Во некои училишта за готвење, миењето печурки под млаз вода се смета за „грев“. Наводно, на тој начин печурките може да впијат вода и да ја изгубат и онаа боја којашто прво „го заситува окото“, но истото може да влијае и на вкусот. Затоа, младите готвачи честопати учат да користат влажна хартиена салфета или пак четкичка и нежно да ја бришат нечистотијата од печурките.

Ценетиот автор Харолд Мекги во својата книга од 1990 година – „Интересно готвење: Кујнска наука и сознанија“ преку експеримент на миење и натопување на печурките открива дека водата едвај се апсорбира во печурките. Тоа значи дека не е толку грев да се мијат и во вода.

Без разлика на различните мислења, несомнено е дека печурките мора да се исчистат пред готвење, на еден или друг начин. Како зеленчукот, така и печурките може да имаат бактерии кои можат да доведат до болести, па затоа е важно да се измијат, но и да се исушат потоа.