Научниците од Италија открија дека пицата може да помогне да се намали болката предизвикана со еден вид на автоимуна болест и до 80 проценти.

Пицата е еден а од омилените брзи оброци, а се чини дека не само што не е толку штетна за нашето здравје, туку напротив, може и да помогне кога станува збор за некои автоимуни болести.

Имено, доколку е направена од свежи состојки, таа, според истражувањата на италијанските научници, може да ги ублажи симптомите на ревматоиден артритис.

Тоа е автоимуна болест која се јавува кога имунолошкиот систем по грешка ги напаѓа здравите клетки, предизвикувајќи воспаление и оток. Болната состојба предизвикува вкочанетост во зглобовите, а лек нема.

Научниците од Италија, домот на пицата, открија дека јадењето најмалку половина пица неделно може да помогне да се намали болката предизвикана од ревматоиден артритис до 80 проценти.

Експертите велат дека ова се должи на антиинфламаторните својства кои се наоѓаат во некои од свежите состојки.

„Поволните ефекти веројатно се должат на моцарелата и, во помала мера, на маслиновото масло, но не можевме да го процениме можниот ефект на сосот од домати“, напишале истражувачите во заклучокот од студијата објавена во списанието Nutrients.

Експертите ја анализирале врската помеѓу консумирањето пица и нејзиното влијание врз ревматоидниот артритис кај 365 луѓе на возраст меѓу 18 и 65 години. Учесниците кои јаделе половина пица повеќе од еднаш неделно пријавиле намалување на болката во споредба со оние кои јаделе две пици месечно.

Оние со потешки форми на болеста кои јаделе половина пица неделно доживеале намалување на болката за 80 отсто во споредба со групата која ја консумирала поретко.

Гледајте како се расплетува магијата додека скромниот наут се трансформира во вкусна и здрава подлога за пица. Прелиена со кремав хумус, потпечен наут, вкусна рукола и освежителни ротквици, оваа пица е експлозија од вкусови што ќе ги воодушеви вашите сетила.
И што е најдобриот дел? Тоа што е неверојатно лесно да се направи!

Погледнете го видеото и за кратко време ќе создадете сопствено ремек дело – пица од растително потекло.
Рецептот и видеото ги најдовме на PlantYou Planner, каде што има уште многу вкусни креации од растително потекло.

Иако артритисот не може да се излечи со храна, одредени намирници можат да ја намалат болката во зглобовите.

Артритисот може да звучи како една состојба, но терминот опфаќа повеќе од 100 поврзани болести кои влијаат на зглобовите.

Иако постојат многу различни видови на артритис, можете да ја користите истата здрава исхрана за сите видови за да ги олесните воспалението и болката предизвикани од артритис, пишува Health.com.

Сепак, важно е да се напомене дека артритисот не може да се излечи само со исхрана. Важно е да се консултирате со лекар, а третманот може да биде мешавина од физикална терапија, управување со стресот, вежбање, антиинфламаторна исхрана и евентуално, хируршки или фармацевтски интервенции.

Најлошата и најдобрата храна за ублажување на симптомите на артритис

Рафинирани јаглехидрати. Белото брашно и шеќерите се прифатливи во умерени количини, но често се присутни во прекумерни количини во стандардната исхрана. Истражувањата покажуваат дека белиот шеќер и брашното, како оние кои се наоѓаат во многу житарки за појадок и пакувани грицки, исто така влијаат на здравјето на цревата или микробиомот, што исто така може да го влоши воспалението.

Засладени пијалаци. Високо преработените шеќери кои се наоѓаат во засладените пијалаци и скоковите во шеќерот во крвта се поврзани со повисоки нивоа на хронично воспаление. Откриено е дека засладените пијалаци ги зголемуваат симптомите на артритис кај жените. Само еден засладен напиток дневно го зголемува ризикот од ревматоиден артритис за 63%, според студијата објавена во American Journal of Clinical Nutrition.

