Трендовите во гастрономијата и прехранбената индустрија, во последниве години, ни кажуваат многу едноставна приказна. Сè повеќе луѓе пијат, а сè помалку јадат, поточно, сè повеќе сркаат, а сè помалку џвакаат.

Започна со супите кои се нарачуваат во чаши или шишиња и се пијат. Најпопуларна е онаа од говедски коски, бидејќи, како што велат, содржи колаген. (Тоа е она кога супата се желатизира додека се лади.)

Пијалаците, без разлика дали станува збор за супа од зеленчук или мача чај, треба да бидат функционални.

Приказната продолжува. Јадењата што порано ги јадевме со лажица, сега ги пиеме со сламка. Интересно е и тоа што, додека порано супите кои се готвеа со часови, се јадеа на семејната трпеза, денес на пазарот се нудат инстант супи или пак веќе подготвени во пластични шишиња или во тетрапак. Секако, и порано постоеше бистра супа, но се користеше за готвење, а не како пијалак што го пиеме цел ден по малку.

За оние кои сакаат сами да ја подготват супата, на Интернет има сѐ повеќе совети за тоа како да ја зготват, а потоа да ја префрлат во пластични шишиња, да ја замрзнат и да ја вадат од замрзнувачот по потреба.

По супата со коски, трендот продолжи и сега имаме широк спектар на супи кои се конзумираат како напиток. Оние од зеленчук како цвекло, моркови, спанаќ, карфиол, целер, со додавање на овошје, авокадо, јаболка, портокали, со есенцијални билки како што се нане, магдонос или босилек и зачини ким, кари, црн пипер.

Заедно со супите, последните неколку години, главен хит е Комбухата, пијалок подготвен од истоимената печурка комбуха, црн или зелен чај, шеќер и вода. Бројни експерти ги повторуваат позитивните ефекти на комбухата врз здравјето.

На сцена се сѐ уште актуелни смудињата, а новост, освен тоа дека наместо чај од камилица, нане или црн чај од Битпазар, е тоа што сега се пие строго мача, банча и мате чај, но и варијанти како што се matcha latte и chai latte.

Првиот се подготвува со мача чај, а вториот со црн чај збогатен со зачини како што се анасон, цимет, ѓумбир. Новина е дека овие чаеви не се подготвуваат со вода, туку со млеко. Друга новина е што не станува збор за кравјо млеко, па дури ниту со соја млеко, бидејќи се сега тренд бадемовото, овесното, оризовото и кокосовото млеко. Од кравјото млеко се спасуваат единствено јогуртите и сè попопуларниот кефир.

Основниот заеднички именител на сите овие трендовски пијалаци, без разлика дали станува збор за супа или мача чај, е дека тие, пред сè, мора да бидат функционални. Пијалакот нема задача само да ја згасне жедта, да нè освежи или да нè загрее, во зависност од сезоната, туку мора да содржи состојки кои му прават добро на нашиот организам.

Резултатите со кои располага компанијата Mintel, компанија за истражување на пазарот, покажуваат дека потрошувачите првенствено бараат пијалакот да содржи антиоксиданти (47%), да ги штити мозочните функции (40%), да има антиинфламаторни својства (35%) и пробиотици (30%).

Па и не е толку лошо, иако понекогаш недостасува она прашање: Од што сакаш чај, од нане или од камилица?

Слабеењето и постигнувањето на посакуваните резултати бара труд, упорност и многу одлучност. Покрај исхраната, која игра важна улога во слабеењето, водата со нане може да биде одличен начин да се ослободите од вишокот килограми.

Нането додава пријатен мирис на нашите јадења. Помалку познат факт за нането е неговата улога како одлична билка за детоксикација. Полна е со хранливи материи и богата со железо. Достапно во изобилство во текот на летото, нането нуди освежителен и лесен начин да ги искористите неговите придобивки преку вода со нане. Покрај тоа, се верува дека е добар пијалак за сите оние кои се обидуваат да ослабат.

