Експертот за прехранбена технологија Мигел А. Луруена ја открил причината зошто ова популарно овошје речиси секогаш се продава во специфичен тип на пакување.

„Дали сте забележале дека портокалите секогаш се продаваат во црвени мрежи? Тоа не е случајност“, вели тој.

Можеби звучи чудно, но продажбата на портокали во црвени мрежи всушност ги прави попривлечни за купувачите. Целта е да се нагласи природната боја на овошјето и да се направи визуелно попривлечно. Оваа естетска одлука директно влијае на нашата перцепција за бојата.

Мункерова илузија

Како што објаснува Луруена, тоа е маркетиншки трик базиран на феномен познат како Мункерова илузија, именуван по германскиот истражувач Франц Карл Мункер од 1970-тите.

Оваа оптичка илузија предизвикува начинот на кој ја перцепираме бојата на некој предмет да се менува во зависност од боите што го опкружуваат. Во овој случај, истото овошје изгледа поинтензивно и позрело кога е опкружено со црвени мрежести линии.

Кога станува збор за храна, оваа визуелна манипулација се користи за овошјето и зеленчукот да изгледаат посвежи и позрели отколку што се всушност. Црвената боја ги нагласува топлите тонови како портокалова и жолта, што придонесува за попривлечен изглед.

Оваа техника не е ограничена само на портокали – таа се однесува и на други свежи производи како лимони, пиперки, авокадо и кромид.

Затоа, не им верувајте секогаш на вашите сетила. Внимателно читајте ги етикетите и, секогаш кога е можно, купувајте овошје и зеленчук на мерење за да избегнете какви било непријатни изненадувања.

Намалениот внес на витамини и слабата физичка активност во зимските месеци се само некои од причините за пролетниот замор, кој често со себе носи поспаност, слабост и недостаток на енергија.

Ако и вие страдате од пролетен замор или едноставно имате недостаток на енергија во кој било период од годината, направете го овој едноставен напиток кој ќе ви помогне брзо да ја вратите изгубената енергија. Едноставните шеќери кои наеднаш ги внесуваме во организмот преку консумирање слатки се брзо решение за зголемување на енергијата кое трае помеѓу 15 и 40 минути.

Енергетски пијалак
Долготрајниот ефект се крие токму во портокалот, кој во комбинација со лененото масло ја враќа изгубената енергија. Богат е со витамин Ц, калциум и фолна киселина, а маслото е таму за да го забави порастот на овошните шеќери од портокалот во крвотокот и на тој начин обезбедува рамномерно создавање на енергија во траење од неколку часа.

Ова не е единствената предност од користењето на оваа здрава состојка. Исто така, ќе ви помогне да спречите кардиоваскуларни болести и болести на белите дробови, а неодамнешните медицински истражувања покажаа дека редовната употреба на ленено масло го намалува покачениот крвен притисок.

Нутриционистите советуваат да се користи како додаток во исхраната, но без термичка обработка, бидејќи готвењето на висока температура би ги уништило здравите масти во маслото. Затоа, додајте го во готови оброци, сосови, салати и супи.
Секојдневно можете да консумирате сок од портокал и ленено масло, а неговата подготовка е брза и едноставна.

Потребни состојки:

3 излупени портокали
1 лажица масло од ленено семе
1 дцл ладна вода

Приготвување:
Сите состојки ставете ги во блендер и убаво измешајте. Доколку немате блендер, рачно исцедете го сокот од портокал, додадете масло и вода и добро измешајте.

Храна што ја зголемува енергијата

Ако се чувствувате уморни и летаргични, честопати се прашувате што да јадете за енергија? Одговорот може да лежи во вашите навики во исхраната, а не само во видот на храната што ја јадете.

За да имате секогаш доволно енергија, мора да јадете редовно. Тоа значи најмалку пет мали и внимателно одмерени оброци дневно. Ако се прејадете, брзо ќе почувствувате надуеност, непријатност и поспаност.