Омега-6 масни киселини. Ако е можно, ограничете ја употребата на масла од сончоглед, шафран, пченка, соја и семки од грозје, бидејќи тие имаат поголем сооднос на омега-6 во однос на омега-3 масни киселини од другите масла. Познато е дека молекулите наречени еикосаноиди, кои се добиени од омега-6 масните киселини, го зголемуваат крвниот притисок, го активираат имунолошкиот одговор и го влошуваат воспалението.

Преработено месо. Преработеното месо, вклучително и сланината, колбасите и некои сувомеснати производи, се повеќе гликирани (молекули на шеќер прикачени на протеинските влакна) отколку помалку преработените опции како што се говедско или пилешко хрането со трева. Покрај тоа, овие намирници кои се лоши за артритис имаат тенденција да имаат поголема содржина на натриум, што може да доведе до повеќе задржување на водата, што може да предизвика оток во зглобовите, пишува Health.com.

Замрзнати пици. Еден од водечките извори на натриум во исхраната, според Центрите за контрола и превенција на болести (ЦДЦ), пицата исто така може да доведе до воспаление на зглобовите. Ова е особено точно ако јадете парче пица направено со рафинирана кора од јаглехидрати и прелиена со феферони. Тоа би било трио од најлошите намирници за артритис, сите во еден залак.

Најдобрата храна за артритис

Брокула. Понекогаш најдобрата храна за артритис е наједноставна. Брокулата се издвојува по својата хранлива мешавина на витамини Ц и К, како и сулфорафан, делот од зеленчукот што прави да мириса лошо кога го готвите. Научниците веруваат дека сулфорафанот може да го забави почетокот и прогресијата на симптомите на остеоартритис, според Фондацијата за артритис. Бонус поени се доделуваат за калциум (21 милиграм по чаша), кој може да помогне во зајакнувањето на слабите коски.

Цреши. Фитохемикалиите и антиоксидантите во шарените овошја и зеленчук се поврзани со намаленото воспаление и ризикот од болести. Црешите се најдобриот избор поради нивното изобилство на антоцијани, флавоноиди кои на растителната храна ѝ даваат црвена или виолетова нијанса и други антиоксиданти кои можат да го подобрат протокот на крв и потенцијално да ја намалат болката. Колку е поживописна бојата, толку повеќе антиоксиданти содржи во повеќето случаи.

Мача чај. Сите зелени чаеви се полни со антиоксиданти, а ограничените студии на животни сугерираат дека соединенијата во лисјата може да ја намалат сериозноста на ревматоидниот артритис. Mача нуди голема количина на антиоксиданти кои се борат против оштетувањето на клетките, што може да го направи особено добар во ублажување на симптомите на артритис.

Омега-3 масни киселини. Според Фондацијата за артритис на САД, јадењето 85 до 114 грама риба два или повеќе пати неделно може да го заштити вашето срце и да го намали воспалението. Храната богата со омега-3 масни киселини, особено редовното консумирање на диви масни риби како лосос, харинга, сардини, аншоа или скуша, може да ги подобри симптомите на артритис, пишува Health.com.
Куркума. Популарниот жолт зачин кој се наоѓа во многу рецепти за кари и популарното златно млеко содржи многу здравствени придобивки. Кога ќе го комбинирате куркуминот, хемиско соединение кое се наоѓа во куркумата, со маснотии и црн пипер, веројатно ќе забележите помалку воспалителна артритична болка. Иако е неопходен холистички пристап кон третманот на артритис, можете со својот избор на храна да ја намалите болката.

Ако барате план за исхрана како идеален модел на исхрана за артритис, земете ги предвид целовитите намирници, растителната и добро балансирана исхрана за кои студиите покажале дека се ефективни, како што е на пример медитеранската исхрана.

Интригантната ТВ серија на Нетфликс, Stranger Things, привлече многумина во светот на овие популарни американски тинејџери, а нејзината популарност не е ништо помала и меѓу нашите млади, но и меѓу повозрасните кои ја следат серијата што во текот на своето 6-годишно постоење стана еден од најгледаните наслови на Нетфликс. Како еден од главните непријатели на младите прорагонисти во оваа серија, уште во првата сезона, се појави тој, Демогоргон.

