Големата наградна игра „Славиме заедно 70 години Бимилк“ продолжува да ги наградува сите оние кои уживаат во производите од брендот Битолско и испраќаат СМС со податоци од фискалните сметки. Досега се доделени 28 награди и до крајот на наградната игра, односно, главното извлекување на 27.јуни, преостануваат уште 42, меѓу кои и главната награда Toyota Corolla Hybrid Hatchback.

Бимилк ја организира наградната игра во знак на благодарност кон потрошувачите за дадената доверба и по повод 70 години постоење на компанијата ги наградува верните потрошувачи со 70 вредни награди.

Секој понеделник има извлекување и се доделуваат по два мобилни телефони и два LED Smart телевизори. Сите недобитни пораки во овие извлекувања учествуваат во главното извлекување за кое веќе се пристигнати повеќе од 75 000 пријави. Наградната игра ќе трае до 26 јуни до кога ќе може да се испраќаат пораките, а главното извлекување ќе се одржи следниот ден, на 27 јуни 2022 година во 12.15 часот на Канал 5. Добитниците се извлекуваат по случаен избор, преку софтвер.

За учество и можна добивка на некоја од наградите потребно е само да купите некој од производите од портфолиото „Битолско“ во вредност од најмалку 70 денари на една фискална сметка, бројот на фискалната сметка и времето на плаќање да се испратат преку СМС порака на бројот 149 499 од операторите Македонски Телеком и А1 како и преку веб страната www.bimilk.mk/nagradna-igra. СМС пораката чини 5,9 ден.

Подетални информации за наградната игра се достапни на следниот линк www.bimilk.mk/nagradna-igra.

Вината на „Tikveš Châteaux&Domainеs“ добија уште една важна потврда на својот исклучителен квалитет на еден од најпрестижните и најголеми вински натпревари во светот – „Мундус вини“ 2022, освојувајќи четири златни медали и едно специјално признание.

На пролетното издание на овој врвен меѓународен вински натпревар златни медали освоија Sauvignon Blanc Barovo 2021, Barovo red 2019, Domaine Lepovo Pinot Noir 2019 и Terrasse a L’Ombre 2019, при што ова исклучително вино од француската винарница на „Тиквеш“ – Château de Gourdon, беше оценето и како „Најдобро од долината на Рона“, еден од најпознатите вински региони во Франција, во кој е лоцирана винарницата. За истакнување е и дека виното Sauvignon Blanc Barovo 2021 добива значајно признание, какво што е златниот медал на „Мундус вини“, уште во првата година по неговото создавање и лансирање на пазарот.

Значењето на овие признанија за вината на „Tikveš Châteaux&Domainеs“ е дотолку поголемо што се добиени во конкуренција на илјадници вина од десетици земји во светот. Вината се оценувани од меѓународно жири составено од врвни енолози и сомелиери, признати трговци на мало со исклучително знаење на виното, вински новинари и научници од целиот свет. Оценувањето на вината се одвива „на слепо“, што значи дека жирито нема информации за карактеристиките или брендот на виното кое го дегустира.

Наградите на „Мундус Вини“ се оценети и како значајна маркетиншка алатка за зголемување на препознатливоста при настапот на високо конкурентните светски вински пазари.

Винарската визба „Тиквеш“ е најнаградуваната винарница во поширокиот регион. Во последниве години вината на „Tikveš“ и „Tikveš Châteaux&Domaines“ годишно освојуваат над 100 награди и признанија на реномирани меѓународни вински натпревари.