Покрај изборот на вистинската храна, секојдневното одење и управувањето со стресот се подеднакво важни за здравјето на срцето
Ако имате висок крвен притисок, хроничен замор или семејна историја на срцеви заболувања, можно е да имате затнати крвни жили, а да не сте воопшто свесни за тоа.

Нашите артерии, како автопат, ја носат крвта до сите клетки. Но, кога во нив почнува да се таложи плак, кој е комбинација од масти, калциум и отпад, доаѓа до застој, послаба циркулација, болка во градите и ризик од срцев или мозочен удар.

Добрата вест е дека постојат намирници кои помагаат во чистењето на крвните садови, намалување на воспалението и заштита на срцето. Иако можеби со години се храните „погрешно“, никогаш не е предоцна да го смените тоа. Еве кои се овие намирници и како можат да ви помогнат.

Куркума
Моќен природен антиинфламаторен зачин. Куркуминот од куркумата го намалува воспалението во ѕидовите на крвните садови и спречува формирање на опасни згрутчувања. Секогаш комбинирајте го со црн пипер и здрави масти (на пр. кокосово масло) за да му помогнете на вашето тело подобро да го апсорбира куркуминот.

Авокадо

Богато е со здрави масти кои го намалуваат лошиот (LDL) и го зголемуваат добриот (HDL) холестерол. Исто така, содржи бета-ситостерол, растително соединение кое ја блокира апсорпцијата на холестерол, а има и калиум за намалување на крвниот притисок.

Шпаргли

Помагаат во детоксикација и опуштање на крвните садови, што го намалува крвниот притисок и го подобрува протокот на крв. Богати се со антиоксидантот глутатион и витамин К, кој спречува таложење на калциум во артериите.

Калинка

Ова црвено овошје содржи моќни антиоксиданти како пуникалагин, кои ги штитат внатрешните ѕидови на крвните садови. Истражувањата покажуваат дека сокот од калинка може да го намали плакот и да го подобри протокот на крв.

Брокула

Одлична е за срцето. Богата е со сулфорафан, кој го стимулира производството на заштитни ензими во садовите. Исто така, содржи влакна, витамини од групата Б и лутеин, кои помагаат во одржувањето на здрави, флексибилни артерии.

Чиа семе

Иако се мали, полни се со омега-3 масни киселини и влакна. Тие ги намалуваат триглицеридите, го подобруваат крвниот притисок и го врзуваат холестеролот во дигестивниот систем, спречувајќи го да се акумулира во крвта.

Цимет

Покрај намалувањето на шеќерот во крвта, помага во намалувањето на LDL холестеролот и триглицеридите. Делува како природен антикоагуланс и ја подобрува циркулацијата. Додадете го во кафе, овесна каша или смути.

Лубеница

Хидрира и го стимулира производството на азотен оксид, соединение кое ги шири крвните садови и ја подобрува циркулацијата. Исто така, содржи ликопен, моќен антиоксидант кој го штити срцето.

Брусница

Го зголемуваат добриот и го намалуваат лошиот холестерол. Ги штитат клетките што ги обложуваат крвните садови од оксидативно оштетување. Можете да ги ставите во смути, природни сосови или да ги грицкате како ужина.

Спирулина

Алги кои ја содржат ретката масна киселина GLA, моќно антиинфламаторно соединение. Го балансира холестеролот, го намалува крвниот притисок и ги чисти артериите. Можете да ја додадете во смути или да ја земате во капсули.

Совети плус

Совети за уште подобро васкуларно здравје? Воведувањето на овие намирници е одличен чекор, но ќе постигнете уште поголем ефект ако ги комбинирате со здрави навики.

Јадете повеќе растенија и интегрална храна, избегнувајте преработени производи, шеќери и рафинирани масти. Движете се редовно, најмалку 30 минути на ден. Научете да го управувате стресот преку дишење, медитација или поминување време во природа.

Исто така е важно да пиете доволно вода и доволно да спиете. Престанете да пушите, бидејќи тоа е еден од најголемите фактори на ризик за срцеви заболувања. И не заборавајте дека вашето срце работи за вас секој ден. Време е и вие да почнете да работите за него. Малите, секојдневни промени можат да имаат големо влијание.

Авторите на студијата наведуваат дека тоа е утврдено со проверка на инциденцата на срцеви заболувања кај повеќе од 3.000 жители на Кина кои јаделе од пластични садови, но и такашто на глувците им истурале загреана вода во пластични садови, пишува Гардијан.

Научниците ставале зовриена вода во садовите на една, пет или 15 минути бидејќи пластичните хемикалии се испуштаат со многу побрзо темпо кога врелата содржина се става во садовите.

„Ова покажало дека голтањето на овие води ја сменило цревната микросредина, влијаело на составот на цревната флора и ги модифицирало метаболитите на цревната флора, особено оние поврзани со воспаление и оксидативен стрес“, се наведува во студијата.

Тие потоа го провериле ткивото на срцевиот мускул на стаорците и откриле дека е оштетено.
Студијата цитирала претходно истражување кое покажало дека дури 4,2 милиони микропластични честички на квадратен сантиметар можат да истечат од пластичните садови кои се печат во микробранова.