И така, дојдовме до темата на нашава пица. Всушност, пицата е дело на Габриела Новотни, која инаку ја знаеме како д-р Габриела Новотни, од Клиниката за неврологија, но многу помалку знаевме за нејзините кулинарски вештини.

Благодарение на нејзината 11-годишна ќерка Гала, инаку верен фан на серијата Stranger Things, неодамна го откривме и овој друг дел од животот на убавата докторка, нејзината вештина за готвење, особено кога станува збор за разни чудесии од тесто.

Токму така, по желба на Гала, таа ја направила и оваа Демогоргон пица, која мора да признаеме, изгледа навистина демогоргонски.

А кога вашето мало слатко девојче ќе ви побара пица со ликот на најодвратното чудовиште од ТВ екраните, време е да ја покажете сета своја креативност.

Затоа, баталете ги нежните маргаритки, во тренд е сега грозниот Демогоргон. Ако и вашите тинејџери се далдисани по серијата, изненадете ги и прифатете го нашиот предизвик – направете и вие Демогоргон пица.

Нема попопуларна брза храна од топла пица. А можеби е сепак грев да се класифицира овој италијански специјалитет во категоријата брза храна?
Како и да е, не познавам некој што не сака пица, а ако веќе решите да направите домашна пица, тогаш замесете повеќе тесто и замрзнете си некое топче и за следниот пат.

Ако мислите дека е сеедно со какво брашно ќе направите пица, тогаш обрнете внимание какво е кога го правите со италијанско брашно тип 00 или, ако немате такво, тогаш со брашно тип 500, а какво кога го правите со брашно тип 400.

Рецептот е добар, но ви препорачуваме брашно тип 00 или тип 500.

Еве што ви е потребно за да добиете 8 топчиња за пици:

1 кг брашно
2 лажички сол
3 лажички инстант квасец
3 лажички шеќер
3 лажици маслиново масло
550 мл млака вода

Приготвување:

Разматете го квасецот во еден сад со малку млака вода, додадете шеќер и почекајте да се активира.

Ставете го брашното во сад, помешајте ја солта, а потоа додадете го активираниот квасец, маслото и додавајте го брашното.

Замесете тесто и месете го десетина минути. Најдобар ефект се добива ако тестото се удира од површината на масата. Така ќе ја испразните и негативната енергија и ќе се ослободите од стресот и тестото ќе биде таман какво што треба.

Потоа оставете го да нарасне двојно. Поделете го на топчиња и оставете ги уште еднаш да нараснат.

Сега се веќе спремни за да развлечете толку пици колку што ви требаат, а останатите да ги замрзнете за следниот пат.

Деновиве многу медиуми ја објавија веста дека нашиот најпознат пица МАСТЕР, Зоран Јовановски е поканет да биде судија на светски пица шампионат во Рим.

А тој, иако почитуван и со големо реноме во светот, кај нас, особено во Кочани каде што живее со семејството и со својот внук Максимилијан кој е причината заради која тој и се вратил во Македонија, повеќето од луѓето не знаат точно каков мастер имаме тука.

Јовановски во своите академии во Шведска, во Македонија, а наскоро и во Србија, обучува пица-мајстори кои за само 5 дена се стекнуваат со потребното знаење и подготвени се да отворат своја пицерија или да се вработат во пицерија во кое било место на светот која бара мајстори токму од Accademia Pizzaioli. Станува збор за светски познатата италијанска школа (Accademia Pizzaioli), која во Македонија ја донесе токму Јовановски кој е и сопственик на лиценцата.

Пред две години тој ја отвори Академијата во Македонска Каменица, а подоцна се пресели во Кочани, каде што семејството Јовановски, Зоран, неговата сопруга Елизабета и двајцата синови имаат и мал семеен бизнис и прават пици за носење.

Освен во Кочани, овој голем маг за пици  отвори академија и во Шведска, која  веднаш склучила ексклузивен договор  за обука на пица мајстори со компанијата Brödernas, која за неверојатно краток период отворила околу 70-80 ресторани, од кои во 30-40 имаат пици.

