Кафе со цимет за посилно срце
Ако поросите цимет во шолјата со утринско кафе, ќе добиете моќна и многу вкусна доза на антиоксиданти. Циметот се користи и како зачин и како лек со илјадници години. Содржи повеќе од 40 заштитни соединенија и има една од најсилните антиоксидантни активности меѓу зачините.

Приготвување: Додадете 1/2 лажичка цимет во шолја сварено кафе и добро измешајте. Можете исто така да ставите една лажичка цимет во мелено кафе и да го сварите на вообичаен начин. За максимално задоволство и корисни својства, се препорачува да се користи цејлонски цимет, кој се смета за „вистински“.

Комбинацијата на ѓумбир и кафе ги ублажува болките во мускулите

Ѓумбирот, покрај бројните други здравствени придобивки, е ефикасен лек против мачнини. Содржи моќни антиоксиданти и антиинфламаторни соединенија. Исто така, може да ја намали болката во мускулите, да го намали холестеролот и да го помогне варењето.

Приготвување: Додадете ѓумбир директно во меленото кафе, не повеќе од 1 лажичка по шолја. Подгответе го омилениот напиток на вообичаен начин.

Доколку ви останал ѓумбир во фрижидер, изрендајте го, ставете една лажичка од него со вода во калап за мраз и замрзнете го. Ваква ладна коцка ѓумбир ќе го збогати кафето, но внимавајте – и ќе го разреди.

Кафето со куркума го подобрува варењето
Најсилните лековити својства на куркумата доаѓаат од куркуминот, соединение кое има моќни антиоксидантни и антиинфламаторни својства. Тие помагаат во детоксикација на црниот дроб, го забрзуваат варењето и го подобруваат расположението.

Приготвување: Додадете ½ лажичка куркума во вашиот омилен напиток и добро измешајте.

Мака во кафето помага да се балансира лачењето на хормоните
Коренот мака традиционално се користи за зголемување на плодноста, а истражувањата исто така покажале дека има позитивни ефекти врз балансирањето на хормоните. Маката е многу хранлива и богата со амино киселини, протеини и витамини.

Приготвување: За да ги искористите оптималните здравствени придобивки од маката, се препорачува да земате до 3 лажички дневно. Ставете една кафена лажичка во сварено кафе и добро измешајте.

За да го продолжите рокот на траење на прашокот од мака, чувајте го во фрижидер.

Кога во кафето ќе додадеме какао, ќе бидеме помалку депресивни

Какаото е суперхрана и еден од најмоќните антиоксиданти, како и моќен растителен извор на железо. Има антиинфламаторно дејство, го намалува крвниот притисок, го одржува доброто ниво на холестерол и го подобрува расположението.

Приготвување: Додадете една лажичка какао во шолја кафе и добро измешајте. Заедно со диеталните влакна, овој збогатен пијалок ќе ни обезбеди и дополнителна количина на антиоксиданти и магнезиум.

Кељот спаѓа меѓу најздравите намирници на светот. Спаѓа во групата зелјести растенија и е една од најсилните антиканцерогени билки за која се верува дека го намалува ризикот од рак на дојка, бешика, дебело црево, јајници и простата. Исто така, кељот ја поттикнува природната детоксикација на организмот и е многу богат со антиоксиданти. Наспроти сите бенефити, кељот сигурно не го користиме толку колку што би требало. 

Постојат многу различни видови на кељ. Листовите можат да бидат зелени или виолетови, мазни или извиткани. Кој кељ и да го одберете, нема да погрешите. Сите видови кељ се вистинска ризница на хранливи материи и извор на здравје. Во продолжение ви ги пренесуваме сите здравствени придобивки од кељот, а ви пренесуваме и необичен рецепт за поздрава верзија на чипс!

Поради екстремно малиот број на калории и богатството со хранливи материи, кељот е една од најздравите намирници која е погодна и за секаков вид на исхрана. Кељот е одличен извор на витамин Ц, многу добар извор на диетални влакна, витамини А, К и Б6, магнезиум, калиум и манган и добар извор на тиамин, калциум, фосфор и бакар. 70 грама кељ содржи 19 калории, 4 грама јаглени хидрати, 1 грам протеини.

Конзумирањето кељ е одличен начин да се зголеми содржината на хранливи материи.

Го намалува холестеролот и штити од срцеви заболувања

Кељот може да помогне во намалувањето на холестеролот, што може да го намали ризикот од срцеви заболувања. Една студија покажа дека пиењето сок од кељ секојдневно во текот на 12 недели го зголемува HDL (добриот холестерол) за 27% и го намалува нивото на LDL (лошиот холестерол) за 10%, а исто така го подобрува антиоксидативниот статус.

Екстремно нискокалорична намирница

Бидејќи 100 грама кељ содржи само 33 калории и изобилство на витамини и минерали, кељот со право може да се класифицира како супер-храна и како таква станува идеална храна за луѓето кои сакаат да ослабат.

Заштитува од рак

Кељот содржи растителни соединенија кои го спречуваат оксидативниот стрес, ја стимулираат ензимската детоксикација, го стимулираат имунитетот, го намалуваат ризикот од рак, ги намалуваат малигните трансформации и канцерогените мутации и самото ширење на ракот. Едно од овие соединенија е сулфорафан, супстанца за која е докажано дека помага во борбата против ракот на молекуларно ниво.

Го чува здравјето на коските

Калциумот е важна хранлива материја, особено за нашите коски. Кељот, особено во сурова форма, се препорачува за луѓе кои страдаат од недостаток на калциум во телото и имаат зголемен ризик од скршеници.

Детоксикација на телото

Новите истражувања покажуваат дека кељот може целосно да го детоксицира телото и да ја регулира општата состојба на телото бидејќи допира дури и до ДНК. Покрај тоа, содржи важни омега-3 масни киселини и флавоноиди, па затоа има антиинфламаторно дејство.

Чипс од кељ

Потребни состојки:

1/2 главица кељ

сол

прстофат чили

2 лажички маслиново масло

2 лажички свежо исцеден сок од лимон

2 лажички мелени бадеми

Приготвување:

Листовите кељ се одвојуваат и убаво се мијат, се редат на кујнска хартиена крпа и се оставаат целосно да се исцедат.

Измешајте две лажички сок од лимон со две лажички маслиново масло, измешајте прстофат чили и мелени бадеми. Со оваа смеса прелијте ги искинатите листови кељ.

Листовите распоредете ги на мрсна хартија и ставете ги во рерна на 175 степени и исушете ги десетина минути додека рабовите на зелката малку да поруменат. На крај поросете со малку сол, изладете и послужете.

За среќа, додавањето кељ во вашата исхрана е релативно едноставно. Можете да го додадете во вашите салати или да го користите во други рецепти. Многу луѓе исто така додаваат кељ во нивните смути за да ја зголемат нивната хранлива вредност.