„Податоците откриле дека изложеноста на пластика со висока фреквенција е значително поврзана со зголемен ризик од конгестивна срцева слабост“, напишале авторите.

Како што е наведено, пластиката може да содржи која било од 20.000 хемикалии, од кои многу претставуваат ризици по здравјето.

Овие хемикалии често се наоѓаат во храната, но и во амбалажата на храната и се поврзани со рак и со репродуктивни оштетувања.

Студијата не дава препораки за тоа како можат да се заштитат потрошувачите, но заговорниците на јавното здравје велат дека треба да избегнуваат микробранова печка или додавање топла храна во пластични садови дома, како и готвење што било во пластика.

Артериите се мускулни жили кои ја спроведуваат крвта богата со кислород низ телото. Тие допираат до мозокот и до врвовите од прстите на нозете. Затоа, здравјето на артериите е клучно за спречување на срцеви заболувања и мозочни удари.

Луѓето кои имаат блокирани артерии или артериосклероза не се ни свесни за тоа. Тие стануваат свесни за тоа дури кога ќе развијат симптоми како што е ангина. За жал, многу луѓе сфаќаат дека страдаат од затнати артерии дури откако ќе доживеат срцев или мозочен удар.

Пред да почнете да паничите, не грижете се. Постојат едноставни работи што можете да ги направите, а се однесуваат на вашата исхрана. Еве список на пијалаци и намирници кои можат да им помогнат на вашите артерии да останат здрави и да спречат здравствени проблеми.

Првата храна која треба да ја консумирате повеќе и почесто е рибата. Рибата е полна со здрави омега-3 масни киселини. Докажано е дека овие киселини имаат позитивно влијание врз количината на холестерол во крвта, што е честа причина за затнати артерии. Истражувањата покажале дека жените кои јадат две или повеќе порции масна риба имаат подобро кардиоваскуларно здравје. Некои добри риби се лосос, скуша, харинга, пастрмка и туна.

Цитрусното овошје го намалува крвниот притисок. Во исто време, ја намалува стенозата. Во 18 век, се користеле агруми за лекување на скорбут. Јадењето портокали и грејпфрут, овошје богато со влакна, ги штити артериите од затнување. Еден грејпфрут за појадок е секогаш добра и здрава идеја.

Оревите ја подобруваат флексибилноста на артериите. Дополнително, шпанските истражувачи објавиле дека јадењето ореви делува подобро од маслиновото масло кога станува збор за заштита на артериите после оброк богат со маснотии. Ако уживате во јаткастите плодови, оревите нека ви бидат главни. Тие имаат многу корисни својства.

Ако не сте љубител на ленено семе, можеби треба да станете. Тоа има фантастични својства, а едно од нив е тоа што е од имаат корист за вашите артерии. Според истражувањето, заклучено е дека лененото семе може да игра важна улога во спречувањето на кардиоваскуларни болести. Тоа содржи омега-3 масни киселини, растителни влакна и фитоестрогени кои му помагаат на вашето здравје. Може да се најдат во мелена форма или во вашиот омилен леб. Постојат и снегулки во кои ги има.

Кога станува збор за здравјето на артериите и срцето, куркумата е вашиот најдобар пријател. Спроведени се над 200 видови на истражувања за да се демонстрира корисноста на куркумата во лекувањето и спречувањето на разни срцеви заболувања. Не само што куркумата го лекува срцето, туку се бори против разни метаболички болести кои се честа причина за срцеви заболувања.

Бројни студии покажаа поврзаност помеѓу консумирањето зелен чај и кардиоваскуларните заболувања. Студијата на 40.530 здрави возрасни Јапонци покажале дека оние кои пиеле повеќе од 5 шолји зелен чај дневно имале 26% помал ризик да умрат од срцев или мозочен удар и 16% помали шанси да умрат од други причини отколку оние кои пиеле помалку од една шолја зелен чај на ден.

Јадењето цимет во неговата природна форма е исклучително здраво. Се смета за антиоксидант, има антиинфламаторни својства и може да го намали ризикот од срцеви заболувања. Една студија покажала дека циметот го подобрува нивото на гликоза и липиди кај луѓето со дијабетес тип 2. Мета-анализата заклучи дека циметот може да го намали холестеролот и триглицеридите.

Многумина од нас уживаат да јадат калинка. Во лабораториски и клинички истражувања, се покажало дека калинката може да помогне да се избегнат многу патолошки промени поврзани со кардиоваскуларни заболувања. Калинките се борат со кардиоваскуларни болести со намалување на оксидативниот стрес, поддршка на синтезата и многу повеќе.

Малку луѓе знаат дека глогот, на кој обично не ни обрнуваме внимание, се смета за најлековито растение во природата. Глогот со векови се користел за лекување луѓе и животни, а бил незаменлив и во бројни магиски ритуали.

На крајот на краиштата, глогот ни е познат, ако не по неговите лековити својства, барем од приказните и митовите за тоа како вампирите можат да се уништат со кол од глог. Какви и да се религиозните и магичните верувања, факт е дека ова растение кое најчесто расте како плевел содржи бројни корисни својства кои го прават едно од најлековитите растенија во светот.