„Јас го направив нивното мени со 10-12 пици, а подоцна тие најбараната пица ја нарекле по мене – Zoran’s SM Pizza (Swedish pizza master). Оваа пица е и најбарана таму, бидејќи станува збор за пица со наполитанско тесто, но по шведски вкус. На неа има доматен сос, козјо сирење (Шевре), свеж аспарагус, многу малку моцарела, ореви и мед и круша“, објаснува нашиот соговорник.

Зоран работел секаде и вели дека повеќе го познаваат надвор од Македонија, отколку тука.

„На нашите академии правиме квалитетен кадар, создаваме само врвни мајстори,  па затоа постојано ни бараат луѓе насекаде, во ски-центри во Шведска, во Бугарија, во хрватските градови, во Италија, Норвешка. Бидејќи мојата академија со лиценца на Accademia Pizzaioli е единствена на овие простори, имам многу студенти не само од Македонија, туку и од странство“, вели тој.

Инаку, кога станува збор за академијата во Македонија, тука доаѓаат најразлични профили на луѓе, дури и поранешни директори на фирми, професори, доктори, камионџии, адвокати. Неодамна Јовановски ги обучил дури и првите студенти со оштетен говор и слух, сопственици на првото знаковно кафуле кое прво се отвори во Скопје, а подоцна се пресели во Битола.

„Околу 90 од луѓето кога доаѓаат во академијата се апсолутни почетници и токму тие се најдобри ученици и учат најправилно од самиот почеток. Учат како се прави тестото со индиректен замес на тесто, односно, така што тестото што се прави 1 ден однапред е практично еден вид на маја, 10-20 проценти од вкупната количина на тесто која се меси следниот ден и се меша со ова таканаречено предтесто. Обуката трае 5 дена, поточно, 40 часа, а учениците,  дури и тие кои првпат фаќаат тесто во рака, третиот ден веќе имаат насмевка на лицето“, тврди тој.

Со оглед на големиот интерес, наскоро ќе се отвори и третата академија под палката на Зоран, во Белград и со тоа, нашиот маестро ќе стане единствениот кој обучува студенти во дури три држави.

Ова е една од причините заради кои тој веќе се закитил со две златни, а очекува наскоро да ја добие и третата.

За академијата која треба да се отвори во Србија, веќе добил лиценца од директорот на Академијата во Италија, господин Енрико Фама.

Интересно е тоа што освен што како дете се плеткал во кујната и си играл со тестото што му го давала најмногу неговата тетка Магдалена, кога потпораснал имал само една страст, а тоа е фудбалот. Потекнува од Македонска Каменица, а од 17-годишна возраст играл фудбал за ФК Саса. По распадот на Југославија, отишол во Италија и таму првпат видел како се прави пица. Се заинтересирал, па почнал да го учи занаетот заедно со Италијанецот од Наполи, Антонио Тамаро и оттогаш, речиси три децении другарува со пиците.

Кога се вратил во Македонија, отворил пицерија во Кочани, во меѓувреме се оженил и добил два сина, но работата не го исполнувала бидејќи знаел дека ако го работи истото на друго место, тоа ќе биде повеќе ценето отколку кај нас.

Оттаму, со седумгодишно искуство на пица-мајстор зад себе, заминал во Грција, на островот Крит и нашол работа во пицерија уште истиот ден. Подоцна му се придружило и семејството и останале таму цела деценија. Тој работел како пица-мајстор, а неговата сопруга како готвачка.

Некаде во 2010-2011 година, кога во Грција имало финансиска криза тој се вратил назад во Италија. Потоа заминал во Норвешка, па во Шведска. Таму се запознал со омилените шведски пици.

„Во Шведска, пица број 2 е пицата Хаваи, со ананас, кашкавал и шунка, а пица број 1е кебап пицата, за кои, во Наполи, ако ги понудиш некому, може и ќотек да јадеш“, се смее Зоран, но продолжува да раскажува дека со сето свое разновидно искуство увидел дека има всушност многу пошироки знаења и искуства од кој било Италијанец.