Водата со нане ќе ни помогне да ослабнеме, но не е магично средство, бидејќи го започнува процесот на детоксикација на телото. Патот до губење на тежината бара здрава урамнотежена исхрана и редовно вежбање, почетокот со вода со нане може ефикасно да го започне ова патување – вели нутриционистот Ети Џеин.

Како да направите вода со нане?
Состојки:

неколку листови нане
вода
Постапка:

Истурете 4 чаши свежа вода во тегла или во бокал за вода.
Измијте околу 4 гранчиња свежо нане или околу 25-30 листови. Можете да земете толку листови од нане колку што сакате.
Нежно згмечете ги листовите.
Ставете ги гранчињата нане во вода и потопете ги.
Оставете ги водата и нането неколку часа за нането да ѝ додаде вкус на водата.
На овој начин хранливите материи од нането ќе влезат во водата, зголемувајќи ги нејзините придобивки. Оваа вода може да се консумира во текот на денот, а преостанатото нане може повторно да се користи во јадења.

Кога е најдобро време да пиете вода од нане за да изгубите тежина?
Ако се трудиме да ослабнеме, наутро треба да пиеме вода со нане. Може да се конзумира на празен стомак за да дејствуваат неговите детоксикациски својства. Иако утрото е идеално време, можете да го пиете и во текот на денот бидејќи нуди неколку предности за губење на тежината.

Повеќе здравствени придобивки од водата со нане
Слабеењето не е единствената придобивка од пиењето вода со нане. Други придобивки од водата со нане кои треба да ги знаеме се следните:

1. Богато е со железо

Нането е богато со железо, а водата со нане може да ни помогне да ги задоволиме нашите потреби за железо, што го прави особено корисен за луѓето со дефицит на железо или анемија.

2. Ги балансира хормоните

Нането делува како суперхрана кога станува збор за решавање на хормонални нерамнотежи како PCOS, проблеми со тироидната жлезда и менопауза, благодарение на неговите природни својства, според студијата објавена во Journal of Ovarian Research.

3. Го олеснува варењето

Ментолот во водата со нане обезбедува ослободување од киселоста и го помага варењето, намалувајќи ја непријатноста поврзана со дигестивни проблеми, според студијата објавена во списанието Research Gate Journal.

4. Помага да се избегне мачнина за време на бременоста

Бремените жени можат да имаат корист од водата со нане бидејќи помага да се спречат мачнините и рефлуксот, обезбедувајќи го многу потребното олеснување за време на бременоста.

5. Обезбедува хидратација

Покрај здравствените придобивки, водата со нане служи и како освежителен и хидратантен напиток, помагајќи ни да ја добиеме потребната дневна количина на вода.

Дали има некои несакани ефекти од пиење вода со нане?

Иако генерално е безбедна за пиење, водата со нане можеби не е добра за луѓе со хронична бубрежна болест или дијабетична бубрежна болест. Пациентите со ГЕРБ (Гастроезофагеална рефлуксна болест) може да доживеат киселини, гадење и главоболки од конзумирање на вода со нане. Инаку, водата со нане е безбедна за секого, без ограничувања на нејзината консумација.

Дивото нане е повеќегодишно цветно растение кое потекнува од Европа, делови од северна Азија и Хималаите. И покрај неговиот малку горчлив вкус, листовите од диво нане често се користат во салати и готвена храна, како и за правење чај. Од друга страна, есенцијалното масло од лисјата од диво нане е широко користено за ароматизирање на слатки и на пијалаци.

Лисјата и есенцијалното масло од нане исто така традиционално се користат како природни лекови. Се вели дека листовите се одличен лек за воспаление на црниот дроб, чир на желудникот, дијареа, бронхитис, жолтица и кожни болести, додека маслото често се користи како антисептик. Поради забележаната антиоксидантна активност на дивото нане, индиските истражувачи решиле да истражат дали тоа има и антидијабетични својства.