Постојат намирници кои ефикасно ќе го подигнат нивото на енергија во вашето тело, и тоа: кафеав ориз, слатки компири, банани, агруми, сушено овошје, лосос, соја, кафе, јогурт…

Пред празниците мајка ми секогаш правеше два вида на колачи. И едните и другите ги викаше новогодишни и ги правеше во гооолеми количини. Да има. За пред, за време на празниците, па и за после. А ваквите колачи се добри затоа што можат долго да траат. Ги вадеше со нејзините калапи за колачи кои уште ги чувам. Секогаш ги украсуваше едните со чоколаден, а другите со оној бел шеќерен прелив. Одозгора ставаше оревче, бадемче или ситни шарени ронки.

И беа многу многу вкусни, дури и колку подолго стоеја, толку беа повкусни.

Во едните кои во суштина ја имаа истата база, ставаше мелени ореви, а во другите кора и сок од портокал.

Ама мајка ми повеќе ја нема, а ги нема ниту нејзините колачи. Веќе цели две години. Затоа годинава направив некоја нова варијанта. Од двата вида вовогодишни колачи на мама, така си ги викаме ние интерно, направив еден вид, односно, ги споив состојките од двата.

Така во овие има и ореви и сок и кора од портокал.

Еве што ви треба за нив:

Состојки:

2 јајца

120 г шеќер

1 прашок за пециво

1 ванилин шеќер

сок и кора од еден голем портокал

150 г мелени ореви

120 г путер

400-500 г брашно

Приготвување:

Се матат јајцата со омекнатиот путер и шеќерот, па се додаваат полека и останатите состојки. Брашното се додава последно и сами ќе видите колку ви треба. Треба да замесите смеса која ќе може да се развлече во кора со дебелина од 2-3 мм, во зависност од тоа дали сакате подебели или потенки колачи. Се печат во загреана рерна на 180 степени околу 7-10 минути.

За преливот стопете чоколадо со малку млеко и путер и прелијте ги, а потоа ставете по парче бадем или орев одозгора.

За да ви биде полесно да си ја направите оваа интересна супа од сладок компир, ѓумбир и портокал, добро е секогаш да имате малку печен компир во фрижидерот или барем да ги испечете компирите претходната вечер, така што кога ќе дојдете од работа ќе можете да ја подготвите оваа вкусна супа за околу 3 минути.

Состојки:

2 средни слатки компири (околу 500 г вкупно)

750 милилитри супа од зеленчук

2 лажички ситно рендан свеж ѓумбир

кора од пола портокал – по можност непрскан или добро измиен и 2 лажички сок од портокал

1 лажичка сок од лимета

¼ лажичка каенски пипер

сол (по вкус)

Приготвување:

Загрејте ја рерната на 200/220ºC.

Ставете ги слатките компири во мал плех за рерна, обложен со кујнска хартија или завиткани во фолија (сирупот што истекува од слатките компири додека се печат е многу тежок за миење) и избоцкајте ги неколку пати со врвот на остар нож или со вилушка. Потоа печете 1 час, или додека компирите не омекнат. Се вадат од рерна и се оставаат да се изладат.

Ставете ги излупените слатки компири во тенџере. Ставете ја супата, додадете го изренданиот ѓумбир, кората од ½ портокал и 2 лажици сок од портокал, заедно со сокот од лимета и кајенскиот пипер. Потоа измешајте убаво пред да го ставите  капакот, вклучете ја ринглата и ставете ја супата да зоврие.

Вкусете за зачините, оставете малку да се излади, а потоа користете блендер или испасирајте со вилушка ако сакате супа со погруба текстура.

Дополнителни информации:

Компирите може да се печат и до 2 дена однапред. Префрлете ги во соодветен сад, оставете да се изладат, па покријте ги и ставете ги во фрижидер.

Ако ви остане од супата, изладете ја, покријте ја и ставете ја во фрижидер во рок од 2 часа од правењето. Се чува во фрижидер до 3 дена. Повторно загрејте во тенџере, повремено мешајќи и додајте дополнителна вода доколку е потребно кога ќе сакате повторно да јадете.

:

Изладената супа може и да се замрзне, во херметички сад, до 3 месеци. Одмрзнете преку ноќ во фрижидер и повторно загрејте како во претходниот случај.