путерот.

При пржење на путер треба да се внимава температурата да не премине 150 степени. На повисоки температури немрсните материи од путерот почнуваат да горат, а тоа најлесно може да се спречи со додавање на зејтин или користете го путерот за динстање и печење

Путерот по својот состав е концентрирана млечна маст, со присуство на помала количина на вода и други состојки, т.н. немасни крути материи (белковини, лактоза, минерални материи и витамини А, Д и Е). Богат е со масни киселини со краток и средно долг синџир.

Тој е симбол на француското кулинарство и слаткарство и неизбежна намирница во професионалните кујни во подготвувањето на намази, сосови, слатки и основа на многу јадења. Француската изрека вели дека се потребни три работи за добро јадење: путер, путер и уште малку путер. Гастрономски гледано, богатиот вкус на храната која се подготвува со путер го надминува оној на храната подготвена со други маснотии.

Ghee

Ghee, познат и како прочистен путер или масло, е обработен путер без протеински и воден дел. Путерот полека се топи, се отстранува пената од површината и се процедува, со што се издвојуваат протеините и водата и на тој начин се остварува поинтензивен вкус и арома, но и повисока точка на чадење од 180 степени, поради што може да се користи  и за пржење.

Beurre noisette

Кафеавиот путер е вистинско мало готварско чудо, употребливо на безброј начини, едноставно за подготвување. Путерот на ниска температура се топи и потоа полека запенува. Во тој процес испарува водата, а путерот станува златнокафен.. Таа боја е знак дека е готов. Уште поважен е сигналот на мирисот. Кујната замирисува убаво по јаткасти плодови. Мирисот најмногу потсетува на лешник, оттука и францускиот назив, beurre noisette, „лешников путер“ во буквален превод.

Путер или маргарин?

За разлика од путерот, маргаринот е индустриски добиена намирница при што се користи постапка на делумна хидрогенизација на растителни масла, во кои можат да настанат и непожелни трансмасни киселини. Маргаринот содржи и заситени и незаситени масни киселини, а често е збогатен со и со витамини (особено А и Е). Со поиновативни процеси путерот денеска се произведува такашто содржи минимален дел трансмасни киселини (помалку од 1%), но и натаму е подобар прехранбен избор.