Во една неодамнешна студија објавена во Journal of Ayurveda and Integrative Medicine, истражувачите го разгледаа потенцијалот на екстрактот од лист од диво нане да ја запре гликацијата. Гликацијата се однесува на хемиската реакција со која молекулата на шеќерот се врзува за протеин или липид. Овој настан е последица на хипергликемија и е поврзан со оштетување на ткивото кое е често кај дијабетесот. Истражувачите, исто така, го истражувале ефектот на екстрактот од диво нане врз активноста на два ензими за варење на јаглени хидрати, како и нивниот ефект врз постпрандијалната хипергликемија.

Според истражувачите, интересот за употреба на алтернативни лекови за контрола на дијабетесот, оксидативниот стрес и поврзаните нарушувања е зголемен во последниве години. Ова се должи на континуираното зголемување на бројот на луѓе кои заболуваат од дијабетес ширум светот. Во 2018 година, оваа бројка беше проценета на околу 340 милиони.

Постпрандијалната хипергликемија, или зголемувањето на гликозата во крвта после јадење, е силно вмешана во развојот на дијабетес тип 2 и дијабетични компликации. Истражувачите веруваат дека намалувањето на ослободувањето на гликоза во крвта по оброкот е ветувачки терапевтски пристап за третман или превенција на дијабетес. За да се постигне ова, два ензими вклучени во разградувањето на јаглехидратите во шеќер се сметаат за добри антидијабетични цели.

А-амилаза е дигестивен ензим кој ги конвертира сложените јаглехидрати како скробот во едноставни шеќери. Слично на тоа, α-глукозидазата го забрзува варењето на олигосахаридите – три до 10 едноставни шеќери поврзани заедно – и дисахаридите (на пример, сахароза, малтоза, лактоза) во молекулите на гликозата. Поради нивните функции, соединенијата кои можат да ја инхибираат активноста на α-амилазата и α-глукозидазата се користат за намалување на нивото на шеќер во крвта кај дијабетичарите.

Дивото нане е лековито растение со долга историја на употреба во традиционалната медицина. Древните исцелители го сметале за ветувачки природен лек за дијабетес. За да ја истражат неговата способност да ја инхибира постпрандијалната хипергликемија, истражувачите прво извадиле екстракт од лисјата од диво нане користејќи метанол како растворувач. Потоа го тестирале екстрактот на машки стаорци и извршиле различни „ин витро“ експерименти за да ја проценат антидијабетичната активност на екстрактот.

Истражувачите објавија дека екстрактот од диво нане покажал извонредна способност за чистење на слободните радикали, како и голем потенцијал да ја инхибира гликацијата. Тие забележале дека тој успешно инхибира повеќе од 90 проценти од напредното формирање на краен производ за гликација. Екстрактот од диво нане, исто така, покажало висока инхибиторна активност против α-амилаза и α-глукозидаза и значително ја инхибирал постпрандијалната хипергликемија кај стаорци со дијабетес индуцирана од скроб.

Врз основа на овие наоди, истражувачите заклучиле дека дивото нане има антидијабетична активност која е независна од инсулинот и може да се користи за лекување или спречување постпрандијална хипергликемија.

Во природата обично можете да најдете сѐ што ви треба за здравје. Дознајте како лековитите зачини можат да ви помогнат при оздравувањето.

Лековитите билки лекуваат одредени болести, а на вас останува да откриете кои и кога ви се потребни. Некои зачини се толку лековити што можат да спречат и да помогнат дури и при лекувањето на најтешките болести, како што се дијабетес, кардиоваскуларни болести или рак. Вклучете ги во вашата секојдневна исхрана и вашиот организам ќе ви биде многу благодарен.

Во медитеранската и источната исхрана се користат голем број зачини, а докажано е дека луѓето на овие простори живеат подолго и поквалитетно. Затоа, променете ги прехранбените навики и секојдневно користете здрави зачини во вашата кујна. Имаат големи антиоксидантни својства и можат да го забават развојот на болестите и стареењето на организмот.

Лековити зачини
Мускатното оревче се додава кон крајот на готвењето, кога јадењето веќе не е многу жешко бидејќи топлината го неутрализира неговиот вкус. Се покажало дека е многу корисен за здравјето на срцето, а за тоа е најзаслужен еугенолот. Одличен е и за сите дигестивни и стомачни проблеми и лекува болки во мускулите и разни воспаленија.

