Денешниот свет е различен од светот во кој се живеело порано. Пред сто години, сите туѓи супстанции со кои се среќаваа луѓето доаѓаа од растителниот свет. Во нашата модерна ера, создадовме илјадници нови хемиски соединенија кои нормално не постојат во природата.

Многу хемиски соединенија се дел од нашата исхрана (конзерванси, ароми, бои). Други ги внесуваме со лекови што многумина од нас ги користиме секој ден. Хемијата се користи и во козметиката, средствата за чистење, печатењето, текстилната индустрија итн.

Сите овие хемикалии секој ден минуваат низ нашиот црн дроб, кој мора да се справи со овој товар. Во повеќето случаи, успева да ја исчисти крвта од овие токсини, но постојат ситуации кога црниот дроб е навистина преоптоварен и му е потребна помош, на пример:

при заболување на црниот дроб
труење
прекумерна употреба на лекови
прекумерна употреба на алкохол
неправилна исхрана во подолг временски период
Луѓето отсекогаш знаеле и користеле растенија кои го штитат и регенерираат црниот дроб.

Растенија за регенерација на црниот дроб

Млечен трн (Silybum marianum)
Досега, најдобри резултати во превенцијата и третманот на оштетување на црниот дроб покажал млечниот трн. Главната активна состојка во млечниот трн е силимарин. Силимаринот е комплекс од различни соединенија (силибин А и Б, изосилибин, силихристин, силидијанин, флавоноиди како што се кверцетин и таксифолин, итн.). Заедно, овие соединенија учествуваат во регенерацијата на црниот дроб и неговата заштита.

Истражувања се спроведени со зелена пупавка – една од најотровните печурки која предизвикува опасно оштетување на црниот дроб и убива околу 30% од своите жртви. Во студијата, силимарин бил даден пред консумирање на оваа печурка и 10 минути по консумирањето на печурката. Во обете групи, млечниот трн обезбедил 100% ефикасна заштита од ефектите на токсинот од зеената пупавка.

Силимаринот е силен антиоксидант (10 пати појак од витаминот Е). Го зголемува нивото на глутатион во црниот дроб за 35%. Глутатионот е одговорен за чистење на црниот дроб од широк спектар на токсини. Со зголемени нивоа на глутатион, црниот дроб има поголема способност да ја исчисти крвта од токсични соединенија.

На овој начин, консумирањето млечен трн има и заштитен и регенерирачко дејство врз нашиот црн дроб.

Дозирање:

– 70-240 мг млечен трн три пати на ден (дозата зависи од јачината на поединечниот производ на пазарот)

– 140 мг силимарин три пати на ден

Забелешка:

Нашето тело може да се навикне на силимарин. Затоа, земајте го 2 недели, а потоа направете пауза од 2 недели. После тоа, можете да ја повторите терапијата.

Глуварче
Јадете глуварче! Оваа билка расте во секоја градина. Наберете листови од глуварче, измијте ги и додадете ги во вашата салата. Можете да најдете глуварче и во продавниците за здрава храна во форма на тинктури или капсули. Глуварчето е неверојатно корисно кога станува збор за здравјето на црниот дроб и другите органи поврзани со него.

Оваа билка успешно се користи во третманот на многу заболувања на црниот дроб – хепатитис, воспаление на црниот дроб, камења во црниот дроб, откажување на црниот дроб, жолтица итн.

Глуварчето делува како тоник за црниот дроб и помага во неговата функција.

Дозирање:

– 4-8 мл свеж сок од корен од глуварче (1-2 лажички) еднаш дневно

– 2-8 мг сушен корен од глуварче еднаш дневно, во чај

– 4-8 мл екстракт од глуварче еднаш дневно (разреден во вода или чај)

Сладок корен (Glycyrrhiza glabra)
Кинезите долго време ја користеле оваа билка за лекување на црниот дроб. Research Group of Liver Disease и Shanxi Medical College спровеле студии кои потврдиле дека сладичот ги неутрализира токсините во црниот дроб. Студиите, исто така, потврдуваат дека тој го зголемува производството на интерферон, кој најчесто се користи за лекување на хепатитис Б.

Од 1950-тите, лекарите и на Исток и на Запад успешно го користеле глициризинот – соединение добиено од сладок корен – за лекување на хепатитис. Во Јапонија, глициризинот се покажал толку ефикасен што станал стандарден дел од терапијата за оваа болест.

Дозирање:

7-8 грама корен од сладич дневно

Постојат и други начини за обновување на црниот дроб

Можете да користите алтернативни методи како што се акупунктура, акупресура, рефлексологија, магнетна терапија, ароматерапија и хомеопатија, заедно со лековити билки за побрзо обновување на црниот дроб.

Текстот е од ТУКА.

Колку и да се трудиме да се храниме здраво, со брзиот проток на информации, често дознаваме различни мислења за тоа што е всушност здраво, па затоа честопати имаме дилеми – Дали навистина се храниме здраво и на вистински начин?