Одлично спречува срцеви заболувања

Во хомеопатските книги е наведено дека глогот е одличен како лек за срцето, а тинктурата направена од него е исклучително ефикасна за спречување на инфаркт. Се користи и за одржување на здравјето на крвниот систем, при висок крвен притисок, слабеење на срцевиот мускул и срцева аритмија.

Се препорачува после срцев удар, бидејќи го зголемува протокот на крв во коронарните крвни садови. Ја поттикнува активноста и подобрата исхрана на клетките на срцевиот мускул. Всушност, многу хомеопати, како и други кои се занимаваат со растенија и нивните лековити својства, веруваат дека сите постари од 50 години треба повремено да земаат тинктура од глог.

Други придобивки од ова растение

Покрај проблемите со срцето, глогот помага и кај следните здравствени проблеми:

замор и недостаток на енергија
лош сон
отежнато дишење
вртоглавица
нервоза
шум во ушите
симптоми на менопауза
вишок килограми
слабо сврзно ткиво на зглобовите
дигестивни проблеми.

Кога да се бере и како се прави чај од глог?

Плодовите од глог се берат наесен, кога се светло црвени. Потоа се сушат, а може и да се мелат, па се сушат и се користат за чај. Една кафена лажичка иситнети плодови од глог прелијте со 150 мл врела вода, покријте го садот и оставете да отстои 15-30 минути. Потоа процедете и пијте три пати на ден.

Магиски верувања

Со глогот се поврзани многу верувања и митови како што е оној за вампирите, односно, дека за да бидете сигурни дека вампирот нема никогаш да се разбуди, треба да го прободете со колец од глог право низ срцето.

Можеби ова верување има некоја врска со тоа што глогот од дамнешни времиња се користел токму како лек за срцето, па додека за луѓето било лек, се верувало дека за вампирите како нелуѓе, ќе биде смрт.

Големото истражување на истражувачите од францускиот институт INSERM покажало дека редовното консумирање на вештачки засладувачи може да биде поврзано со поголем ризик од развој на срцеви заболувања. Сепак, некои експерти повикуваат на претпазливост во врска со ваквите заклучоци.

Милиони засладувачи се консумираат дневно во производи како диетални газирани пијалаци, делумно за да се избегне зголемување на телесната тежина од прекумерното консумирање шеќер, но здравствената исправност на ваквите надоместоци долго време е предмет на контроверзи.

Обидувајќи се да го проценат влијанието на вештачките засладувачи врз развојот на срцевите заболувања, научниците од францускиот институт INSERM анализирале податоци за повеќе од 100.000 возрасни лица во Франција.

Студијата покажала дека срцевите заболувања се развиле кај 346 од 100.000 луѓе кои консумирале големи количини на вештачки засладувачи.

Евидентирани се 1.502 проблеми со срцето

Како дел од студијата NutriNet-Sante, помеѓу 2009 и 2021 година, испитаниците им дале на научниците информации за нивните навики во исхраната, начинот на живот и медицинската историја, доколку ги имале.

37% од учесниците во студијата користеле вештачки засладувачи, со просечен внес од 42 мг дневно, што е еквивалентно на едно пакување засладувач или околу една третина од конзерва диетален газиран сок.

Во текот на деветгодишниот период на следење, експертите забележале 1.502 срцеви проблеми, вклучувајќи срцев удар, ангина пекторис и мозочен удар.

Студијата покажала дека срцевите заболувања се развиле кај 346 од 100.000 луѓе кои консумирале големи количини на вештачки засладувачи, во споредба со 314 од 100.000 луѓе кои не ги консумирале.

Матилде Тувие од INSERM, која ја координирала студијата, вели:

Резултатите од спроведената студија се во согласност со последниот извештај на СЗО објавен оваа година. Научниците не препорачуваат користење на засладувачи како безбедна алтернатива на шеќерот.
Во извештајот на Светската здравствена организација од април се наведува дека не постои јасен консензус за тоа дали вештачките засладувачи се ефикасни во процесот на долгорочно слабеење и одржување, како и дали се поврзани со други долгорочни здравствени последици.

Под критика од лекарската фела затоа што не успеваат да ги утврдат причините за разликите

Друга студија, заснована на податоците од Nutri-Net, објавени претходно оваа година, открила корелација помеѓу развојот на рак и вештачките засладувачи како што се аспартам, ацесулфам калиум и сукралоза. Сепак, слични набљудувачки студии неодамна беа под критики од медицинската фела бидејќи не успеваат да ги утврдат причините за разликите во резултатите од истражувањето.

Навид Сатар, професорка по метаболичка медицина на Универзитетот во Глазгов, која не била вклучена во студијата, вели дека постојат големи разлики во голем број карактеристики и начин на живот на луѓето кои консумираат вештачки засладувачи во споредба со оние кои не консумираат, заради што не може да се изведе цврст заклучок.

Таа ги повикала владите да финансираат долгорочни, рандомизирани испитувања „за да се доближиме до вистината“. Резултатите од студијата беа објавени во British Medical Journal.