При употреба, неопходно е да се следат упатствата за дозирање. Неговата максимална дневна доза е 3 грама, а сѐ повеќе од тоа може да предизвика негативни психолошки последици (халуцинации и анксиозност).

Ѓумбирот има антиинфламаторни својства. Изрендајте го и исушете го. Измешајте 3 лажички мелен црн пипер, 6 лажички ѓумбир и 6 лажички мелен ким. Јадете ½ лажичка од оваа смеса со чаша вода еднаш дневно. Дополнително, обидете се да нанесете масло од ѓумбир на зафатеното подрачје. Ѓумбирот е вистински природен лек за артритис. Конзумирајте сиров ѓумбир на редовна основа бидејќи ја стимулира циркулацијата што на крајот ја намалува болката.

Куркумата е најчесто користениот зачин во Индија, но во последните неколку години стана многу популарен и на нашите простори.

Имено, спроведеното истражување докажува дека куркуминот е одличен во борбата против ракот. Ги третира воспаленијата во телото кои водат до развој на тумори и го спречува оштетувањето на здравите клетки.

Куркумата може да помогне да се запре ширењето на ракот, а се покажала како најдобра во лекувањето на меланом, рак на јајниците и рак на дебелото црево. Идеална е за додавање во чорби, јадења со ориз и тестенини.

Јаболковиот оцет е богат со фосфор, калциум, калиум и магнезиум. Освен што ја ублажува болката, јаболковиот оцет го елиминира формирањето на токсини во сврзните ткива и зглобовите. Измешајте 1 лажичка мед и 1 лажичка оцет во чаша топла вода. Оваа смеса консумирајте ја секое утро, по можност на празен стомак.

Лукот е зачин познат на сите по својот специфичен мирис. Но, дали знаете колку е исклучително лековит лукот?Токму неговиот специфичен мирис, кој доаѓа од алицинот, му дава најголеми лековити својства.

Ако секојдневно јадете лук, можете да го подобрите здравјето на срцето и крвните садови. Лукот го намалува холестеролот и го спречува згрутчувањето на крвта бидејќи го разредува.

Богатството на антиоксиданти кои се наоѓаат во него ја спречува појавата на рак, особено рак на желудникот и дебелото црево. Неговите антибактериски својства помагаат во лекувањето на габични инфекции, а се покажал и како одличен сојузник во борбата против настинки и инфекции на синусите.

Содржи витамини Ц, Б и манган и селен. Лукот ќе го подобри секое јадење во кое ќе го додадете со неговиот специфичен вкус и мирис.

Лековитиот ловор
Ловоровите листови имаат многу ароматичен, зачинет, горчлив и силен вкус. Свежите листови содржат витамин А, Ц и витамини од Б комплексот. Од минерали вклучуваат калциум, манган, железо, селен, цинк и магнезиум. Ловорот содржи околу 1 до 3% есенцијално масло, кое се состои од цинеол, еугенол, танини, сесквитерпени и горчливи материи.

Природно лекување со билки
Рузмаринот е медитеранско растение кое е одличен извор на антиоксиданти. Рузмаринот поради своето потекло најчесто се користи во медитеранската кујна и ќе забележите дека е составен дел од речиси сите медитерански јадења. Можете да го користите за да го подобрите вкусот на супа, сос од домати, леб, пилешко и мисиркино месо, риба, говедско и јагнешко месо.

Рузмаринот ќе помогне во детоксикација на телото, за варењето, при губење на апетит и против гасови. Обидете се да пиете до 3 шолји чај од рузмарин дневно за да ги ублажите овие тегоби.

Нането со години се користи за ублажување на дигестивните проблеми, како што се гасови, запек, грчеви во стомакот и дијареа. Може да помогне и во ублажување на симптомите на труење со храна. Нането го подобрува протокот на жолчката, што овозможува храната многу побрзо да помине низ стомакот. Ако терапијата на рак предизвикува гадење, може да се обидете да си помогнете со чај од нане. Можете да го направите со варење свежи листови нане додека не го добиете саканиот интензитет на чајот.

