Славниот готвач од ресторанот Нома, еден од највисоко оценетите ресторани во светот, поднесе оставка поради обвинувања на поранешните вработени за злоупотреба.

Рене Реџепи го објави своето заминување на социјалните мрежи, велејќи: „По повеќе од две децении градење и водење на овој ресторан, решив да се повлечам и да им дозволам на нашите извонредни лидери сега да го водат ресторанот во неговото следно поглавје.“

Поранешните вработени го обвинија готвачот за создавање токсична работна средина, вклучително и вербална и физичка злоупотреба, според извештаите на медиумите.

Угостителскиот објект со седиште во Данска, се подготвуваше за резиденција во Лос Анџелес, но корпоративните спонзори се повлекоа по тврдењата за злоупотреба и протестите пред неговата поп-ап локација.

Во изјава објавена на Инстаграм, Реџепи рече: Извинувањето не е доволно; јас ја преземам одговорноста за моите постапки.

– За секој што се прашува што значи ова за ресторанот, дозволете ми јасно да кажам: тимот на Нома денес е најсилниот и најинспиративниот од кога било.

Отворени сме 23 години и јас сум неверојатно горд на нашите луѓе, нашата креативност и насоката во која се движи Нома – вели Реџепи.

Тој најави дека тимот ќе продолжи со својата работа на локацијата во Лос Анџелес без него.

Реџепи, исто така, поднесе оставка од одборот на MAD, непрофитна организација што ја основал во 2011 година, која на својата веб-страница наведува дека се фокусира на помагање на оние кои се нови во угостителската индустрија.

View this post on Instagram

A post shared by Rene Redzepi (@reneredzepinoma)

Неодамнешен извештај во Њујорк Тајмс наведува дека десетици поранешни вработени го обвиниле готвачот за создавање на насилна култура во кујната и токсична работна средина, што вклучувало вербални закани и физичко малтретирање во ресторанот што го основал во 2003 година.

– Да бидам искрен со вас, мислам дека последиците од молчењето се полоши од тоа што јас проговорив и решив да застанам покрај моите колеги против насилството – вели Џејсон Игнасио Вајт, поранешен вработен во Нома.

Тој бил сведок на широко распространета злоупотреба во текот на годините кога работел за познатиот готвач.

Денови подоцна, Реџепи одговори на обвинувањата на социјалните медиуми, велејќи: „До оние кои страдале под моето водство, мојата лоша проценка или мојот гнев, длабоко жалам и работев на промена“.

Тој рече дека викал и ги туркал луѓето, дејствувајќи на начини што се неприфатливи и сподели дека одел на терапија и нашол подобри начини да го контролира својот гнев.

Но, протестите се одржаа пред поп-ап локацијата на Нома во населбата Силвер Лејк, при што некои групи за права на плати повикаа на оставка од Реџепи.

– Кој сака да јаде во средина на злоупотреба – изјавила Сару Џајараман, член на „One Fair Wage“, за CBS News, американскиот медиумски партнер на Би-Би-Си.

– Кој сака да јаде храна што доаѓа од солзите и потта на луѓето што страдаат?

Неколку корпоративни спонзори, вклучувајќи го и „Американ експрес“, се повлекоа од 16-неделната серија вечери.

Резервации за поп-апот во Лос Анџелес чинеа 1.500 долари (1.120 фунти) по лице и беа распродадени за само неколку минути.

Повеќе за Рене Реџепи и за неговата биографија како син на сиромашен албански имигрант од Македонија, прочитајте ТУКА.

Слатко од борови шишарки било на менито на еден од најдобрите ресторани во светот, „Нома“ на славниот Рене Реџепи со кои се гордееме сите ние затоа што потекнува и пораснал во нашите краишта. Поточно, роден е во Копенхаген, но потекнува од тетовското село Џепчиште. Неговиот татко е македонски Албанец од тетовско, а неговата мајка е од Данска. Добар дел од неговото детство, Рене го поминал во Џепчиште. Неговото петчлено семејство живеело во мал стан во Копенхаген, со ниски приходи, па по извесно време родителите одлучиле да се преселат во Македонија. Детството поминато во тетовското село е нешто за што тој често зборува во своите интервјуа. Неговото семејство останало да живее во Македонија до балканските војни, кога одлучиле повторно да се вратат во Копенхаген. Сѐ потоа е веќе позната приказна за неговиот ресторан како еден од најдобрите во светот и за него како еден од највлијателните луѓе во светот.

Неговите необични рецепти во кои тој постојано користи сѐ што може во одреден период од годината да се најде во природата, се секогаш инспирација за сите.

Еден од нив се и зашеќерените шишарки кои биле дел од менито на Нома. Рене Реџепи на својот Инстаграм профил покажува како избира млади шишарки од бор и објаснува дека тие се динстаат во шеќер речиси два часа. … Ова ги прави меки како карамели, со најневеројатниот вкус на шумата.

Ова слатко, велат, освен прекрасен вкус, има и некои здравствени придобивки. Се вели дека шишарките се корисни за неколку здравствени проблеми: респираторни заболувања, кашлица, бронхитис, грип и слуз.

Ние го најдовме видеото од подготовка на овој џем, инспириран од Реџепи, на Јутјуб каналот на The London Chef.

Ви требаат:

200 гр зелени шишарки
800 мл вода
300 гр шеќер

Славниот Рене Реџепи постигна многу и неговиот ресторан Нома неколку пати беше прогласуван за најдобар во светот, доби трета Мишелин ѕвезда и засекогаш ја промени не само ресторанската индустрија туку и дефиницијата за гастрономија. Деновиве тој најави дека Нома во оваа форма ќе постои само уште една година. Најавува огромни промени. Реџепи вели дека после идното летно мени 2023.повеќе нема да ја отвара Нома.

Реџепи на социјалните мрежи објави дека после тоа мени ќе патува низ светот со целиот тим за да готви, да учи и да бара нови инспирации. Дестинациите се уште не се одредени. Ова не е прв ваков план, кога Нома се пресели во сегашниот простор и додека чекаа на реновирање, тимот на Реџепи цело време работеше на поп-ап локации во Јапонија, Австралија, Мексико и на други места.

View this post on Instagram

A post shared by Rene Redzepi (@reneredzepinoma)

Одлуката за затворање на Номе, пишува Реџепи, созревала три години. Искуството со пандемијата веројатно ги забрза работите, но поверојатно е дека Реџепи само ја следи својата бескомпромисна филозофија на оригиналност и инвентивност, што е тешко да се имплементира на едно место и во ресторан кој наполни дваесет години. Ако Нома беше на вашата листа на работи што треба да ги направите во животот, препорачуваме да резервирате уште денес. Списоците се полнат со молскавична брзина.