Една теорија за здрава исхрана што е сè уште многу дискутабилна, околу која има многу полемики и се спротивставуваат мислењата на најистакнатите експерти, секако е автофагијата.

Иако овој начин на јадење беше поддржан од многу спортисти, тој беше и критикуван. Многу експерти кои го поддржуваат традиционалниот, докажан начин на исхрана, се многу скептични во однос на автофагијата. Тие веруваат дека е многу важно да има континуитет и умереност во текот на целиот ден кога станува збор за внесувањето храна. Како голема мана на автофагијата, тие наведуваат дека луѓето по 16 часа гладување не можат да контролираат што и колку ќе јадат, па затоа често се јавува прејадување и ефектот станува токму спротивен. Покрај тоа, луѓето кои работат цел ден веројатно нема да можат да имаат два оброка во тие осум часа, па затоа често доаѓа до прескокнување на уште еден оброк, што може да доведе до исцрпеност и неправилна исхрана.

Самиот збор автофагија доаѓа од грчкиот јазик и е составен од два збора: „авто“ и „фагеин“, што значи „самојадење“. Всушност, автофагијата е природен процес во телото што се јавува по 16 часа гладување, односно престанок на внесување на храна, по што организмот самиот почнува да ги „јаде“ и да ги разградува оштетените делови на клетките. Според авторот на тоа откритие, јапонскиот биолог Јошинори Осуми, автофагијата ги отстранува сите стари, оштетени, па дури и канцерогени клетки, што го штити организмот од болести и прекумерна тежина.

Осуми за ова откритие ја доби Нобеловата награда за медицина во 2016 година.

Иако самиот процес е откриен во 60-тите години на минатиот век, истражувањето на Осуми од 80-тите и 90-тите години на минатиот век покажа дека автофагијата игра клучна улога во заштитата од стареење, воспалителни процеси, деменција и Паркинсонова болест.

Фантастичната вест е дека за време на процесот на автофагија, клетките ги уништуваат бактериите и вирусите, кои потоа се елиминираат од телото.

Клетките се чистат и се регенерираат

Процесот на автофагија е карактеристичен за сите живи суштества, не само за луѓето. Тоа е одличен начин телото да се ослободи од токсините во клетките, како и од вишокот и нездрави клетки.

Нашите клетки имаат длабоко вкоренета интелигенција.

Слично на начинот на кој ние самите се ослободуваме од отпадот од домаќинството, така и нашите клетки во телото го прават истото, автоматски.

Имено, тие го пакуваат и складираат она што го сметаат за отпад во посебни „вреќи“, т.н автофагозоми, а потоа го преместуваат во посебни „контејнери“ наречени лизозоми, каде што овој отпаден материјал се вари и се разложува.

Со помош на лизозомите, протеинските структури се разложуваат на аминокиселини, кои потоа телото ги користи за да создаде и изгради нови, здрави клетки.

Ова рециклирање во клетките е од клучно значење за нашето целокупно здравје.

Благодарение на автофагијата, нашето тело се ослободува од воспалителни процеси и од опасните токсини кои инаку би можеле да доведат до сериозни болести.

Како можете сами да го стимулирате процесот на автофагија

1. Пост или воздржување од храна

За процесот на автофагија потребно е одредено време да се пости или да се воздржува од храна.

Тој пост треба да трае најмалку 12 часа, а уште подобро ако го продолжите тоа време на 24 часа или повеќе.

На пример, ако последниот оброк сте го имале во 16 часот, а следниот ден сте појадувале во 7 часот наутро, тоа значи дека сте постеле 15 часа.

Практикувајте го ова што е можно почесто или воведете 24-часовен пост еднаш неделно.

На овој начин ќе дозволите вашите клетки да се чистат, обновуваат и регенерираат, а вашиот организам да се одмори и да се наполни со енергија.

Бидејќи клетките го користат разградувањето на разни отпадни материјали како гориво, не мора да се грижите дали ќе останете без енергија за време на постот. Токму спротивното. Ќе забележите зголемување на енергијата, поголема ментална јасност и сила на духот.

Секогаш кога практикувате пост, односно кога не јадете одреден период, му дозволувате на вашето тело да се ревитализира и да се подмлади.

Приврзаниците на автофагијата велат дека на овој начин не само што се заштитувате од хронични болести, туку и си го продолжувате животот.

Поради бројните придобивки не само за телото, туку и за духот, постот често се практикува за религиозни и духовни цели. Интересно е и тоа што го практикуваат и исклучително виталните луѓе кои живеат во т.н сини зони во светот.

Жителите на грчкиот остров Икарија, кои се меѓу најдолговечните, постат дури 150 дена во годината!

2. Вежбање и температурни шокови

Покрај постот, процесот на автофагија се активира и со вежбање, како и со изложување на телото на температурни шокови.

Нашите претци, на пример, често постеле поради недостаток на храна, во исто време напорно работеле физички и биле изложени на екстремен студ или топлина.