„Кога после Шведска отидов во Наполи и секако, се видов со мојот колега и пријател Антонио, инаку врвен италијански мајстор и тој ме праша каква е таа пица со ананас и банана, сфатив дека моите искуства се навистина широки дека треба да почнам да го пренесувам своето знаење. Така и отидов во Академија Пиацоли во Италија, за да се здобијам со меѓународен сертификат и да станам инструктор.

Првична идеја ми беше да отворам филијала на Академиа Пиацоли во Шведска, но излезе прво да отворам филијала во Македонија, а потоа и во Шведска. Причината за моето враќање во Македонија беше мојот внук Максимилијан кој сега има три ипол години и уште од двегодишна возраст врти тесто заедно со дедо и има омилена пица, Маргарита“, вели дедо Зоран.

 А ако почнете да го прашувате маестро Зоран за деталите околу обуките и пиците, може само да посакате и самите да научите нешто. На пример, околу видот на брашното од кое се прават пиците, брашното тип 00, кое е специфично затоа што е еластично и лесно растегливо. Околу доматите кои се ставаат на пицата, а се специјална сорта од пределот на Везув во околината на Наполи, за моцарелата, свежиот босилек и така натаму.

Секако, ако сте во близината на ваков мајстор, не можете да не научите, па така, иако не со неговата страст, одлични мајстори се и неговите синови, а за сопругата вели дека е толку добра што би можела да се натпреварува во женската лига на пица-мајстори, но не е заинтересирана за натпревари. Затоа пак, ако ве интересира кој е најголемиот критичар на еден ваков мастер-шеф, одговорот во случајов е – неговата жена.

Инаку, на 25 и 26 април Зоран ќе биде судија на светскиот пица шампионат кој ќе се одржи во Рим, но ќе биде и ментор на македонски и српски натпреварувачи кои ќе се натпреваруваат со околу 250 пица-мајстори од целиот свет. Македонскиот тим во состав од Дејан Трајанов Чеде, Синиша Чамџиќ и Хисен Таири) ќе се натпреварува во три категории – Пица Наполитана, Пица Класика и Мистери Бокс (Mistery Box). Зоран ќе му биде ментор и на единствениот српски натпреварувач Дамир Карпузи, кој ќе се натпреварува во категоријата Пица Наполитана.

Самиот Зоран учествувал на повеќе светски првенства и ги оставал далеку зад себе дури и италијанските мајстори. Учествувал и на натпревари во Шведска, каде што има освојувано први и втори места, во Монголија, каде што на голем кулинарски натпревар од 700 натпреварувачи од цел свет, освоил прво место и така натаму. И секаде каде што одел, одел сам, па затоа е сега особено среќен зради тоа што Македонија за првпат ќе оди на еден натпревар како тим.

„Италијанците можеби си мислат дека се најдобри, но на многу натпревари сум бил подобро рангиран од Италијнците кои не влегле ни во првите четири. Не велам дека немаат врвни мајстори, но не треба да се генерализира бидејќи не  се сите такви. На пример, има една пицерија „ Da Michelle“ во Наполи која е популарна затоа што таму снимала филм Џулија Робертс, па туристите чекаат дури по 3-4 часа за да јадат таму пица, иако отспротива, прават многу подобра пица“, се смее нашиот соговорник.

Во меѓувреме, многу пицерии и ресторани од секаде во светот ги следат академиите на Јовановски, па тој, иако не е агенција за вработување, заради своето име кое го изградил надвор од границите на нашата држава и секако, заради реномето на Академиа Пицоли, им помогнал на многумина да си го најдат својот пат и своето место во светот. Во меѓувреме, иако човек ќе рече, сигурно му здодеало, нашиот соговорник си јаде пица барем 3-4 пати во неделата, а омилена му е истата како и на неговиот внук-Маргарита. „Нема добра пица без петтата состојка – страст“, порачува Јовановски.