Нането ги ублажува и болките во грлото. Често се користи за ублажување на болки во грлото, кои се чест несакан ефект на хемотерапијата.

Ако претерате со храна или пијалак, нема потреба да пиете апчиња за да ги решите проблемите во желудникот и дигестивниот систем. Свртете се кон вашите резерви со зачини и чаеви и ослободете се од болката на природен начин. Еве што може да ви помогне …

1. Куркума (Curcuma longa)

Најдобра за: абдоминална болка, синдром на нервозно дебело црево и депресија
Зошто е ефикасна? Тоа е зачин кој секое јадење го бои во убава жолта боја. Главната состојка е куркуминот, кој има антиинфламаторни својства. Една студија покажала дека куркуминот ја ублажува болката во стомакот, како и ибупрофенот. Друга студија покажала дека ги намалува симптомите на синдромот на нервозно дебело црево и воспалението за 50 проценти, а се покажала и ефикасна во сузбивање на депресијата.

Како да ја земете: Додадете половина лажичка од овој зачин во храната секој ден, особено со јадења кои содржат маснотии и црн пипер, бидејќи овие состојки ја стимулираат неговата апсорпција.
Бидете внимателни: ако страдате од дијабетес, разговарајте со вашиот лекар пред да вклучите куркума во вашата исхрана. Во комбинација со лекови за дијабетес, можете да го намалите шеќерот на многу ниски нивоа.

2. Црн пипер (Piper nigrum)

Најдобар е за: стомачни болки, дигестивни проблеми, па дури и за артритис

Зошто е ефикасен? Црниот пипер е природен лек кој се користи во кинеската медицина стотици години. Содржи пиперин, кој се смета за аналгетик и ја зголемува апсорпцијата на хранливи материи во организмот.

Како да се зема? Додадете свежо мелен црн пипер во вашиот ручек или вечера за да бидете сигурни дека ќе ги извлечете најкорисните материи од него.
Бидете внимателни: Пиперинот може да го забави разградувањето на некои лекови за срцеви заболувања и проблеми со епилепсија, затоа не заборавајте да разговарате со вашиот лекар ако планирате да земате поголеми количини црн пипер.

3. Нане (Mentha piperita)

Најдобро е за: гастритис и релаксација на цревните грчеви.
Зошто е ефикасно? Една статија објавена во Journal of Gastroenterology во 2014 година покажа дека нането е одличен лек за грчеви и болки во цревата бидејќи содржи ментол и ментол, кои природно опуштаат.

Како да се зема? Една кафена лажичка суви листови нане прелијте ги со 200 милилитри топла вода. Оставете да отстои 10 минути, процедете го и пијте го овој чај три пати на ден помеѓу оброците.

Бидете внимателни: нането може да ги влоши жолчните камења и симптомите на оние кои страдаат од гастроезофагеална рефлуксна болест (ГЕРБ), затоа разговарајте со вашиот лекар ако имате такви проблеми

Сокот од нане и жалфија е попознат и како домашен лек во борбата против нередовна столица, проблеми со кашлица, респираторни нарушувања и разни воспаленија, како што се болки во грлото и забоболки. Исто така, сокот од нане и жалфија ќе ви помогне да го зајакнете вашиот имунитет.

Има и еден недостаток, а тоа е што сокот од нане и жалфија може да се пие континуирано во период од еден месец до 3 пати неделно, по што е неопходно да се направи двонеделна пауза.

Сокот од нане и жалфија се подготвува така што треба да набавите 5 гранчиња жалфија, 10 гранчиња нане, 1 дцл мед, 2 дцл сок од лимон, 3 литри вода и мраз. Натопете ги гранчињата во сок од лимон и оставете ги да отстојат околу 3 часа. Откако ќе отстои додадете ги останатите состојки, убаво измешајте и послужете.

Сокот од нане и жалфија се препорачува да се консумира ладен, а може да стои и во фрижидер, но не подолго од една недела!