Токму ваквиот начин на живот дополнително го поттикнува природниот процес на автофагија, на кој тие биле многу повеќе изложени од нас денес.

Заедно со постот и вежбањето, задолжително туширајте се со топла и ладна вода наизменично или капете се во ладна вода. А тој шок и позитивен стрес ќе поттикнат самообновување и регенерација на вашиот организам.

Придобивки од автофагијата:

спречува воспалителни процеси
помага при слабеење
ја подобрува функцијата на мозокот
ги обновува и подмладува клетките
го намалува ризикот од деменција и Паркинсонова болест
штити од хронични болести, како што се дијабетес и рак
го намалува ризикот од кардиоваскуларни заболувања
ја зголемува виталноста
го продолжува животот.

Истражувајќи ги сите предности и недостатоци на автофагијата, заклучуваме дека е многу важно добро да размислиме, да ги анализираме нашите дневни обврски и да видиме дали навистина ќе можеме да практикуваме автофагија на вистински начин. Треба да знаете дека секој организам е различен и дека секој треба да се консултира со нутриционист пред овој чекор.

Ако одлучите дека автофагијата е вашиот нов начин на исхрана, многу е важно да знаете неколку важни правила за да можете навистина да го исчистите вашето тело и да ги постигнете посакуваните резултати.

Terra Madre Salone del Gusto е најголемиот настан на Слоу Фуд, меѓународен собир што се случува на секои две години и е посветен на политиката за храна, одржливото земјоделство и животната средина. Оваа година се одржува во Парко Дора, Торино, од 22-ри до 26-ти септември, со над 600 изложувачи и серија работилници, конференции и дегустации кои покажуваат како можеме да ја обновиме нашата планета преку храна. Темата на ова издание е #Regeneraction.

Регенерирањето не значи обнова, туку оживување, од дрвјата од кои повторно растат исушените гранки до обновување на сиромашните почви и повторно раѓање на планинските заедници, обновувањето на екосистемите на свежа и солена вода и преиспитување на односот помеѓу градовите и селата.

Една од темите за кои се зборува на годинешното издание на Тера Мадре е и тоа дека пандемијата не го започна, туку само го забрза процесот на оттуѓување меѓу луѓето и заедниците, дека кризите со кои се соочивме пред ковид-19 се засилија, а нееднаквоста растеше паралелно со глобалните температури. Регенерацијата е покана до сите нас, по долгата пандемија, да погледнеме на светот со свежи очи и нов ентузијазам. Храната мора да биде во срцето на оваа регенерација и да делува како мост до мирот.

Во рамки на конференцијата и меѓу многуте говорници беше и Паоло Џентилони, поранешен премиер на Италија и актуелен еврокомесар за економија, кој донесе порака на надеж: „Тера Мадре е оптимистичка заедница, која со дух на радост се соочува со големите предизвици на нашата планета. Овој оптимизам и верба во подобар свет е поважен од кога било, со оглед на кризите со кои се соочуваме. Потребно е посистемско преиспитување на нашиот свет – политичарите кои го признаваат ова се обвинети дека веруваат во утопии. Но, каква алтернатива постои? Слоу Фуд отсекогаш бил пример за оваа можност за преиспитување, регенерирање, преобликување на светот на подобро“.

Ако сакаме да одгледуваме храна без да ги исцрпиме ресурсите на Земјата и да создадеме неприфатливо страдање, тогаш мораме да ги отповикаме разорните врски помеѓу монокултурите, експлоатацијата на почвата и интензивното земјоделство.

Слоу Фуд долго време работи на односот меѓу луѓето, животните и Земјата, па оттука и кампањата Slow Farming ги поддржува оние кои одгледуваат животни со почит, кои се грижат за почвата, биодиверзитетот на пасиштата и пејзажот: Почитувањето е клучната работа за сите нас, бидејќи мораме да ја вратиме вистинската вредност и вистинската цена на производите од животинско потекло, намалувајќи ја нашата потрошувачка и избегнувајќи го отпадот.

„Во име на хранење на светот, нашите полиња се претворија во бескрајни монокултури, додека животните се спакувани во лоши услови за производство на месо, а пловечките фабрики ги празнат нашите океани од риби. Во име на хранење на светот, ние ги исцрпуваме неговите ресурси со сè побрзо темпо. Време е да се грижиме за природата и да го вратиме она што сме го оштетиле. Време е за регенерација.Треба да ги препознаеме сите различни начини на кои ѝ штетиме на нашата планета и да разбереме како тие ветувања дека ќе го нахраниме светот се изградени врз политики кои ја ставаат во опасност прехранбената безбедност на милиони луѓе. Значи, кои се добрите практики што можеме да ги користиме за да управуваме со земјата, водата и да коегзистираме со сите други живи суштества на оваа планета?“, се некои од прашањата кои беа поставени првите два дена на Тера Мадре, а беа споделени и неколку конкретни примери со кои се покажа колку е витална регенерацијата за иднината на нашата храна.